Thursday, June 18, 2015

'My Kung Fu Chinito' Premieres June 21

Magsasanib pwersa na ang Kapamilya chinito heartthrobs na sina Richard Yap at Enchong Dee para ituro sa TV viewers ang halaga ng katapangan at pagharap sa kanilang kinatatakutan sa pagsisimula ng "Wansapanataym" special nila na pinamagatang "My Kung Fu Chinito" ngayong Linggo (Hunyo 21).

"Para sa mga kabataan at buong pamilya talaga itong 'My Kung Fu Chinito,' hindi lang dahil nakaka-entertain 'yung kwento nito kundi dahil na rin sa maraming Filipino values na matututunan nila dito," pahayag ni Richard na gaganap sa "Wansapanataym" special bilang ang superhero na si Kung Fu Chinito na nagtatago sa katauhan ng bilyonaryong businessman na si Chairman Tai.

"Matututunan nila dito 'yung importansya ng pagmamahal ng pamilya at 'yung pagkakaroon ng lakas ng loob para harapin 'yung mga bagay na inaakala nilang hindi nila kayang gawin tulad ng nangyari sa karakter kong si Diego nang nakilala niya si Kung Fu Chinito," ani Enchong.

Makakasama nina Richard at Enchong sa kanilang "Wansapanataym" special sina Rio Locsin, Marina Benipayo, Sofia Andres, Atoy Co, David Chua, Mutya Orquia, at Clarence Delgado. Ito ay sa ilalim ng panulat ni Mariami Tanangco Domingo, at direksyon ni Erick Salud.

Huwag palampasin ang pakikipaglaban nina Richard at Enchong sa kasamaan sa "Wansapanataym Presents My Kung Fu Chinito" ngayong Linggo na sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

Monday, June 15, 2015

ABS-CBN Teams Up with 22 Groups for #Halalan2016

Nakipagsanib-puwersa ang ABS-CBN News sa 22 iba't ibang organisasyon para ilunsad ang pinakakomprehensibong pagbabalita ng pambansang halalan sa susunod na taon sa pamamagitan ng kampanya nitong "Halalan 2016: Ipanalo Ang Pamilyang Pilipino."

Ipinangako ni Ging Reyes, ang head ng ABS-CBN News, na gagawin nito ang lahat upang siyasatin ang bawat kandidato, at tulungan ang mga Pilipinong pumili ng mga lider na tapat na paglilingkuran ang bansa.

"Bibigyang boses namin ang mga Pilipino sa pamamagitan ng aming iba't ibang platforms. At kasama ang ating partners, hihimukin natin ang mga taong makialam kung sino ang mga iboboto nila. Mayroon tayong halos isang taon na hikayatin ang bawat Pilipino na hawak natin ang kapangyarihan na buuin ang ating kinabukasan – isang kinabukasang malaya mula sa gutom at kamangmangan, takot at kawalan ng katarungan," sabi ni Reyes sa covenant signing na ginanap kasama ang partner institutions sa House Manila, Remington Hotel sa Resorts World Manila noong Huwebes (Hunyo 11).

Sa ilalim ng "Halalan 2016," maglulunsad ang ABS-CBN kasama ang cause partners nito ng mga programang naglalayong bantayan ang krebilidad ng halalan at tulungan ang mga Pilipinong bantayan ang kanilang mga boto. Sa pamamagitan din ng tema nitong "Ipanalo Ang Pamilyang Pilipino," binibigyang halaga ang boto ng bawat isa upang sama-samang itaguyod ang kapakanan ng bawat pamilya sa bansa.

Ilulunsad ang mga bagong programa bago at pagkatapos ng halalan bukod pa sa "KampanyaSerye," isang serye ng mga special report sa mga kandidato; "Harapan" debates, na magbibigay ng pagkakataon sa mga kandidatong ihayag ang kanilang mga plataporma at opinyon sa mahahalahang isyu; ang "Comelec Halalan 2016" mobile application, na hatid ang lahat ng impormasyong kailangan ng mga botante para paghandaan ang paparating na halalan; at ang "Bayan Mo iPatrol Mo," ang citizen journalism program ng ABS-CBN.

Pinangunahan nina ABS-CBN president at CEO na si Charo Santos-Concio, COO na si Carlo Katigbak, at Reyes ang covenant signing kasama ang cause partners ng kampanya na Commission on Elections (Comelec), Parish Pastoral Council for Responsible Voting (PPCRV), Department of Foreign Affairs – Overseas Voting Secretariat (DFA-OVS), Pulse Asia Research, Inc., Australian Embassy Manila at The Asia Foundation (through the Fully Abled Nation), Legal Network for Truthful Elections (LENTE), Management Association of the Philippines, Philippine Bar Association, Philippine Computer Society, Philippines Communication Society, Philippine Red Cross, Regional Emergency Assistance Communications Team Philippines (REACT), at United Nations Children's Fund (UNICEF) Philippines. 

Nakikiisa rin sa panawagan ng "Halalan 2016" ang Youth Vote Philippines, University of the Philippines system, Ateneo de Manila University, De La Salle University System, University of Santo Tomas, La Consolacion College, STI, at Manila Bulletin. 

Inilunsad din sa nasabing event ang "Halalan 2016" music video at theme song, na kinanta nina KZ Tandingan and Kokoi Baldo. 

Sa mga nakaraang taon, nanguna ang ABS-CBN sa pagtataguyod ng malinis na halalan sa pamamagitan ng "Bayan Mo, iPatrol Mo: Tayo Na" noong 2013, "Bayan Mo, iPatrol Mo: Ako Ang Simula" noong 2010, at ang citizen journalism campaign na "Boto Mo; iPatrol Mo" noong 2007, na hinimok ang mga ordinaryong mamamayan na mag-ulat ng anumang uri ng katiwalian sa halalan gamit ang makabagong teknolohiya at social media. 

Kaya maging aktibo, magmatyag, at makiisa sa "Halalan 2016: Ipanalo Ang Pamilyang Pilipino" at tutukan ang pinakamalaking multi-platform coverage ng 2016 national elections sa iba't ibang ABS-CBN news platforms na "TV Patrol," "Bandila," at "Umagang Kay Ganda" sa ABS-CBN, ABS-CBN News Channel (ANC), DZMM TeleRadyo, DZMM Radyo Patrol Sais Trenta, abs-cbnNEWS.com, ABS-CBN Regional, at The Filipino Channel (TFC).

Saturday, June 6, 2015

DANIEL, HANDA NANG MAGBIGAY-TODO SA “MOST WANTED” CONCERT NGAYONG HUNYO 13

Magbabalik-entablado ang nag-iisang teen king ng Philippine showbiz at multiplatinum-selling recording artist na si Daniel Padilla sa kanyang ikatlong major concert sa Mall of Asia Arena ngayong Hunyo 13 (Sabado) na pinamagatang "Daniel Most Wanted."

Matapos ang kanyang matagumpay na birthday concert noong nakaraang taon, muling hahandugan ni Daniel ang kanyang fans ng isang gabing puno ng kilig, kantahan, at kasiyahan tampok ang kanyang natatanging bersyon ng crooner classics, kabilang na ang "Come Fly With Me" ni Frank Sinatra, "How Sweet It Is (To Be Loved By You)" ni James Taylor, at "Knocks Me Off My Feet" ni Stevie Wonder.

Makikipag-jamming din kay Daniel si Mr. Pure Energy Gary Valenciano, Kyla, Nyoy Volante, Edgar Allan Guzman, Morissette, KZ Tandingan, at ang boyband na Harana, na kinabibilangan nina Joseph Marco, Michael Pangilinan, Bryan Santos, at Marlo Mortel.

Sa ilalim ng produksyon ng ABS-CBN Integrated Events at Star Event, ang tickets para sa "Daniel Most Wanted" concert ay nagkakahalaga ng P3,710 para sa VIP; P2,970  para sa patron; P1,590 para sa lower box A; P795 para sa lower box B; P530 para sa upper box; at P375 para sa general admission.

Para naman sa mga tagahangang hindi makakapunta sa mismong venue, mapapanood ang concert sa mga piling lungsod sa bansa sa pamamagitan ng live feed sa SM Cinemas sa Davao, Cebu, Iloilo, Cabanatuan, Dasmarinas, Pampanga, at Legazpi. Maaari ring manood sa loob mismo ng tahanan sa pamamagitan ng live pay-per-view ng SkyCable sa Metro Manila, Laguna, Rizal, Bacolod, Dumaguete, at General Santos City.

Mabibili na ang tickets sa opisina ng Mall of Asia Arena at sa SM Tickets at SM Cinema outlets sa buong bansa. Maaari ring tumawag sa SM Cinema hotline 470-2222.

Para sa karagdagang impormasyon kaugnay ng "Daniel Most Wanted," bisitahin ang Facebook page ng Star Records na www.facebook.com/starrecordsphil o i-follow ang @starrecordsph sa Twitter at @starmusicph sa Instagram.

Sunday, May 17, 2015

TFC heralds the ‘Galing’ of the Filipino youth in newest Station ID

Matapos bigyang-pugay ang 'galing' ng Filipino sa ika-20th anibersaryo nito, ipagdiriwang naman ng premyadong network ang 'galing' ng kabataang Filipino sa pinakabagong station ID nito na ilulunsad sa linggo, May 17. Bilang patunay sa pagiging bahagi nito ng mahahalagang parte ng buhay ng bawat overseas Filipinos (OF), bibigyang parangal ng TFC ang mga kabataan Pinoy sa kauna-unahang pagkakataon dahil sa kanilang taglay na galing sa larangang kanilang kinabibilangan.  Ito ay habang patuloy silang lumilingon at sumasaludo sa kanilang pinagmulan.

Lahi ng mga kampeon


Sa station ID na pinamagatang "Galing ng Filipino," ay tampok ang piling 20 na Filipino youth icons at organizations na nage-excel sa larangan visual arts, literature, performing arts, social responsibility at advocacy.  Bukod dito ay pinapakita rin nila ang tatag sa harap ng pagsubok, isang katangian kung saan kilala ang lahing Pinoy

Base sa lyrics ng awiting "Galing ng Filipino," ang mga kabataang ito ay tumutuklas (explore), lumilikha (create), nagkakawang-gawa (give back), nangangalaga (conserve), nagsusulat (write), nagpapasiya (perform) at nagbibigay-halaga (champion) sa kani-kanilang linya habang nagbibigay-importansya sa kanilang kasarinlan: ang New Zealand-based na Kiwi-Pino Ambassadors Filifest, "X Factor" Australia Season 6 Grand Champion Marlisa Punzalan, Fil-Australian samaritans Gawang Laya; eloquent artist Ala Paredes mula sa Australia; National Aeronautics and Space Administration (NASA) Systems Engineer Josephine Santiago-Bond, philanthropists SoulCiety, Fil-Am street musician CryWolffs, at 2nd generation Fil-Canadian advocates ANAK mula sa North America; Olympic figure-skater Michael Martinez, community- builder Alex Eduque ng Habitat for Humanity, Pinoy 'spaceman' na si Chino Roque; young environmental warriors Youth for Environment School Organization, at student marine conservationists UP Marine Biological Society mula sa Pilipinas; Filipino-British (Fil-Brit) cultural advocates at envoys Philippine Generation, award-winning Fil-Brit cultural performers Lahing Kayumanggi, at part-British, part-Filipino food ambassadors Adobros mula sa Europe; at Dubai-based arts catalysts Brown Monkeys; award-winning writer/editor at fearless blogger Reina Tejano mula sa Middle East.


Generation Y


Ayon kay Chinky de Jesus, ABS-CBN North America managing director, hindi matatawaran ang kontribusyon ng mga kabataang Filipino.  Ayon kay de Jesus:

"There are 10.2 million Filipinos overseas and among them is a growing number of 2nd generation Filipinos who are finding their place and voice in this world.  They are transforming the picture of what it means to be a young Filipino today.  They are undaunted community leaders, world-class artists and talents, passionate advocates of Filipino culture and global adventurers who celebrate the environmental bounty of the Philippines.  Whatever they do, they all reflect the Filipino's remarkability, resilience and rootedness that TFC honors through the new station ID 'Galing ng Filipino.'" 

Dagdag ni Pamela Castillo, head ng ABS-CBN Global Marketing Services, hindi lamang pagpaparangal sa mga nakamit ng mga kabataang Filipino ang pakay ng station ID.  "The station ID also shows how they value their Filipinoness, how they respect their heritage, and how they interweave this into their passions in such a way that erases the differences in generations and propagates the Filipino culture anywhere in the world."

Galing ng Filipino Youth


Ang "Galing ng Filipino" na una nang pinasinayaan bilang theme ng 20th anniversary ng TFC, ay una nang ipinerform ng TFC 20 Brand Ambassador na si Gary Valenciano.  Ngayong, bilang pagbibigay-pugay sa kabataang Filipino, ito ay aawitin ng young Total Perfomer na si Darren Espanto na may electronic dance music (EDM) mula kay Hollywood DJ Tom Taus. 

Ayon kay Ned Legaspi, Global Content head, sa paghanap nila ng mga talents na akma sa tema ng station ID, tumugma sina Espanto at Taus.  Ayon kay Legaspi:  "Given their background as genuine overseas Filipinos, their world-class talent and continued linkages to the motherland, Darren and Tom are the personifications of the Filipino millennials or Gen Y as the industry calls them."

Ang kantang "Galing ng Filipino," na isinulat, inirecord at iprinoduce ni Jonathan Manalo, Star Music content head, na may karagdagang lyrics mula kay Jay Santiago, ay saliw sa musika ng ABS-CBN Philharmonic Orchestra sa ilalim ng baton ni maestro Gerard Salonga.  Ang station ID na may mga underwater at aerial shots at may material mula sa NASA ay isang collaboration ng ABS-CBN Global Content at North America teams, sa ilalim ng supervision nina Ned Legaspi, Chinky de Jesus, John-d Lazatin, Jun del Rosario, Pam Castillo at Nerissa Fernandez.  Ito ay iprinoduce sa ilalim ng supervision nina Aileen Paredes, Herbs Samonte at Joel Barquez.  Ang
production team ay kinabibilangan nina Ma-an Asuncion - Dagñalan, ER Alviz, Alex Castro, Merwin De Mesa, ER Alviz, Jacquelyn See at Eugene Laudit.


Sama-sama nating ipagbunyi ang galing ng lahing Filipino sa May 17 Manila time sa ASAP 20 sa iba't-ibang platforms ng TFC worldwide: internet protocol television (IPTV), cable, satellite, mobile at sa official online service ng TFC, ang TFC.tv. 

Makiisa sa pagbibigay-pugay sa kabataang Pinoy at gamitin ang official hash tag: #GalingngFilipino
(Data on overseas Filipinos population based on 2013 Stock Estimate of OFs)

 

Thursday, March 5, 2015

'Your Face Sounds Familiar' Celebrity Impersonators Revealed

Saksihan ang pagbabagong-anyo ng ilan sa inyong paboritong showbiz personalities sa pinakabagong variety show ng ABS-CBN na "Your Face Sounds Familiar," na magbibigay sa kanila ng total transformation upang maging ka-face at ka-sound ng mga pinakasikat na music icons para maghandog ng kakaibang aliw at concert experience.

Pangungunahan bilang host ng international RnB star at "It's Showtime" host na si Billy Crawford ang local version ng worldwide hit na magsisimula na sa Marso 14 sa ABS-CBN.

"Abangan niyo dahil napakasaya nitong programa. Sana magustuhan niyo ang performances na iaalay sa inyo ng iba pang kasama natin sa industriya. It's just going to be a really fun show and we hope everyone will watch and enjoy it," ani Billy.

Nang tanungin naman kung ano ang kaibahan ng "Your Face Sounds Familiar" sa ibang programang na-host na ni Billy, saad niya, "This show is different because I get to play around with the people who are actually performing, the judges, and myself. 'Yung ako mismo makikipaglaro rin. Tingnan niyo na lang kung ano ang mga kalokohang mangyayari dito sa show."

Ang "Your Face Sounds Familiar" ay isa sa mga programang lisensyado ng Endemol na nagdala rin sa bansa ng matatagumpay na reality at game shows gaya ng "Pinoy Big Brother," "Pinoy Fear Factor," "1 vs 100," "Wheel of Fortune," at "Kapamilya Deal or No Deal." Nagkaroon na rin ito ng matatagumpay na edisyon sa 33 iba't ibang bansa sa bunsa, kabilang na ang USA at UK.

Sa programa, hahamunin ang walong celebrity performers na gumanap at kopyahin ang galaw, porma, mukha, at maging boses ng iba't ibang music icons, local man o international. Sa pamamagitan ng isang iconizer, mare-reveal ang music icon na gagayahin ng bawat celebrity performer para sa susunod na linggo.

Ngunit ang twist ay kailangan nilang eksaktong magaya ang nasabing music icon kahit ano pa man ang kasarian, edad, at istilo nito sa pamamagitan ng isang live performance na siguradong magbibigay-aliw sa mga manonood. Ang performances na ito ang siyang huhusgahan ng kanilang co-performers at ng jury na kinabibilangan ng mga respetadong personalidad sa industriya.

Makakasama sa celebrity performers ang RnB King at bagong Kapamilyang si Jay-R, ang 6CycleMind vocalist na si Tutti Caringal, ang indie actor na si Edgar Allan Guzman, showbiz royalty na si Maxene Magalona, acoustic singer na si Nyoy Volante, komedyana at prinsesa ng masa na si Melai Cantiveros, singer-performer na si Karla Estrada, at pop icon at aktres na si Jolina Magdangal.

Ang performer na makakakuha ng pinakamataas na puntos para sa isang linggo ang siyang magwawagi ng cash prize, na ang kalahati ay ipagkakaloob sa napili niyang charity.

Sa buong season ng programa, linggo-linggong maglalaban-laban ang performers na walang elimination. Bago naman ang finale week, bibilangin ang kabuuang puntos ng bawat performer, at ang apat na top-scorers sa kanila ang muling maghaharap para sa grand finals kung saan ang publiko na ang pipili ng mananalong winner.

Sa paglalaban-laban nila ay ibubuhos ng bawat performer ang lahat ng kanyang alas at abilidad sa tulong na rin ng acting, dance, at vocal training kasabay ng kumpletong make-up transformation para lubos na matugma ang ayos, itsura, at galaw ng assigned music icon.

Sino-sino kaya sa walong celebrity performers ang magbibigay ng total transformation para maging ka-face at ka-sound ng sikat na music icons? Kaninong performances ang pag-uusapan at aangat?

Huwag palampasin ang pagsisimula ng sa "Your Face Sounds Familiar" sa Marso 14 at 15 ng gabi sa ABS-CBN. Para sa updates ukol sa programa, i-like ang www.facebook.com/yourfaceph, at sundan ang @YourFacePH sa Twitter at Instagram.









Wednesday, December 31, 2014

PINAKAMALALAKING ‘TAPATAN’ NOONG 2014, ITO-THROWBACK NI TUNYING

Babalikan ni Anthony Taberna ang mga ekslusibong istorya na itinampok sa "Tapatan Ni Tunying" na lumikha ng ingay sa taong 2014 sa espesyal nitong episode na "Ultimate Throwback ni Tunying" na mapapanood ngayon Huwebes (Enero 1).

Sino ang makakalimot sa kauna-unahang pagsiwalat ni James Yap na may panganay na siyang anak bago pa man siya ikasal sa Queen of All Media na si Kris Aquino? Lumikha rin ingay ang diretsahang pag-usisa ni Tunying at pagsagot ni Piolo Pascual sa hindi matapos-tapos na pagkuwestiyon sa kanyang pagkalalaki. Ganon rin ang pagtatanggol ni Angelica Panganiban sa sarili at sa nobyong si John Lloyd Cruz sa mga alegasyon na sila ay mahilig maglasing.

Bukod sa mga TV personalities, ilang mga pulitiko rin ang sumalang sa hot seat ng "Tapatan Ni Tunying" upang matapang na harapin ang mga intrigang ibinabato sa kanila.

Isa na riyan si vice president Jejomar Binay na sinabing hindi malabong ang Liberal Party ang nasa likod ng diumano'y paninira sa kanya dahil sa plano niyang kumandidato bilang pangulo sa 2016. Maging ang mga anak niyang sina senador Nancy Binay at Makati mayor Junjun Binay ay hindi rin inatrasan ang diretsahang mga tanong ni Tunying.

Ang mga ito at ilan pang high-profile interviews ng "Tapatan ni Tunying" noong 2014 ang pasasabugin ng programa sa unag araw ng bagong taon (Enero 1), 4:30 PM, sa Kapamilya Gold ng ABS-CBN. Para sa updates, sundan at i-like ang mga social media account ng programa na www.Twitter.com/TNTunying,www.Instagram.com/TNTunying, at www.facebook.com/TNTunying.

Friday, October 3, 2014

King of Talk Boy Abunda Ibabahagi ang Pinagdaanan sa Kanyang Sakit Kasama Si Karen Davila sa 'The Bottomline'

Ibabahagi ng Asia's King of Talk Boy Abunda ang kanyang pinagdaanan sa kanyang sakit at buong tapang na sasagutin ang mga spekulasyon sa likod nito ngayong Sabado (Oktubre 4) sa "The Bottomline with Boy Abunda." Sa kauna-unahang pagkakataon ay ilalahad ng King of Talk ang kanyang pinagdaanan sa medical procedure na tinatawag na aspiration of liver abscess, ang kanyang takot sa kamatayan, at ang pagmamahal niya sa kanyang ina. Kasama ang multi-awarded journalist na si Karen Davila, sasailalim si Boy Abunda sa isang malalim na diskusyon tungkol sa buhay kasama ang Diyos, kung paano niya hinarap ang matinding pagsubok sa buhay at ang kanyang relasyon sa kanyang long-term partner na si Bong Quintana. Huwag palampasin ang 10th USTv Students' Choice Awards 2014 Students' Choice of Public Affairs Program na "The Bottomline With Boy Abunda" ngayong Sabado, pagkatapos ng "Banana Split: Extra Scoop." Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

Friday, September 12, 2014

KathNiel, Ipadarama sa 'Be Careful' Viewers ang Magic ng First Love

Matinding excitement ang idinulot sa fans kamakailan ng teaser ng "Be Careful With My Heart" na nagtampok sa mga nakakikilig na patikim na eksena nina Kathryn Bernardo at Daniel Padilla sa top-rating kilig-serye ng ABS-CBN.

Ang teaser na unang umere noong Miyerkules (Setyembre 10) ay kaagad nang naging worldwide trending topic sa Twitter ang hashtag na "KathNiel on BCWMH Teaser" dahil sa matinding buhos ng positibong reaksyon kaugnay ng KathNiel love team na gaganap bilang sina Manang Fe (Gloria Sevilla) at Mang Anastacio (Carlos Salazar) noong kanilang kabataan.

Paano nangyari na ang simpleng magka-chat ngayon ay may mas malalim palang ugnayan sa nakaraan? Sa pagbabalik-tanaw nina Manang Fe at Mang Anastacio sa kanilang kabataan, muli bang manumbalik ang nadarama nila para sa isa't isa? May pagkakapareho ba ang love story nila sa pagmamahalan nina Maya (Jodi Sta. Maria) at Ser Chief (Richard Yap)?

Huwag palampasin ang "limited engagement" cameo roles ng KathNiel love team at muling damahin ang tamis at pait ng unang pag-ibig sa number one feel-good habit ng bayan na "Be Careful With My Heart," araw-araw, bago mag-"It's Showtime" sa Primetanghali block ng ABS-CBN. I-tweet ang inyong saloobin at opinyon kaugnay ng special KathNiel episodes simula ngayong Lunes (Setyembre 15) gamit ang hashtag na #LimitedEngagement.

Para sa karagdagang impormasyon, mag-log on sa ABS-CBN.com, sundan ang @becarefulheart sa Twitter, at i-"like" ang official Facebook page ng show sa Facebook.com/becarefulwithmyheartofficial.

Wednesday, August 27, 2014

Jessy Mendiola, Gaganap na Madre sa 'MMK'

Madreng tapat sa kanyang bokasyon ang karakter na bibigyang-buhay ng Kapamilya actress na si Jessy Mendiola sa upcoming episode ng "Maalaala Mo Kaya" ng ABS-CBN ngayong Sabado (Agosto 30).

Mula pagkabata, pinangarap na ni Marie (Jessy) ang maging madre kung kaya't kailanman ay hindi siya nagpaligaw sa mga lalaki. Ngunit nagbago ang lahat nang makilala ni Marie si Nick (Edgar Allan Guzman), ang kanyang unang pag-ibig na inakala niyang malilimutan niya pagpasok sa monasteryo.

Anong gagawin ni Marie sa sandaling magkrus muli ang landas nila ng kanyang first love? Susubukin ba ng pagbabalik ni Nick ang pangako ni Marie sa kanyang bokasyon?

Tampok rin sa "MMK" ngayong Sabado sina Vangie Martelle, Karen Dematera, Alex Diaz, AJ Muhlach, Lemuel Pelayo, Lloyd Samartino, Chienna Filomena, at Kristel Fulgar. Ito ay sa ilalim ng direksyon ni Garry Fernando at panulat nina Joan Habana at Arah Jell Badayos. Ang "MMK" ay pinamumunuan ng business unit head nito na si Malou Santos at creative manager na si Mel Mendoza-Del Rosario.

Sa loob ng 23 taon, naging bahagi ng bawat pamilyang Pilipino saan man sa mundo ang "Maalaala Mo Kaya" na bawat Sabado ay nagpapaluha, nagpapangiti, at nagbibigay-inspirasyon sa TV viewers sa pamamagitan ng mga totoong kwentong buhay na ibinabahagi ng letter-senders ng programa.

Huwag palampasin ang longest-running drama anthology sa Asya, "MMK," tuwing Sabado ng gabi pagkatapos ng "Wansapanataym" sa ABS-CBN. Para sa iba pang updates, mag log on sa MMK.abs-cbn.com, sundan ang @MMKOfficial sa Twitter, at i-like ang Facebook.com/MMKOfficial. I-tweet ang inyong saloobin at opinyon kaugnay ng episode ngayong Sabado gamit ang hashtag na #MMKTheVow.

Sunday, August 24, 2014

Daniel Matsunaga, Itinanghal na 'PBB All In' Big Winner

Pinangalanang Big Winner ng "Pinoy Big Brother All In" ang Brazilian-Japanese model na si Daniel Matsunaga matapos magtala ng pinakamalaking porsiyento ng net votes sa "PBB All In: The Big Night" noong Linggo (Aug 24) sa Resorts World Manila.

Nadaig ni Daniel ang ibang teen, regular, at celebrity housemates ng makasaysayang edisyon . Nakakuha siya ng 11.69% na net votes nang ipagsama ang kanyang 18.52% 'votes to save' at -6.83% 'votes to evict.'

Nang tanungin kung bakit sa tingin niya'y binoto siya ng mga manonood, maluha-luhang sinabi ni Daniel, "Sa tingin ko dahil mahal na mahal ko kayo. Some people would think na hindi ako Filipino, pero I am so much more proud to be a Filipino at heart than many others out there na hindi proud sa country."

"I'm thankful, first to God, who gave me this opportunity. One day sinabi Niya sa akin na I have a purpose dito sa Pilipinas, and I guess this purpose is today. Mahal na mahal ko kayo," dagdag pa niya.

Tinaguriang "Hunk of the World ng Makati" si Daniel nang pumasok siya sa sikat na Bahay ni Kuya noong Mayo sa unang live eviction ng "PBB All In." Bilang Big Winner, nagwagi siya ng P1 milyon, tatlong business franchise, Asian tour for two, at isang bagong condominium unit.

Pinangalanan namang 2nd Big Placer at nanalo ng P500,000 ang teen housemate na si Maris Racal, na nakatanggap ng 3.1% net votes. Sumunod ang aktres na si Jane Oineza ang bilang 3rd Big Placer na may -0.73% net votes, habang ang regular housemate na si Vickie Rushton ang naging 4th Big Placer na may -0.78% net votes. Nakakuha sina Jane at Vickie ng P300,000 at P200,000. Wagi naman ang Big Four housemates ng home entertainment package.

Pinangunahan nina Toni Gonzaga, Bianca Gonzalez, John Prats, at Robi Domingo ang Twitter-trending na Big Night, na nagtampok din sa "PBB" alumni na sina Kim Chiu, Sam Milby, Melai Cantiveros, Jason, Francisco, Ejay Falcon, Matt Evans, Alex Gonzaga, celebrities na sina Joseph Marco at Tutti Caringal, at ang lahat ng ex-"PBB All In" housemates.

Naging makasaysayan ang "PBB All In" dahil sa pagpapakilala nito ng ilang housemates sa iba't ibang Kapamilya programs bago ang aktwal na kick-off, ang pagdadaos ng huling eviction night isang araw bago ang Big Night, at ang sama-samang pagtira ng 19 teen, regular, at celebrity housemates.

Friday, August 22, 2014

Sino si 'Miss Ripley'?

Nakabibighani ang kanyang ganda ngunit hindi nakikita ng  mga mata na ang kanyang buong pagkatao ay binabalot ng kasinungalingan. Ano nga ba ang nananatiling totoo sa mundong nabuo sa panlilinlang?

Makikilala mo na si Emily, ang pinakabagong bida-kontrabida sa primetime, simula Lunes (Aug 25) sa pag-uumpisa ng naiiba at mapang-akit na Koreanovela na "Miss Ripley."

Tampok bilang Emily si Lee Da Hae, na unang kinagiliwan ng maraming Pilipino sa hit seryeng "My Girl," sa kanyang pinakamapangahas na pagganap sa telebisyon. Sasamahan siya rito ni Park Yoo Chun bilang Marco na kinahumalingan naman sa mga seryeng "Rooftop Prince," "My Secret Love: Sungkyunkwan Scandal," at "Missing You."

Sa kagustuhang takasan ang kanyang mapait na nakaraan at nakagisnang buhay sa Japan, magsisimulang muli si Emily sa pamamagitan ng pagbalik sa Korea. Maghahanap siya ng trabaho ngunit hindi ito magiging madali dahil high school lang ang kanyang tinapos.

Sa kanyang kagustuhang makaangat agad sa buhay kung kaya't naisip niyang magpanggap bilang ibang tao at pinaniwala ang hotel manager na si William na siya ay nakapagtapos sa University of Tokyo. Si William sa mga panahong iyon ay naghahanap ng taong marunong magsalita ng Hakata at dahil galing Japan, alam ni Emily ang naturang wika.

Tuluyang mabubulag si Emily ng ambisyon at bukod sa trabahong inaasam, kukunin niya rin ang loob ni Wiliiam at papaibigin ito. Dito magkukrus ang landas nila ni Marco, ang tagapagmana ng malalaking hotel chain sa bansa. Para sa babaeng hahamakin ang lahat makuha lang ang gusto, iindahin ni Emily ang nararamdaman ni William at aakitin din si Marco palapit sa kanya.

Hanggang saan dadalhin ng ganid si Emily? Sino sa dalawang lalaki ang handang maninidigan para sa kanya sa oras na maisiwalat na ang tunay niyang pagkatao?

Pakatutukan ang "Miss Ripley" simula sa Lunes (Aug 25) pagkatapos ng "Aquino and Abunda Tonight" sa Primetime Bida ng ABS-CBN. Para sa karagdagang updates, sundan ang @Kapamilyanovela sa Twitter o i-like ang official Kapamilyanovela Facebook page sa http://www.facebook.com/ABSCBNKapamilyanovelas.

'Himig Handog P-Pop Love Songs 2014' Finals Night, Sa September 28 Na!

Magaganap na sa Setyembre 28 (Linggo), 7:30PM, sa Mall of Asia Arena ang finals night ng pinakamalaking multimedia songwriting competition sa bansa na "Himig Handog P-Pop Love Songs 2014."

Bibigyang-buhay ng ilan sa pinakasikat na Filipino recording artists ang 15 napiling kanta sa "Himig HandogPinoy Pop (P-POP) Love Songs 2014."

"Mas matindi ang labanan ngayong taon dahil mas malawak ang itatampok nating genres ng mga awiting sinulat ng magkahalong veteran at bagong songwriters. At dahil d'yan ay mayroon tayong exciting mix ng singers na mag-iinterpret ng ating mga bagong 'Himig Handog' hits," pahayag ng Star Music head na si Roxy Liquigan kaugnay ng bagong edisyon ng "Himig Handog P-Pop Love Songs."

"Magbabalik bilang 'Himig Handog' interpreters sina Angeline Quinto, Daniel Padilla, Juris, Bugoy Drilon, Jovit Baldivino, Marion Aunor, Jessa Zaragoza, at KZ Tandingan. Pero may mga first-timer rin tayo gaya nina Ebe Dancel at Abra, Jugs at Teddy, Janella Salvador, Morisette Amon, Hazel Faith dela Cruz, Michael Pangilinan, at Jed Madela," ani Liquigan.

Si Angeline ang aawit ng "Hanggang Kailan" na komposisyon ni Jose Joel Mendoza; si Daniel ng kantang "Simpleng Tulad Mo" ni Meljohn Magno; Juris ng "Hindi Wala" ni Nica del Rosario; Morisette ng "Akin Ka Na Lang" ni Francis Louis Salazar; Jessa ng "Bumabalik ang Nagdaan" ni Sarah Jane Gandia; Jovit ng "Dito" nina Raizo Brent Chabeldin at Biv De Vera; Ebe Dancel kasama si Abra ng "Halik sa Hangin" ni David Dimaguila; Jed ng "If You Don't Want to Fall" ni Jude Gitamondoc; Janella ng "Mahal Kita Pero" ni Melchora Mabilog; KZ ng "Mahal Ko o Mahal Ako" ni Edwin Marollano; Bugoy ng "Umiiyak ang Puso" ni Rolando Azor; Jugs at Teddy ng "Walang Basagan ng Trip" ni Eric De Leon; Marion kasama sina Rizza and Seed "Pumapag-ibig" ni Jungee Marcelo; at  Michael ng "Pare Mahal Mo Raw Ako" ni Jovinor Tan. Samantala, ang songwriter-finalist namang si Hazel Faith ang interpreter ng sarili niyang komposisyong "Everything Takes Time."

Ang 15 finalist songs ng "Himig Handog Pinoy P-POP Love Songs 2014" ay eksklusibong mapapakinggan na rin sa radyo at internet sa pamamagitan ng official FM station ng ABS-CBN na MOR 101.9 For Life! at sa "MOR TV" nito sa www.mor1019.com.

Sa ika-anim nitong taon, patuloy ang "Himig Handog" sa pagtuklas ng mga de-kalibreng Filipino composer na may mga obra-maestrang tiyak na tatatak sa puso ng mga nakikinig at mamahalin ng maraming henerasyon. Ilan sa original Pinoy music (OPM) classic love songs na sumikat sa pamamagitan ng "Himig Handog" ang "Hanggang" ni Wency Cornejo, "Kung Ako na lang Sana" ni Bituin Escalante, "Kung Ako ba Siya" ni Piolo Pascual, "Bye Bye Na" ni Rico Blanco, "This Guy's in Love with You Pare" ni Chito Miranda, at ang dalawang big hit noong 2013 na "Nasa Iyo Na Ang Lahat" ni Daniel at "Anong Nangyari Sa Ating Dalawa" ni Aiza Seguerra. 

Para sa karagdagang impormasyon tungkol sa about "Himig Handog P-Pop Love Songs," bisitahin ang Facebook fanpage ng Star Records na www.facebook.com/starrecordsphil o i-follow ang @starrecordsph sa Twitter.

 

Wednesday, August 20, 2014

ABS-CBN Philharmonic Orchestra, Pakikiligin at Pasasayawin ang Madlang People

Inilunsad na ng Star Records ang debut album ng ABS-CBN Philharmonic Orchestra na may titulong "Decades of OPM" na nagbibigay-pagkilala sa ilan sa pinakamagagandang original Pilipino music (OPM) noong '70s, '80s '90s at 2000s.

Tapat sa hangarin nitong ipakilala ang musika ng orkestra sa puso ng mas nakararaming Filipino, tampok sa album ng ABS-CBN Philharmonic Orchestra ang natatangi nitong kolaborasyon kasama ang ilan sa pinakamahuhusay na mang-aawit sa bansa kabilang sina Gary Valenciano, Martin Nievera, Vina Morales, Angeline Quinto, Yeng Constantino at Piolo Pascual, at pinakasikat na recording stars ngayon gaya nina Daniel Padilla, Enrique Gil, at Abra.

Maghandang kiligin sa mga bagong bersyon ng ilan sa all-time videoke favorites ng mga Pinoy na inawit sa saliw ng ABS-CBN Philharmonic Orchestra. Bahagi ng tracklist ang "Kapalaran" na kinanta ni Gary V, "Hawak Kamay" ni Yeng, "Himig Handog Suite" (Medley of Hanggang/Kung Ako Na Lang Sana/Ano'ng Nangyari Sa Ating Dalawa/Hindi Na Bale) na inawit ni Angeline, "Rey Valera Suite" (Medley of Pangako/Tayong Dalawa/Kung Tayo'y Magkakalayo), "Mula Sa Puso (orchestra only), "Tubig at Langis (orchestra only), at "Be My Lady" na tinugtog kasama ang award-winning composer-arranger na si Louie Ocampo.

Bukod sa ballads, maghandang mapasayaw sa pagtugtog ng ABS-CBN Philharmonic Orchestra sa mga pumatok na Pinoy dance hit songs na tiyak na muling magpapaindak sa bagong henerasyon. Kinanta ni Daniel ang "OPM Dance Suite" (Medley of Awitin Mo Isasayaw Ko/Katawan/Rock Baby/Tayo'y Magsayaqan) at sina Enrique at Abra ang nagsanib-pwersa para sa bagong bersyon ng "Totoy Bibo." Tinugtog rin ng orkestra ang "Pinoy Ako," ang theme song ng hit reality show ng ABS-CBN na "Pinoy Big Brother."

Bahagi rin ng album ang bonus tracks na "Please Be Careful With My Heart" (orchestra only), "Maging Sino Ka Man" ni Martin, "After All" nina Martin at Vina, at "Kung Kailangan Mo Ako" ni Piolo. 

Ang "Decades of OPM" CDs mabibili na mga record bar sa buong bansa sa halagang P350 lamang. Mada-download naman ang digital format ng mga kanta sa Starmusic.ph, Amazon.com, Mymusicstore.com.ph, at iTunes. 

Ang 42-piece ABS-CBN Philharmonic Orchestra ay pinangungunahan ng kilalang conductor na si Maestro Gerard Salonga. Ito ay isang joint venture ng ABS-CBN at First Philippine Holdings Corp. 

Para sa karagdagang impormasyon kaugnay ng "Decades of OPM" album ng ABS-CBN Philharmonic Orchestra, bisitahin ang Facebook fanpage ng Star Records sa Facebook.com/starrecordsphil o sundan ang @starrecordsph sa Twitter.

Bea, Enjoy sa Tarayan Nila ni Maricar sa 'Sana Bukas ang Kahapon'

Aminado ang Movie Queen ng bagong henerasyon na si Bea Alonzo na natutuwa siya sa tuwing may maiinit na komprontasyon ang mga karaketr nila ni Maricar Reyes sa top-rating primetime drama series ng ABS-CBN na "Sana Bukas Pa Ang Kahapon." 

"Nag-eenjoy kami lagi ni Maricar tuwing nag-aaway at nagtatarayan kami sa mga eksena namin bilang si Sasha at Rose," pahayag ni Bea kamakailan nang mag-renew siya ng kanyang two-year contract sa Kapamilya network. 

"Nakakatuwang gawin 'yung away scenes dahil sa totoong buhay hindi namin 'yun ginagawa. Challenge para sa amin na gawing kapani-paniwala sa viewers 'yung tarayan at sagutan namin," ani Bea kaugnay ng kanilang roles na mainit na pinag-uusapan maging sa social networking sites. 

Taliwas sa alitan ng kanilang mga karakter sa "Sana Bukas Pa ang Kahapon," sinabi ni Bea na maayos ang samahan nila off-cam ni Maricar at ng kanyang leading man na si Paulo Avelino na gumaganap sa kwento bilang si Patrick, ang lalaking kapwa mahal nina Rose at Sasha. Aniya, "Lagi kaming nagtatawanan nina Maricar at Paulo sa set. Dahil sa soap na ito, mas naging close kami sa isa't isa." 

Samantala, tiyak na mas paiinitin ng "Sana Bukas Pa Ang Kahapon" ang gabi ng TV viewers ngayong hindi na papipigil pa si Rose sa kanyang paghihiganti sa lahat ng taong sumira sa buhay niya. Paano ipagpapatuloy ni Rose ang kanyang plano laban kina Sasha at Patrick ngayong may nararamdaman pa rin siya para sa kanyang asawa? Mapagtatagumpayan pa rin ba niya ang paghahanap sa tunay na pumatay kay Emmanuelle at sa kanyang ama? 

Sa ilalim ng Dreamscape Entertainment Television, ang "Sana Bukas Pa Ang Kahapon" ay kwento ng dalawang magkaibang babae na naghahangad na makamit ang hustisya. Ito ay sa ilalim ng direksyon nina Trina Dayrit at Jerome Pobocan. 

Huwag palampasin ang mga makapigil-hiningang eksena sa "Sana Bukas Pa Ang Kahapon" gabi-gabi pagkatapos ng "Ikaw Lamang" sa ABS-CBN Primetime Bida. Para sa karagdagang impormasyon kaugnay ng "Sana Bukas Pa Ang Kahapon," bisitahin lamang ang official social media accounts ng programa sa Facebook.com/SBPAK.TV, Twitter.com/SBPAK_TV, at Instagram.com/DreamscapepH.

Monday, August 4, 2014

ABS-CBN Panalo Pa Rin sa National TV Ratings Noong Hulyo

Pinakapinanood pa rin sa mas maraming kabahayan sa buong bansa ang ABS-CBN noong Hulyo sa kabila ng kawalan ng kuryente sa ilang lugar sanhi ng bagyong Glenda. Base sa datos ng Kantar Media, nakakuha ang ABS-CBN ng average audience share na 43%, o siyam na puntos na mas mataas sa nakuha ng GMA na 34%.

Mas mapagkakatiwalaan ang datos ng Kantar Media na batay sa 2,609 na kabahayan sa parehong urban at rural areas sa bansa. Mas marami at eksakto kaysa sa service provider ng ibang networks, ang AGB Nielsen, na mayroong 1,980 kabahayan na nakabase lamang sa mga urban area.  Kinakatawan ng Kantar Media ang 100% ng mga kabahayang may telebisyon sa Pilipinas, habang umano'y 57% lamang ang kinakatawan ng AGB Nielsen dahil hindi kasama ang rural areas sa datos nito.

Makikita rin sa datos ng Kantar Media noong Hulyo ang patuloy pamamayagpag ng ABS-CBN sa primetime (6PM-12MN) sa average audience share na 50%, o 18 puntos na mas mataas sa 32% ng GMA.

Wagi rin ang Primetime Bida sa iba pang bahagi ng bansa gaya ng Balance Luzon (mga lugar sa Luzon na nasa labas ng Mega Manila), Visayas, at Mindanao. Nagtala ito ng average audience share na 53% sa Balance Luzon, 63% sa Visayas, at 61% sa Mindanao, habang 31%, 23%, at 24% naman ang nakuha ng primetime block ng GMA sa mga nasabing lugar.

Ang primetime ang pinakamahalagang timeblock dahil sa mga oras na ito may pinakamaraming nanonood kung kaya't importante ito sa advertisers na naglalagay ng patalastas para maabot ang mas nakararaming Pilipino sa buong bansa.

Ang patuloy na pangunguna ng ABS-CBN sa primetime ay pinalakas ng mga nangungunang programang "TV Patrol," "Ikaw Lamang," "Sana Bukas Pa Ang Kahapon," at mga bagong teleseryeng "Hawak Kamay" at "Pure Love."

Pilot episode pa lang ng "Hawak Kamay" at "Pure Love" ay nanguna na ito sa kani-kanilang timeslot. Ang pagbabalik ni Piolo Pascual sa family dramang "Hawak Kamay" ay nagtala ng national TV rating na 24%, o higit sa siyam na puntos na mas mataas sa kalabang nitong "Niño" na may 15.5%, noong Hulyo 21. Ang "Pure Love" naman na pinagbibidahan nina Alex Gonzaga and Yen Santos ay nakakuha ng 19.5% noong Hulyo 7, habang may 10.7% naman ang katapat nitong "My BFF."

Pumalo sa national TV rating na 27.3% ang pagtatapos na primetime fantaseryeng "Mirabella" noong Hulyo 4, samantalang may 10.5% naman ang kalaban nitong "My BFF" sa nasabing araw.

Naabot naman ng "The Voice Kids" ang panibagong all-time high national TV rating nito na 37.7% sa unang gabi ng finale nito noong Hulyo 26. Nanatili rin sa unang pwesto ang katatapos lamang na singing reality show sa listahan ng pinakapinanood na programa sa bansa noong Hulyo sa average national TV rating of 33.6%.

Nakuha ng ABS-CBN ang lahat ng pwesto sa listahan ng sampung programang pinakapinanood noong Hulyo. Bukod sa "The Voice Kids" nanguna rin ang "Dyesebel" (27.2%), "Maalaala Mo Kaya" (26.4%), "Hawak Kamay" (25.9%), "Ikaw Lamang" (25.4%), "TV Patrol" (25.3%), "Mirabella" (24.4%), "Wansapanataym" (23%), "Rated K" (21.3%), at "Home Sweetie Home" (20.2%) sa nasabing buwan. Pasok naman ang "Pure Love" (18.3%), "Sana Bukas Pa Ang Kahapon" (18.3%), at "Goin' Bulilit" (17.2%) sa top 15.


Sunday, July 27, 2014

Lyca, Wagi Bilang Kauna-unahang 'The Voice Kids' Grand Champion

Wagi bilang kauna-unahang grand champion ng "The Voice Kids" ang siyam na taong gulang na si Lyca Gairanod ng Cavite matapos niyang makuha ang pinakamaraming text at online votes mula sa taongbayan sa two-night finale ng top-rating at Twitter-trending na singing-reality show.

Nanguna sa botohan ang pambato ni coach Sarah Geronimo base sa tatlong rounds na Power Ballad, Upbeat Song, at Special Performance with a Celebrity Guest upang manalo ng P1 milyon, one-year recording contract mula sa MCA Universal, house and lot, home appliance showcase, musical instrument showcase, at P1 milyong worth ng trust fund.

Pumangalawa naman si Darren Espanto ng Team Sarah, kasunod sina Juan Karlos Labajo ng Team Bamboo at Darlene Vibares ng Team Lea sa ikatlo at ikaapat na pwesto.

Nagwagi si Lyca matapos kantahin ang "Narito Ako" ni Regine Velasquez para sa kanyang ballad at ang "Call Me Maybe" ni Carly Rae Jepsen sa kanyang upbeat song noong Sabado ng gabi (Hulyo 26), ngunit ang talagang tumatak sa mga manonood ay ang kanyang performance ng "Basang Basa sa Ulan" at pakikipagsabayan sa bandang Aegis noong Linggo (Hulyo 27) na umani ng standing ovation mula kay coach Lea Salonga, Bamboo, at sa audience ng Resorts World Manila.

Hindi pa man nagsisimulang umere ang "The Voice Kids" ay gumawa na ng ingay si Lyca dahil sa kanyang blind audition performance ng "Halik" ng Aegis na nagsilbing isa sa mga teaser para sa pagsisimula ng programa at naging isang viral hit.

Sa kanyang pagsuong at pagtatagumpay sa Battle Rounds, Sing-Offs, at Live Semi-Finals, nabansagan si Lyca bilang ang "little superstar" matapos siyang ikumpara ni coach Lea kay Nora Aunor. Dito rin mas nakilala pa si Lyca bilang ang batang may pangarap na lumaki sa kahirapan bilang anak ng amang mangingisda na minsa'y tinutulungan ang kanyang ina na mangalakal ng basura. Naibahagi rin ni Lyca noon na minsa'y kumakanta siya para sa kanyang mga kapitbahay para bigyan ng pera o pagkain.

Talagang inabangan, tinutukan, at pinag-usapan ng maraming netizens ang pag-aanunsyo ng unang "The Voice Kids" grand champion dahil sa pagte-trend sa buong bansa at worldwide sa Twitter ng #TheVoiceKidsChampion, #TVKDarrenForTheChampion, #WowAngGwapoNiLuis, Jhong Hilario, Lani Misalucha, Gary V and JK, You Are My Song, at iba pang hashtags.

Sa star-studded na Sunday finale, nag-perform din ang ibang finalists na sina Darren kasama si Martin Nievera, si Juan Karlos kasama si Gary Valenciano, at si Darlene kasama si Lani Misalucha. Binuksan ang nasabing gabi, na pinangunahan ng hosts na sina Luis Manzano at Alex Gonzaga, ng isang performance kasama ang Final Four young artists, tatlong coaches, at ang "The Voice of the Philippines" Season 1 grand winner na si Mitoy at finalists na sina Klarisse de Guzman, Myk Perez, at Janice Javier.

Mula nang magsimula itong umere noong Mayo, ang "The Voice Kids" ang naging pinaka-tinututukang programa sa buong bansa. Nakamit ng programa ang all-time high national TV rating nitong 37.6% noong Hunyo 8.

Inaasahan namang magsisimula ang "The Voice of the Philippines" Season 2 bago magtapos ang taon. Para sa updates, bisitahin ang thevoice.abs-cbn.com, i-like ang www.facebook.com/thevoiceabscbn sa Facebook o i-follow ang @thevoiceabscbn the Twitter at @abscbnthevoice sa Instagram.

Friday, July 25, 2014

Ultimate Vocal Showdown ng 'The Voice Kids' Coaches Lea, Bamboo at Sarah sa 'ASAP19'

Saksihan ang ultimate vocal showdown ng "The Voice Kids" coach na pangungunahan nina Lea Salonga, Bamboo, at Popstar royalty Sarah Geronimo  ngayong Linggo (July 27).  May patikim din si Mr. Pure Energy Gary Valenciano para sa "Arise The Repeat" concert.

Muling magsasama sina Kim Chiu at Maja Salvador sa isang exciting Supahdance collaboration; paiinitin naman ang ASAP stage ng  "Once a Princess" star Erich Gonzales at "My Trophy Wife" star Cristine Reyes; hahataw ng Supahdance craze hits si Jhong Hilario kasama ang Mini-me child wonders na sina Nickzy Calma, John Steven De Guzman, at Rhaine Santos. Hataw-to-the-max kasama sina Shaina Magdayao, John Prats, Arron Villaflor, Rodi Domingo, Gimme 5's Nash, Grae, John, Joaquin at Brace. Kaabang-abang din ang extreme birthday bash ni Iya Villania.

Meron ding non-stop concert treat mula kina Martin Nievera, Piolo Pascual, Zsazsa Padilla, Yeng Constantino, Vina Morales, Erik Santos, Angeline Quinto, Klarisse De Guzman, Morissette Amon, Nikki Gil, Paolo Valenciano, Nyoy Volante, Tutti Caringal at ang ASAP Sessionistas. Bibida naman si Yael Yuzon ng Sponge Cola para sa Acoustic Sessions. Tampok naman sa Karaoke Kantahan ang mga hits ng Ultimate MultiMedia Star Toni Gonzaga kasama sina Alex Gonzaga at Marcelito Pomoy.

Makisaya sa "ASAP 19," Asia's Outstanding Variety Show sa 2014 ASIAN Rainbow TV Awards, ngayong Linggo, 12:15nn, sa ABS-CBN. Para sa TV viewers na nais bumili ng ASAP official merchandise, bumisita lamang sa ABS-CBN Store sa ground floor ng ELJ building sa Quezon City, o bumisita lamang sa www.abs-cbnstore.com.

Maki-hang-out nang live kasama ang stars ng ASAP Chill-Out sa pamamagitan ng pag-log on sa ASAP.abs-cbn.com. Makisaya rin sa official networking accounts ng "ASAP 19" sa Facebook.com/asapofficial at Twitter.com/ASAPOFFICIAL.

Vice Ganda, Hahataw Kasama ang PBB All In Housemates sa 'The Big Concert' Ngayong Sabado

Matapos makipag-bonding kasama ang housemates ng "Pinoy Big Brother All In" sa kanyang pagbisita kamakailan sa Bahay ni Kuya, muli niyang makakasama ang mga ito para sa isang ultimate hatawan ngayong Sabado (Hulyo 26) sa "PBB All In: The Big Concert" kung saan nakasalalay ang tagumpay ng kanilang weekly task.

Makikipagsabayan si Vice sa production number ng "Boom Panes," na isa lamang sa mga pinaghahandaang song and dance numbers at iba pang pasabog ng housemates.

Bukod diyan, makakasama rin ng unkabogable star at "It's Showtime" host sina Erich Gonzales, Enchong Dee, at dating "PBB" housemate na si Jason Gainza upang husgahan kung papasa ba ang show para sa kanila. Magtagumpay at mapabilib kaya nila ang celebrity judges?

Isa lang ang "Big Concert" sa malalaking events ngayong linggo sa Bahay ni Kuya. Kabilang na rito ang pa-party para ipagdiwang ang ika-18 na kaarawan ni Jane na inihanda pa mismo ng housemates para sa kanya. Nakisaya sa nasabing selebrasyon ang Kapamilya stars na sina Nash Aguas, Jairus Aquino, Diego Loyzaga, at ex-housemate na si Axel para sorpresahin ang dalaga. Ngunit ang pinakanakakagulat na guest ng gabi ay ang basketball star na si Jeron Teng na minsan nang na-link kay Jane. Ano kaya ang epekto nito lalo na kay Joshua na tila pinagselosan ang pagdalaw nina Jeron at Axel? Lalo ba nitong paaapuyin ang tampuhan nina Joshua at Jane?

Huwag bibitiw at subaybayan ang mga pangyayari sa loob ng Bahay ni Kuya sa "Pinoy Big Brother All In" kasama si Toni Gonzaga gabi-gabi pagkatapos ng "Aquino & Abunda Tonight" sa Primetime Bida at sa "Pinoy Big Brother All In Uber" kasama sina Bianca Gonzalez, John Prats, at Robi Domingo pagkatapos ng "Moon of Desire" sa Kapamilya Gold. Samantala, samahan naman gabi-gabi sina Slater Young at Joj at Jai Agpangan sa "Ubertime Online" sa pinoybigbrother.com/livechat para pag-usapan ang mga pangyayari sa loob ng Bahay ni Kuya.

Alamin ang mga pinakabagong kaganapan sa Bahay ni Kuya at sundan ang kanyang Secretary sa @PBBabscbn sa Twitter o i-like ang www.facebook.com/OfficialPinoyBigBrotherAbsCbn.

Tuesday, July 22, 2014

Kapamilya Stars at Programs, Nanguna sa Yahoo! Celebrity Awards 2014

Muli na namang nagningning ang mga personalidad at programa ng ABS-CBN sa Yahoo! Celebrity Awards matapos mauwi ng mga ito ang pinakamaraming bilang ng tropeyo sa idinaos na awards night kamakailan, sa pangunguna ng teleserye princess na si Kim Chiu.

Nakatanggap ng pinakamaraming online at Kakao Talk votes si Kim para tanghaling Celebrity of the Year at Actress of the Year. Pinatunayan din ng fans nila ni Xian Lim ang kanilang pagmamahal para sa kanilang idolo dahil wagi sa ikalawang magkasunod na taon ang KimXi bilang Fan Club of the Year, habang panalo naman ang pinagbidahan nilang "Bride for Rent" bilang Movie of the Year.

Pinarangalang Social Media Star of the Year si Vice Ganda, habang itinanghal namang Love Team of the Year ang kanilang onscreen tandem ng "It's Showtime" co-host na si Karylle.

Nakuha naman ng top-rating primetime soap na "Ikaw Lamang" ang Teleserye of the Year award, samantalang kinilala rin ang mga bida nitong sina Coco Martin at Jake Cuenca bilang Actor of the Year at Male Kontrabida of the Year.

Pinangalanan naman si Kris Aquino bilang ang Female TV Host of the Year, si Vhong Navarro bilang Male TV Host of the Year, si Julia Barretto bilang Female Emerging Star, si JC de Vera bilang Male Emerging Star for, at si Andrea Brillantes bilang Child Star of the Year.

Samantala, nanguna sa botohan ang "The Voice Kids" coaches na sina Sarah Geronimo at Bamboo sa kategoryang Female at Male Performers of the Year. Natamo naman nina Gretchen Ho, ang host ng programang "Team U" ng ABS-CBN Sports + Action at DJ Chacha ng MOR 101.9 ang Female Hothlete of the Year at Female DJ of the Year awards.

Muli ring nagwagi ang "TV Patrol" bilang ang News Program of the Year.

Ang Yahoo! Celebrity Awards, ang dating Yahoo! OMG Awards, ay isa sa mga pinakamalaking awards show sa bansa na kinikilala ang mga pinakapopular na personalidad at programa sa musika, pelikula, radyo, at telebisyon.

Friday, July 18, 2014

'Hawak Kamay' Magbibigay Inspirasyon sa mga Pamilya Simula Lunes

Paano mababago ng responsibilidad ng pagigng ama sa tatlong ampon ang buhay ng isang lasenggong nangangarap maging sikat na musikero?

Ito ang magiging tanong sa bagong family drama ng ABS-CBN na "Hawak Kamay" na malapit nang mag-premiere, kung saan mapapanood ang pagbabalik ni Piolo Pascual sa mundo ng teleserye pagkatapos ng tagumpay ng kanyang nakaraang pelikulang "Starting Over Again".

Makakasama ni Piolo sa "Hawak Kamay" ang tatlo sa mga pinakamahuhusay na child star ng bansa na sina Zaijan Jaranilla, Andrea Brillantes, at Xyriel Manabat. Ipinakikilala rin sa "Hawak Kamay" ang bagong child star na si Yesha Camille, na naging Grand i-Shiner matapos i-mentor ni Piolo sa pangalawang season ng Promil Pre-School i-Shine Talent Camp.

Ang "Starting Over Again" co-star din ni Piolo na si Iza Calzado ay kasama sa cast, pati na rin ang singer-actress na si Nikki Gil, ang "Banana Split: Extra Scoop" at "Banana Nite" mainstay na si Ryan Bang, ang "She's Dating the Gangster" cast member na si Sofia Andres, ang former Pinoy Big Brother housemate na si Axel Torres, at ang nagkaka-comeback na si Victor Neri.

Ang "Hawak Kamay" ay kwento ni Gin (Piolo Pascual) na isang lasenggong bumibitaw na sa pangarap niyang maging sikat na musikero. Dahil sa isang aksidente, mapupunta kay Gin ang responsibilidad na kunin ang tatlong batang in-adopt ng kanyang namatay na kapatid: sina Emong (Zaijan Jaranilla), Dara (Xyriel Manabat), at Ningning (Yesha Camile). Ang set-up na ito ay babantayan ng isang matapang na attorney, si Bianca (Iza Calzado) at ng kanyang kapatid na si Lorrie (Andrea Brillantes), na makakakita kung tama ba si Gin para sa tatlong mga bata. Sa paghaharap nilang lahat sa iba't ibang bagay ay unti-unting malalaman nila kung ano ba talaga ang importante sa buhay at kung ano talaga ang ibig sabihin ng pagiging bahagi ng isang pamilya.

Sa Linggo (July 20) isang araw bago mag-premiere ang serye ay pwedeng makasama ng live ang cast ng "Hawak Kamay" na sina Piolo, Iza, Zaijan, Xyriel, Andrea, at Yesha sa isang mall show na gaganapin sa Fairview Terraces ng 4:00pm.

Huwag palampasin ang simula ng kwento ng "Hawak Kamay" na mapapanood simula Lunes (Hulyo 21) pagkatapos ng "TV Patrol" sa ABS-CBN. Para sa mga update, sundan ang opisyal na website ng "Hawak Kamay" (hawakkamay.abs-cbn.com), i-like ang "Hawak Kamay" sa Facebook (www.facebook.com/HawakKamayTV), at sundan ang "Hawak Kamay" sa Twitter at Instagram (@HawakkamayTV).