Kapamilya News Ngayon

Zaijan, Tuturuan ng Leksyon Ngayong Sabado sa 'Wansapanataym'

2012-02-01T06:54:00.000-08:00

Matapos ang matagumpay na finale ng top-rating Primetime Bida teleseryeng “Ikaw ay Pag-ibig,” muling mapapanood sa telebisyon ang multi-awarded Kapamilya child wonder na si Zaijan Jaranilla ngayong Sabado (Pebrero 4) sa ‘Water Willy’ episode ng "Wansapanataym. Gagampanan niya ang karakter ni Willy, isang batang mahilig mag-aksaya ng tubig na sa kalaunan ay tuturuan ng leksyon ng isang misteryosang babae tungkol sa kasamaang dulot ng pang-aabuso sa likas na yaman ng kalikasan. Kasama ni Zaijan sa episode sina Lotlot de Leon, Smokey Manoloto, Simon Ibarra, Elaine Quemel, at Lilia Cuntapay. Ito ay isinulat ni Rondel Lindayag at idinirek ni Jon Villarin. Huwag palampasin ang 2011 Catholic Mass Media Awards’ Best Children and Youth Program, “Wansapanataym,” ngayong Sabado ng gabi pagkatapos ng “TV Patrol Weekend” sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

'E-Boy,' No. 1 Program ng Sambayanan

2012-02-01T06:46:00.000-08:00

Pinakatinutukan ng buong sambayanan ang pagbubukas ng kuwento ni “E-Boy” nitong Lunes (Enero 30). No.1 agad ang pilot episode nito sa listahan ng overall top programs ng Kantar Media, kung saan nakakuha ito ng national TV rating na 28.1%. Nakapagtala ng sampung puntos na pagitan ang teleseryeng pinagbibidahan ni Bugoy Cariño kumpara sa katapat nitong programa sa GMA na “Munting Heredera” na may national TV rating lamang na 18.8%. Huwag bibitiw sa mga mas kapanapanabik na tagpo sa nakaaantig na kuwento ng isang batang robot na binigyan ng mga katangian ng isang tao na nang lumaon ay nagtulak sa kanyang hangaring maging isang tunay na bata.

Huwag palampasin ang “E-Boy,” gabi-gabi, pagkatapos ng “TV Patrol” sa Primetime Bida ng ABS-CBN. Para sa karagdagang updates, mag-log on lamang sa www.abs-cbn.com o sundan ang @abscbndotcom sa Twitter

'It's Showtime' Hosts, Dinumog ng mga Madlang People sa Iba't-ibang Panig ng Maynila

2012-01-31T21:20:00.000-08:00

Sandaling huminto ang oras ng mga madlang people na naglalakad sa kalsada ng Metro Manila ng dumaan ang pinag-uusapang “It’s Showtime” Unkabogable Party Party Bus kahapon kung saan nakasakay at kumpleto ang hosts ng pinakabagong noontime show ng ABS-CBN na magsisimula na ngayong Lunes (Feb 6).

Nagtungo nga sina Vhong Navarro, Anne Curtis, Vice Ganda, Billy Crawford, Karylle, Kim Atienza, Jugs, at Teddy kasama rin ang mga dating “Showtime” hurados na ngayo'y hosts na na sina Jhong Hilario, Ryan Bang, at Coleen Garcia, sa Brgy. Santolan sa Pasig City at sa Brgy. Nangka sa Marikina City kung saan naghandog sila ng maikling programa at namigay ng t-shirts, pamaypay, stickers, at baller IDs.

Napakainit ng pagtanggap ng madlang people sa mga nasabing barangay at talagang tiniis nila ang init ng araw makita lang ang paborito nilang "It’s Showtime" hosts.

Hindi naman sila nabigo dahil game na game na bumati at nagpasaya ang mga ito at tulad nila, ininda rin ang init ng panahon habang nasa ibabaw ng Unkabogable Party Party bus. Maging mga kawad ng kuryente at overpass ay paulit ulit inilagan at niyukuan ng hosts para lang makaabot sa dalawang destinasyon.

Pagkatapos sa mga barangay ay binaybay din nila ang kahabaan ng Commonwealth papuntang EDSA Monumento na siya namang ikinagulat ng mga taong nadaanan ng bus. Muli, namudmod ng espesyal na "It's Showtime" items ang hosts habang live na naririnig ng madlang people ang kanilang kulitan.

Sa kanilang pagbabalik sa ABS-CBN compound, mainit naman silang sinalubong ng Kapamilya employees habang winawagayway ang mga "It's Showtime" flaglet.

Naging matagumpay nga ang pag-iikot ng “It’s Showtime” Unkabogable Party Party Bus at gumawa rin ng ingay sa online world ng mag-trend ito sa Twitter worldwide.

Ano nga kaya ang dapat abangan sa bagong handog na ito ng Kapamilya Network? Pakaabangan ang pinakabagong noontime show ng ABS-CBN na “It’s Showtime” simula Lunes (Feb 6) sa ABS-CBN.

Salpukang Donaire-Vazquez Ipapalabas sa ABS-CBN

2012-01-31T20:47:00.000-08:00

Mapapanood sa ABS-CBN ang bakbakan ng pound-for-pound champ na si Nonito “The Filipino Flash” Donaire at ng dating title-holder na si Wilfredo Vazquez Jr. para sa WBO junior featherweight title sa Linggo (Feb 5), 10:00 a.m. sa isang doubleheader sa San Antonio, Texas, USA. .

Ang co-main event ng doubleheader na pinamagatang “Welcome to the Future” ay ang laban naman para sa WBO middleweight ng mga Meksikanong boksingerong sina Julio Cesar Chavez Jr. at Marco Antonio Rubio.

Sa salpukang Donaire-Chavez, aakyat ang three-division champ na si Donaire (27-1-0 18 KOs) sa 122-pound class kung saan dating kampeyon ang mas batang kalaban.

Hinablot ng Puerto Rican na si Vazquez ang titulo noong 2010 nang patumbahin nito ang tubong-General Santos na si Marvin Sonsona. Ngunit noong 2011, nawala sa kanya ang kampeyonato nang talunin siya ng Meksikanong si Jorge Arce.

Ngayong bakante na ang titulo sa paglipat ni Arce ng ibang weight division, susubuking mabawi ni Vazquez ang korona, ngunit isa rin itong pagkakataon para kay Donaire upang madagdagan ang mga iniipong titulo.

Samantala, itataya naman ng WBO middleweight champion na si Julio Cesar Chavez Jr. (44-0-1 31 KOs) ang kanyang titulo sa paghaharap nila ni Marco Antonio Rubio (53-5-1 46 KOs).

Hindi pa nakakatikim ng pagkatalo si Chavez, na anak ng Meksikanong boxing legend na si Julio Cesar Chavez Sr., samantalang dalawang taon na ring nananalo ang challenger nitong si Rubio. Ipapalabas ang title fight ng dalawa sa Studio 23, 1:00 p.m.

Huwag palalampasin ang bakbakang Donaire-Vazquez sa ABS-CBN sa Linggo (Feb 5), 10:15 a.m. at salpukang Chavez-Rubio sa Studio 23 sa parehong araw, 1:00 p.m.. Mapapanood ang primetime telecast ng mga laban sa Studio 23, 6:00 p.m.

Photo Credit: Top Rank

Aiza, Muling Paiibigin ang Sambayanan

2012-01-31T20:07:00.000-08:00

Muli na naman paiibigin ni Asian Acoustic Sensation na si Aiza ang kanyang fans sa paglabas ng pinakabago niyang album mula sa Star Records na may titulong, “Songs from the Vault,” tampok ang 13 kantang tiyak maghi-hit sa mga Pinoy na hopeless romantic.

Bahagi ng album ang tatlong awiting sinulat mismo ni Aiza, ang “Tanging ikaw,” “Wala Ka Na,” at “Sana Di Lang Puro Sana.”

Ayon kay sa singer-songwriter, mula sa iba't ibang tao at hindi malilimutang karanasan ang pinagmulan ng kanyang mga kanta. Aniya, "Inspirasyon ko ang pag-ibig, pagkabigo, galit, sakit, at maging deadlines. Pinakamasarap sa proseso ng pagsusulat ay 'yung sunod-sunod lang ang dating ng mga linya na sakto sa gusto mong maiparating sa mga makikinig.”

Mapakikinggan rin sa album ang 10 revival songs kabilang ang “Walang Sayang,” “Persistent Rain,” “Sa’yo Lamang,” “Sukob Na,” “Miss You Like Crazy,” “When You Wish Upon a Star,” “Someone’s Waiting for You,” “Runaway,” “My Heart Will Go On,” at “Mahagkan Kang Muli” ni Nyoy Volante.

Mula nang i-launch bilang recording artist ng Star Records, sunod-sunod na tagumpay ang nakamit ni Aiza. Bukod sa pagiging certified gold at platinum artist ng bansa, nakapaglabas na rin ito ng isang live album at dalawang album sa Asya.

Damahin ang sarap at sakit ng pag-ibig at makisabay sa mga awitin ni Aiza. Huwag nang magpahuli at bumili na ng iyong kopya ng “Songs From The Vault” album sa inyong mga paboritong record bars sa buong bansa. Maaari ring ma-download ang mga kanta sa internet. Mag-log on lamang sa www.starrecords.ph.

'Showbiz Inside Report' nina Carmina, Janice, Joey, at Ogie, Mapapanood na Ngayong Sabado

2012-01-31T08:08:00.000-08:00

Maghahatid na ng mga malalim, mabusisi, at mapusong showbiz balita, ang “Showbiz Inside Report,” ang pinakabagong talkshow ng ABS-CBN na magsisimula ngayong Sabado (Pebrero 4) tampok ang bagong kombinasyon ng mga host na kabibilangan ng original Kapamilya star na si Carmina Villaroel, multi-awarded TV host-actress Janice de Belen, actor-politician Joey Marquez, at ‘blind item’ king Ogie Diaz.

Kaiba sa nakasanayang showbiz-oriented TV programs, hindi lamang simpleng silip sa isyu ang handog ng "S.I.R.” sa mga manonood, kundi mga malalimang pagkilala at pagtalakay sa mga totoong tao sa loob ng mga pinakapinag-uusapang kuwentong tinututukan ng publiko.

Kapwa excited sina Janice at Carmina sa bago nilang talkshow. Ayon kay Carmina, “Excited ako sa 'S.I.R.' kasi mabibigyan ako ng pagkakataon na kilalanin ang ating mga Kapamilya stars." Dagdag pa ni Janice, "Aalamin natin ano ba 'yung mga nangyayari sa likod ng mga kuwento."

Samantala, interesado naman si Joey sa palitan nila ng kuro-kuro ng mga co-host niya. Aniya, "Gusto kong matuto mula sa kanila. Kanya-kanya kasi kami ng pag-uugali kaya gusto kong mapangkinggan 'yung mga opinyon nila sa mga istoryang ipalalabas namin."

Kaabang-abang rin, ayon kay Ogie, ang no-holds-barred discussions na tampok sa kanilang programa. "Open kami sa tuksuhan, but at the end of the day wala pikunan, walang personalan. Happiness lang," ani ni Ogie.

Sa pagsasanib-puwersa sa "S.I.R." ng ilan sa mga pinakapinakapinagkakatiwalaan at kinaaaliwang TV hosts sa bansa ngayon, iba't ibang boses ang maririnig at balanseng pagtalakay ang mapapanood--may makulit at matanong na si Carmina na hindi papagil makuha lamang ang totoo sa loob ng mga kaganapan; si Janice na 'showbiz ate' na laging handang makinig; si Tsong Joey na magbabahagi ng pananaw ng lalake sa mga usapin; at si Ogie na laging may bitbit na fresh 'insider' scoops.

Huwag palampasin ang pagsisimula ng pinakabagong showbiz-oriented talkshow ng ABS-CBN, "Showbiz Inside Report" ngayong Pebrero 4, Sabado ng hapon, pagkatapos ng “Happy Yippee Yehey.” Para sa karagdagang updates, mag-log on sa www.abs-cbn.com, sundan ang @ShowbizInsideTV sa Twitter, o i-'like' ang Facebook fanpage na http://www.facebook.com/ShowbizInsideReport.AbsCbn.

Kaawa-awang Kondisyon ng mga Korte, Isisiwalat ni Henry sa 'Krusada'

2012-01-31T07:51:00.002-08:00

Marami umanong mga napondohan ngunit hindi naitayong korte sa ilalim ng pamumuno ng ngayong nasasakdal na si Chief Justice Renato Corona, na inaakusahang hindi ginamit nang wasto ang bilyun-bilyong pondo para sa reporma sa hudikatura.

Ngayong Huwebes (Feb 2) sa “Krusada,” ibubunyag ni Henry Omaga-Diaz ang miserableng kalagayan ng mga korte sa bansa – mga lumang gusali, kisameng natutuklap, at sira-sirang kabinet at bintana.

Bukod pa sa pagsisiksikan ng mga partido, abugado at saksi, napag-alaman ni Henry na nakikihati din ang mga hukom sa mga korte ng isa’t isa na nakapagpapabagal pa ng pagdinig at pagdesisyon sa mga kaso.

Naninindigan si Henry na mas mapapatatag ang pagtitiwala ng taumbayan sa hudikatura kapag nagkaroon ang bansa ng mas maaayos na mga gusali, istratehiyong lugar, at karespe-respetong kapaligiran para rito.

“Anuman ang maging desisyon ng senator-judges sa magiging kapalaran ni Chief Justice Corona, sana ay maging daan ito para maitulak ang ating krusada para sa reporma sa ating hudikatura na magbibigay sa bawat mamamayan ng nararapat na katarungan,” saad ni Henry.

Dahil ang tunay na paninindigan ay hindi puro salita lamang, makinig at makiisa sa kampanya ni Henry ngayong Huwebes (Feb 2) sa “Krusada” pagkatapos ng “Bandila” sa ABS-CBN o sa mas maagang pag-ere nito sa DZMM TeleRadyo (SkyCable Channel 26), 9:15 PM.

Pilot Episode ng 'Mundo Man ay Magunaw,' Wagi sa National TV Ratings

2012-01-31T07:51:00.000-08:00

Mistulang bagong ‘putahe’ na bumenta sa panlasa ng publiko ang tagumpay na nakamit kamakailan ng “Mundo Man ay Magunaw,” ang kauna-unahang locally produced drama ng ABS-CBN sa noontime slot. Ayon sa Kantar Media, humataw noong Lunes (Enero 30) ang pilot episode nito ng 15.9% national TV rating kumpara sa 14.8% na nakuha ng katapat nitong programa sa GMA na “Chef Boy Logro Kusina Master.” Patuloy na sundan sa "Mundo Man ay Magunaw" ang kuwento ni Olivia (Jodi Sta. Maria/Eula Valdes) at ng kanyang mga anak na sina Sheryl (Empress) at Jennifer (Nikki Gil) at kung paano sila pinag-ugnay ng tadhana matapos ang 20 taon na pagkakawalay. Huwag palampasin ang “Mundo Man ay Magunaw,” araw-araw, 11:30 ng tanghali, sa ABS-CBN. Para sa karagdagang impormasyon, mag-log on sa www.abs-cbn.com, sundan ang @abscbndotcom sa Twitter, o i-‘like’ ang facebook fanpage ng show na http://www.facebook.com/mundomanaymagunaw.

Katatakutan at Kababalaghan, Magpaparamdam na Ngayong Feb 4

2012-01-31T02:14:00.001-08:00

Magsisimula na ang katatakutan at kababalaghan ngayong Sabado (Feb 4) dahil magpaparamdam na ang kampon ng kasamaang susupilin ng limang kabataan sa pinakabagong handog ng ABS-CBN tuwing weekend, ang “Oka2kat.”

Hango mula sa sikat na 90’s series na may katulad na pamagat, ang “Oka2kat” ay kinatatampukan ng lima sa tween actors at actresses na dapat pakaabangan ngayong 2012 — Paul Salas, Makisig Morales, Sue Anna Ramirez, Jane Oineza, at Joshua Colet.

Dahil sa laging inaapi sa eskwelahan sa siyudad kung kaya’t nagpasya ang ina ni Andrew (Paul Salas) na patirahin siya sa Pueblo Peligro kasama ng lolo niya. Sa loob ng kanilang bahay, isang museo na pag-aari ng pamilya nila ang matatagpuan kung saan binabantayan at itinatago ng matanda ang ilang mga isinumpang kagamitan.

Agad na nakuha ng naturang mga gamit ang interes ni Andrew ngunit bago niya pa man mas lubusang makilatis ang mga ito ay ninakaw ito sa kanila ng mga masasamang loob na siya ring kumitil sa buhay ng kanyang lolo.

Para maipaghiganti ang pagkamatay ng kanyang lolo, babawiin ni Andrew ang mga ninakaw na antigong gamit. Kasama ang mga bagong kaibigang sina Neil (Makisig Morales), Luna (Sue Anna Ramirez), Princess (Jane Oineza), and Joey (Joshua Colet), sasabak si Andrew sa isang matindi at di-malilimutang adventure kung saan maaring manganib ang kanyang buhay.

Kasama rin sa cast ng ”Oka2kat” sina Dimples Romana, Janus Del Prado, DJ Durano, Nanding Josef, at Perla Bautista sa ilalim ng direksyon nina Theodore Boborol at Neal Del Rosario.

Magpaparamdan na ang ”Oka2kat” simula ngayong Sabado (Feb 4), 4:00 PM pagkatapos ng ”Showbiz Inside Report” sa ABS-CBN.

ABS-CBN, Naghakot ng Pinakamaraming Parangal sa 2012 Gandingan Awards

2012-01-30T23:42:00.000-08:00

Panalo ang ABS-CBN ng pinakaraming awards sa “Gandingan: The UPLB Isko’t Iska’s Broadcast Choice Award” kabilang na Most Development-Oriented TV Award at ang Best FM Station para sa Tambayan 101.9.

Kung bibilangin ang mga nawaging awards, masasabing mas marami ang naniniwala sa ABS-CBN kumpara sa ibang TV networks.

Itinanghal na Best Morning Show ang “Umagang Kay Ganda,” Best Documentary Program ang “Patrol ng Pilipino,” at Best Educational Program ang "Matanglawin."

Hinirang namang Best News Anchors sina Karen Davila, Julius Babao at Ces Orena-Drilon para sa “Bandila”; Best Morning Show host ang mga anchor ng “Umagang Kay Ganda”; Best Documentarist si Karen Davila; at Best Public Service Program Host sina Bernadette Sembrano at Alvin Elchico para sa “Salamat Dok”.

Iginawad naman sa flagship primetime newscast ng ABS-CBN na “TV Patrol” ang Hall of Fame para sa Best News Program.

Pinarangalang Gandingan ng Edukasyon at Gandingan ng Kalikasan si Kuya Kim para sa mga adbokasiya nito sa edukasyon at kalikasan.

Best Development-Oriented Talk Show ng inuwi ng “The Bottomline with Boy Abunda” at “Best Development-Oriented Talk Show Host” naman ang kay Boy Abunda.

Kabilang din sa mga pinanalunan ng ABS-CBN ang Gandingan ng Pinilakang-Tabing special award. Ang “Us Girls” ng Studio 23 ang tumanggap ng special citation na Best Women-Oriented Program, at ang mga host nitong sina Angel Aquino, Chesca Garcia-Kramer at Iya Villana ang hinirang Best Women-Oriented Program Host.

Ang programa naman ng ABS-CBN Regional Group na “Mag-TV na Amiga: Outstanding Farmers” ang pinarangalan ng Gandingan for Best Livelihood-Oriented Program.

Si Ted Failon ang ginawarang Best AM Announcer award at ang DZMM host na si Carl Bali ta ang nakatanggap ng Gandingan ng Kabuhayan Special Award. Ang programang “Dos por Dos” naman ang itinanghal na Most Development-Oriented AM Program.

Wagi naman Si DJ Jasmin naman ng Tambayan 101.9 bilang Best Disc Jock at ang programa nitong “Dear Jasmin” ang tumanggap ng Most Development-Oriented FM Program award.

Sa kabuuan, nag-uwi ng 14 na gantimpala ang ABS-CBN, kumpara sa anim na award na nakuha ng GMA. Tatlong award ang nakuha ng DZMM 630, samantalang isa ang natanggap ng DZBB. Tatlong award naman ang iginawad sa Tambayan 101.9, at walang naiuwi ang Barangay LS.

Nakadagdag din sa tagumpay ng ABS-CBN ang dalawang award na nakuha ng subsidiary nitong Studio 23.

Ang Gandingan Awards ang taunang awards program ng UP Community Broadcaster’s Society sa University of the Philippines Los Baños (UPLB). Mahigit isang libong estudyante ng UPLB ang bumoboto taun-taon ng mga programa at personalidad na nagtataguyod ng mga isyu para sa kaunlaran.

Sam, May Regalong 'MMK' Episode sa Fans Bago Tumulak sa US

2012-01-30T23:33:00.000-08:00

Bago pa tuluyang lumipad patungong Amerika si Sam Milby upang subukan ang kapalaran sa Hollywood, isang espesyal na “Maalaala Mo Kaya” episode ang handog niya sa fans ngayong Sabado (Pebrero 4). Bibigyang buhay niya ang karakter ni Nono, ang best friend ni Joie (Jessy Mendiola) na pilit inilihim ang pag-ibig sa takot na mawasak ang kanilang pagkakaibigan. Lilipas ang panahon at magkakaalaman sina Nono at Joie na kapwa sila nagmamahalan. Marami mang tumutol sa kanilang relasyon, hindi bumitaw ang dalawa sa kanilang sumpaan. Makakasama nina Sam at Jessy sa nasabing MMK episode sina Mickey Ferriols, Lito Pimintel, Aldred Gatchalian, Lauren Uy, Beauty Gonzales, Hiyasmin Neri, Hermes Bautista, Gileth Sandico, at William Lorenzo. Ito ay sa ilalim ng pagsasaliksik ni Alex Martin, panulat ni Joan Habana, at direksyon ni Raz Dela Torre. Huwag palampasin ang mapusong pagganap ni Sam ngayong Sabado ng gabi sa longest-running drama anthology ng Asya, ang “Maalaala Mo Kaya” (MMK), pagkatapos ng “Junior Master Chef Pinoy Edition.” Para sa iba pang updates, mag log on sa www.mmk.abs-cbn.com, sundan ang @MMKOfficial sa Twitter, at i-“like” ang www.faceboook.com/MMKOfficial.

SamVon, Trending sa Twitter nang Lumabas sa 'Angelito: Batang Ama'

2012-01-30T21:59:00.000-08:00

Hindi pa man ganap na nasisimulan ang kiligan sa pagitan nina Migoy at Tere sa ”Angelito: Batang Ama” ay damang dama na nga ang suporta ng fans nina Sam Concepcion at Devon Seron matapos mag-trend ang SamVon sa dalawang magkasunod na araw sa Twitter Philippines. Ang SamVon ay pinagsamang pangalan ni Sam at Devon at siya ring tawag sa kanilang mga taga-suporta. Talaga namang sabik na sabik na silang makita kung ano ang mamumuo sa pagitan ni Migoy at Tere sa patok na afternoon serye. Ano nga ba ang magiging papel ni Migoy sa buhay ni Tere at nina Angelito?

Walang bibitiw sa pinag-uusapang serye tuwing hapon, ang “Angelito: Batang Ama,” 3:15 PM pagkatapos ng “Happy Yipee Yehey” sa Kapamilya Gold ng ABS-CBN. Sundan ang Twitter sa @Batang_Ama, Facebook (www.facebook.com/AngelitoBatangAma), at YouTube (www.youtube.com/AngelitoBatangAma). I-tweet na ang inyong mga opinion, saloobin, at suhestiyon gamit ang hashtag na #AngelitoBatangAma.

Prosekusyon at Depensa, Kilalanin sa 'Patrol ng Pilipino'

2012-01-30T15:58:00.001-08:00

Painit na nga ng painit ang bakbakan ng mga de-kampanilyang abogado ng depensa at mga bagitong taga-usig sa nakaraang dalawang linggo ng impeachment trial ni Chief Justice Renato Corona. Sa kabila ng mga napapanood natin sa telebisyon, paano nga ba nila pinaghahandaan ang bawat pagdalo sa pagdinig?

Bukas (Jan 31) sa “Patrol ng Pilipino,” kilalanin ang mga bumubuo sa kampo ng depensa at ng prosekusyon sa ulat ni Jing Castaneda, at silipin kung paano nila gagawin ang kani-kanilang tungkulin sa paglilitis ng impeachment case ni Corona.

Kakapanayamin ni Jing sina Atty. Tranquil Salvador at Atty. Jose Roy, ang mga abogadong tagapagtanggol ni Corona at ang mga taga-usig na sina Rep. Neri Colmenares, Rep. Erin Tanada, at Rep. Niel Tupas. Bukod pa riyan, alamin din ang kung ano ang tumatakbo sa likod ng mga press conference ng bawat kampo.

Para kay Jing, malaki ang papel ng media sa takbo ng pagdinig na ito, na inihahalintulad niya sa isang reality show na walang script, walang may kontrol, at walang may alam kung paano at kailan matatapos.

“Nakasalalay sa lahat ng partido – sa prosekusyon, depensa, senator-judges, at maging sa media – kung paano maeenganyo at mapapanatiling interesado rito ang taumbayan. Bilang isa sa mga pinakamahalagang aspeto ng demokrasya ng bansa, obligasyon nating tutukan ang impeachment para tiyaking anuman ang desisyong kalalabasan ay malinaw, kapani-paniwala, at katanggap-katanggap ito,” giit ni Jing.

Samantala, dadalhin naman kayo ni Jacque Manabat sa tatlong oras na biyahe sa pinagandang tramline sa Sariaya, Quezon kasama ang mga magsasaka. Dahil ditto, napaginhawa ang kanilang kabuhayan at nabawasan pa ang higit sa 45 minutong lakaran, na siyang dahilan ng pagkatuyot ng kanilang mga panindang gulay.

Alamin ang kwento sa likod ng mga balita bukas (Jan 31) sa “Patrol ng Pilipino” pagkatapos ng Bandila sa ABS-CBN, o sa mas maagang pag-ere nito sa DZMM TeleRadyo (SkyCable Channel 26,) 9:15 p.m.

Maging Cinema One Originals Award-Winning Filmmaker Ngayong 2012, Ipasa na ang Entries Hanggang Pebrero 8

2012-01-30T15:38:00.001-08:00

Extended ang submission! Muling inaanyayahan ng Cinema One, ang numero-unong cable channel sa bansa, ang mga papausbong at maging mga beteranong filmmakers at screenplay writers na mag-submit ng entries para sa taunang Cinema One Originals Festival hanggang Pebrero 8, 2012 (Miyerkules). Sampung entries ang ipro-produce ngayong taon. Tatlong entries, na siyang pinaka-mabenta ang konsepto, ang bibigyan ng P2-milyon production budget bawat isa, habang pito naman ang bibigyan ng P1 milyon. Ang nais lumahok ay kailangang sagutan at lagdaab ang entry form at mag-submit ng full narrative feature screenplay at sequence outline ng pelikula, curriculum vitae ng filmmaker, deskripsyon ng production team at portfolio ng filmmaker ng kanyang mga nakalipas na proyekto (DVD format). Maaring isumite ang entries sa Cinema One Office, 8th Floor Eugenio Lopez Jr. Communicatio Center, ABS-CBN Compound, Mother Ignacia Ave., Quezon City, 1103, Philippines. Para i-download ang entry form, mag-logon sa www.facebook.com/pages/Cinema-One-Originals/193194883486.

Joya at Jessica, Evicted Na sa Bahay ni Kuya!

2012-01-30T15:20:00.000-08:00

Unang nalagas sa Top 14 ng “Pinoy Big Brother Unlimited” ang housemates na sina Joya at Jessica. Nakakuha si Joya ng pinakamababang porsiyento ng mga boto sa eviction night noong Sabado (Jan 28) habang pinatawan naman si Jessica ng forced eviction ni Big Brother kagabi (Jan 29).

Nanaig ang kapwa nominees ni Joya na sina Divine, na nakakuha ng pinakamataas na porsiyento ng mga boto (64.47%), Wendy (16.01%) at Carlo (12.50%). Nakalikom lamang si Joya ng 7.03% ng mga boto.

Hindi inaasahan ang pagpapalayas kay Jessica kagabi na siyang ikaapat na housemate ng kasulukuyang PBB season na pinatawan ng forced eviction. Kahit na aminado nung una na gusto pa ring manatili sa loob ng bahay, naging matamlay at malungkot ito nung nakaraang linggo at ipinahayag na rin ang kagustuhang lumabas na sa outside world.

Nakalabas ng bahay si Jessica kagabi pagkatapos niyang makumpleto ang tatlong tasks – ang mag-spraypaint ng ekis sa litrato niya, sa litrato ni Wendy na pinili niya bilang housemate na walang katangiang maging Big Winner, at ng mga katagang “I QUIT” sa salamin sa may banyo.

Noong eviction night nga ay binuweltahan ni Kuya ang housemates dahil sa pagkabigo ng mga ito sa Kontra Battle na ‘Ratahuli,’ kung saan nakitaan sila ng kawalan ng determinasyon na manghuli ng mga pesteng daga.

Dismayado umano si Kuya sa season na ito na para sa kanya ay “marahil ang edisyon na walang Big Night at walang mapipiling Big Winner.” Sa pagkawala nina Joya at Jessica, anu-anong mahihirap na pagsubok pa kaya ang haharapin ng housemates sa “The Big Road Trip” sa linggong ito?

Huwag bibitiw at subaybayan ang mga pangyayari sa loob ng Bahay ni Kuya araw-araw sa “Pinoy Big Brother UnliDay” kasama si Bianca Gonzalez sa Kapamilya Gold pagkatapos ng “Angelito: Batang Ama” at gabi-gabi sa “Pinoy Big Brother UnliNight” kasama si Toni Gonzaga pagkatapos ng “Walang Hanggan” sa Primetime Bida. Patuloy pa ring tutukan ang “PBB Unlimited Updates” ni Robi Domingo tuwing “Angelito: Batang Ama” at “E-Boy” sa ABS-CBN.

Alamin ang mga pinakabagong kaganapan sa Bahay ni Kuya at sundan ang kanyang Secretary sa @OfficialPBB4 sa Twitter o i-like ang www.facebook.com/OfficialPinoyBigBrother.

Annebisyosa Concert Photos by Allan Sancon

2012-01-30T07:31:00.000-08:00

All photos courtesy of Allan Sancon

Anne Curtis vs Sarah Geronimo (Annebisyosa: No Other Concert)

2012-01-29T09:05:00.001-08:00

UnOfficially Yours - Full Trailer

2012-01-29T07:52:00.001-08:00

Unofficially Yours Full Trailer by starmometerdotcom

Ejay Falcon & Empress on The Buzz - Jan 29, 2012

2012-01-29T06:25:00.001-08:00

Anne Curtis Sings Adele's 'Someone Like You' on 'Annebisyosa: No Other Concert'

2012-01-29T06:20:00.001-08:00

Matteo Guidicelli - 'Kaba' Music Video

2012-01-29T05:56:00.001-08:00

Premiere Night ng 'My Cactus Heart' sa Bahay ni Kuya, Dinumog!

2012-01-29T04:38:00.000-08:00

Ginanap ang kauna-unahang red carpet premiere sa loob ng Pinoy Big Brother house noong Martes ng gabi (Jan 24), ang premiere ng pelikulang "My Cactus Heart" na pinagbibidahan nina Maja Salvador, Matteo Guidicelli, at Xian Lim. Naging matagumpay ang nasabing premiere dahil sumugod ang fans ng pelikula at ng “PBB” upang salubungin ang pagpasok ng mga bida sa Bahay ni Kuya. Bukod naman sa pagkakataong mapanood ang pelikula, naka-dinner date din ng housemates na sina Deniesse, Pamu, at Biggel ang tatlong bida sa PBB house resort.

Oka2kat Trailer

2012-01-28T20:56:00.001-08:00

Luis, Malalaman nang Buhay ang Anak nila ni Maria sa 'Maria La Del Barrio'?

2012-01-28T20:38:00.001-08:00

Matapos akalaing namatay ang kanilang anak ni Maria (Erich Gonzales), biglang makatatanggap si Luis (Enchong Dee) ng isang hindi inaasahang tawag tungkol sa tunay na naganap sa nawala nilang anak. Ito na nga ba ang magbubulgar ng kasinungalingan nila Sabrina (Jewel Mische) at Victoria (Angel Aquino)? Samantala, lalabas na ang mga dokumentong magpapatunay na pineke ni Victoria ang papeles ng Amore na nagtanggal ng karapatan ni Sandra (Assunta de Rossi) sa kumpanya. Sinong magwawagi sa muling pgtatapat ng dating magkaibigan? Patuloy na abangan gabi-gabi sa "Maria la del Barrio" sa Primetime Bida ng ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

Ikinakandadong mga Empleyado, Sasagipin ni Pinky Webb

2012-01-28T20:32:00.000-08:00

Tila mga ordinaryong manggagawa sila sa umaga pero pagsapit ng gabi sila ay mala-presong ikinakandado at ikinukulong ng sariling amo.

Samahan si Pinky Webb sa kanyang pagsagip sa tatlong kababaihang minamaltrato sa isang water refilling station sa Cubao ngayong Lunes (Jan 30) sa “XXX.”

Dagdag pa ng tipster, hindi lang ang tatlong babae ang dapat ayudahan dahil may mga menor de edad din daw na namamasukan dito.

Habang tinutugis ni Pinky ang malupit na employer, iimbestigahan naman ni Anthony Taberna ang inirereklamong pagtatapon ng water waste ng isang kumpanya sa Malabon. Sa loob ng sampung taon, tiniis nila ang nakakasulasok na amoy at sa kabila ng isinampa nilang reklamo sa kinauukulan ay nanatili itong hindi naaksyunan.

Samantala, tututukan naman ni Julius Babao ang kaso ng isang ginang na ninakawan ng mismong kakilala sa kanyang bahay. Tinatayang aabot sa P100,000 na halaga ng alahas ang natangay at ibinenta sa isang buyer na kakilala pala ng ginang. Ano kaya ang mangyayari sa paghaharap nila?

Ang "XXX" ay hinirang din na Best Public Service Program ng Golden Dove Awards noong nakaraang taon para sa "Lola Lourdes" episode kung saan nakunan nila sa bidyo ang pagkulong ng isang lola ng kanilang kapamilya sa isang kulungan ng aso at paano ito minamaltrato. Ang "XXX" din ang nakatiktik sa paglabas-masok ni dating Batangas Governor Antonio Leviste na naging malaking balita noong 2011.

Pakatutukan ang "XXX" ngayong Lunes (Jan 30) pagkatapos ng Bandila¨sa ABS-CBN. Mapapanood din ito sa DZMM TeleRadyo (SkyCable ch 26) sa parehong araw sa ganap na 9:15 PM.

100 Sexiest Men in the Philippines for 2012 - 4th Update

2012-01-28T09:22:00.000-08:00

Paulo Avelino captures no. 1 position overtaking previous leader Aljur Abrenica in our 4th update for the online poll "100 Sexiest Men in the Philippines for 2012."

Three Kapamilya hunks entered the Top 20 namely: Vhong Navarro, Enchong Dee and Jericho Rosales at the expense of Rocco Nacino, Ahron Villena and Dennis Trillo who left the leaderboard.

TOP 20 as of January 28, 2012, 2:30 p.m.

M	TR	PR	Celebrity Finalists	TOTAL VOTES
	1	2	Paulo Avelino	13,067
	2	1	Aljur Abrenica	11,555
	3	3	Xian Lim	10,722
	4	4	Coco Martin	10,375
	5	7	Gerald Anderson	6,462
	6	8	Enrique Gil	6,201
	7	9	Sam Milby	5,823
	8	5	Mark Luz	5,735
	9	10	JM De Guzman	5,528
	10	11	Derek Ramsay	5,455
	11	12	Jerico Redrigo	4,793
	12	N	Vhong Navarro	4,532
	13	13	Jake Cuenca	4,471
	14	12	Dingdong Dantes	4,158
	15	N	Enchong Dee	4,151
	16	N	Jericho Rosales	4,036
	17	14	Chris Tiu	3,783
	18	19	Rafael Rosell	3,770
	19	17	Jon Avila	3,391
	20	20	Zanjoe Marudo	3,270

BUBBLING UP:

21. Ahron Villena
22. Rocco Nacino
23. Kevin Fowler
24. John Lloyd Cruz
25. Rodjun Cruz
26. Piolo Pascual
27. Dennis Trillo
28. Tom Rodriguez
29. JC de Vera
30. Richard Gutierrez

Legend:

M - Movement
TR - Today's Ranking
PR - Previous Ranking
N - New Entry in the Top 20

HOW TO VOTE:

1. Go to Starmometer's Facebook Album (you must be signed on at Facebook).

2. Like the photo of the male celebrity that you want to vote for. You can like more than one celebrity, there's no limit!

3. The ranking of the 100 Sexiest Men in the Philippines for 2012 will be based on the number of likes they will receive from the readers.

4. Voting is until 11:59PM of April 8, 2012. The full list and this year's "Sexiest Man" in the country will be revealed on April 9, 2012.

5. Vote now!

Talk about "100 Sexiest Men in the Philippines" on twitter using the hash tag: #100MenPHL

Paulo Avelino's photo courtesy of Bench; Aljur Abrenica's photo courtesy of Aljur's Facebook Fanpage.

Steal Your Soul - Markki Stroem feat. Zia Quizon (Official Music Video)

2012-01-28T09:19:00.000-08:00

Mas Masaya sa 'ASAP 2012'

2012-01-27T20:18:00.000-08:00

Matapos ang matagumpay na engrandeng pagsalubong ng "ASAP 2012" sa Chinese New Year noong nakaraang linggo sa Quirino Grandstand na dinagsa ng libo-libong fans, panibagong kasiyahan na naman ang hatid nila ngayong Linggo (Enero 29) tampok ang mga hindi mapapantayang production numbers, biritan, at hatawan na pangungunahan ng ASAP Kapamilya mainstays na sina Gary Valenciano, ZsaZsa Padilla, Sarah Geronimo, Billy Crawford, Luis Manzano, KC Concepcion, Kim Chiu, at Gerald Anderson.

Tiyak na mas ikaliligaya ng lahat ang episode ngayong Linggo dahil siksik ito ng mga bonggang sorpresa gaya ng 'SOS' segment ni Sarah; collaboration ng Pinoy rock icon na si Bamboo at Pinoy Pride na si Arnel Pineda; concert treat ni Yeng Constantino; bagong single ni Jed Madela; at hindi malilimutang pag-awit nina Angeline Quinto, Karylle, Christian Bautista, Erik Santos, at ASAP Sessionistas.

Magdadagdag kasiyahan rin sa ASAP concert stage ang production numbers nina Lea Salonga at John Lloyd Cruz; cast ng “Mundo Man Ay Magunaw” sa pangunguna nina Nikki Gil at Empress; cast ng "Oka2Kat;" at maging ng bida ng “E-Boy” na si Bugoy Cariño. May madamdaming 'sendoff' ring alay para sa ASAP Kampamilya na si Sam Milby.

Samantala, paliliyabin naman ang dance floor sa paghataw ng ASAP Supahdancers na sina Maja Salvador, Rayver Cruz, Gab Valenciano, Iya Villania, Enchong Dee, Enrique Gil, Jessy Mendiola, at Sam Concepcion.

Huwag ring palampasin ang pagpapakilala sa pinakabagong Kapamilya star na tiyak iibigin ng sambayanan.

Makisaya kasama ang mga naglalakihang bituin ng 2011 PMPC Star Awards Best Musical Variety Show at Golden Screen Awards 2011’s Outstanding Musical Program na “ASAP 2012” ngayong Linggo, 12:15nn, sa ABS-CBN. Para sa updates, pictures at tsansang maka-hang out nang live ang stars ng ASAP Chill-Out, bumisita lamang sa http://asap.abs-cbn.com/sundan ang @ASAPOFFICIAL sa Twitter, o i-‘like’ ang http://facebook.com/asapofficial.

'Mundo Man ay Magunaw,' Magsisimula na sa Lunes ng Tanghali

2012-01-27T20:01:00.000-08:00

Ngayong Lunes (Enero 30), sa ganap na 11:30 ng tanghali, mapapanood na ang pinakabagong de-kalibreng teleserye na “Mundo Man ay Magunaw,” ang kauna-unahang locally produced drama ng ABS-CBN sa noontime slot.

Maituturing na isang ‘casting coup’ ang nasabing teleserye dahil sa bago at kapanapanabik na bagong kombinasyon ng mga artista. Ang “Mundo Man ay Magunaw” ay pagsasamahan ng ilan sa mga pinakamahuhusay na batang aktor at premyadong artista ng bansa kabilang sina Empress, Nikki Gil, Ejay Falcon, Sylvia Sanchez, Allan Paule, Pinky Amador, Jason Gainza, Dianne Medina, Alex Castro, Tessie Tomas, at Eula Valdes.

Ayon kay Eula, marami ang makaka-relate sa kuwento ng kanilang bagong show, lalo na ang mga ina. Aniya, “Ang karakter ko dito ay isang mapagmahal na ina na handang gawin ang lahat para makasama ang mga anak niya.”

Masaya naman si Empress sa panibagong pagkakataong bumida sa isang teleserye ng ABS-CBN. Aniya, tiyak na tututukan ng TV viewers ang mga karakter ng kanilang kuwento. "Excited akong mapanood nila ito kasi ngayon lang ako gagawa ng mas mature na role. Mabuting anak ako dito pero palaban. Kakaiba rin dito si dito si Ms. Eula dahil parang ngayon lang siya hindi kontrabida,” ani ni Empress.

Bago naman sa acting career ni Nikki ang kanyang gagampanan bilang bida-kontrabida sa karakter niyang puno ng ambisyon at naghahanap ng pagtanggap. "Ako po dito si Jennifer La Peña. Isa po akong matapang na babae na gustong mapatunayan sa lola ko na ako ang karapat-dapat na tagapagmana niya,” sabi ni Nikki.

Sundan sa "Mundo Man ay Magunaw" ang kuwento ni Olivia (Valdes) at ng kanyang mga anak na sina Sheryl (Empress) at Jennifer (Nikki) at kung paano sila pinag-ugnay ng tadhana matapos ang 20 taon na pagkakawalay. Magawa kaya ng isang ina na buuin ang pamilya niyang winasak ng kasinungalingan o tuluyan na siyang susuko sa sunod-sunod na dagok ng buhay na kahaharapin niya?

Sa direksyon nina Jeffrey Jeturian at Rechie Del Carmen, magsisimula na ang pag-ikot ng mundo nina Olivia, Sheryl at Jennifer sa Enero 30 (Lunes), 11:30 ng tanghali, “Mundo Man ay Magunaw,” araw-araw sa ABS-CBN. Para sa karagdagang impormasyon, mag-log on sa www.abs-cbn.com, sundan ang @abscbndotcom sa Twitter, o i-‘like’ ang facebook fanpage ng show na http://www.facebook.com/mundomanaymagunaw.

Binoe, Muling Sasabak sa 'TODA Max' na Aksyon

2012-01-27T19:57:00.000-08:00

Sa kabila ng pagsabak niya sa iba’t ibang genre tulad ng comedy sa telebisyon at pelikula, hindi kailanman iiwan ni Robin Padilla ang pagiging action superstar. Sa katunayan, muling siyang sasabak sa umaatikabong action scene ngayong Sabado sa “TODA Max.”

Ani Robin, markado na sa kanyang pagkatao ang paggawa ng mga maaksyong eksena. Patunay ng kanyang pagmamahal sa kanyang kinagisnang gawin ang peklat na kanyang tinamo noon habang nagshu-shoot ng isang blasting scene para sa isang proyekto.

Kaya naman pangako ni Binoe sa mga tagahanga, hangga’t siya’y malakas, maliksi at artista pa, patuloy pa rin siyang matutunghayan sa mga mapangahas at maaksyong eksena.

Samantala, tuloy pa rin ang bangayan ng mag-pinsan na si Tol (Robin) at Justin (Vhong Navarro) dulot ng isang hindi pagkakaunawan kung saan sangkot si Isabel (Angel Locsin). Pakiramdam naman nitong si Lady G (Pokwang), siya ang pinag-aawayan ng mag-pinsan. Paano kung humantong sa hiwalayan nina Justin at Isabel ang nasabing alitan?

Sa kasagsagan naman ng mga problemang kinakaharap niya, masinop na nag-iimpok ng pera si Tol sa kanyang garapon. Ngunit ‘nung ide-deposito na niya sana ito sa bangko, may magtatangkang umagaw nito sa kanya. Sa tagpong ito, matutunghayan ang isang maaksyong eksenang handog ni Tol.

Mabuo pa kaya ang masayang samahan sa Beverly Gil’s? Tunghayan ang “TODA Max,” pagkatapos ng “Maalaala Mo Kaya” sa ABS-CBN. Para sa mga updates, mag-logon sa http://twitter.com/abscbndotcom.

Kuya Kim, Mangingiliti ng Mata at Isipan sa 'Matanglawin'

2012-01-27T19:50:00.000-08:00

Kikilitiin ni Kuya Kim ang inyong imahinasyon sa mga nakakaintrigang optical illusions ngayong Linggo (Jan 29) sa isa na namang exciting na adventure sa “Matanglawin.”

Ang mga hayop ay isa sa mga mahilig gumamit ng ilusyon sa pamamagitan ng pag-camouflage o panggagaya sa paligid nito para matakasan ang mga kaaway o para masindak ang mga ito.

Hindi lang para sa survival nagagamit ang optical illusions dahil maari din itong magsilbing solusyon sa mga problema sa disenyo ng bahay at maging sa fashion.

Samantala, tutuklasin din ni Kuya Kim ang siyensa sa likod ng mga trick 3D art at ang kanyang special guest na si Jeff Tam ng “Umagang Kay Ganda” ay magpapakitang gilas sa kanilang mga magic tricks.
Ang ”Matanglawin” ay isa sa pinakapinaparangalang educational program sa bansa at nakatamo na ng pagkilala sa mga prestihiyosong award giving bodies tulad ng PMPC Star Awards, EMPRESS Golden Screen TV Awards, Anak TV Seal, UP Gandingan, at USTv Awards noong 2011.
Huwag palalampasin ang “Matanglawin” ngayong Linggo (Jan 29), 9:30 ng umaga sa ABS-CBN.

Happy Yipee Yehey, Tuloy-Tuloy ang Pagbibigay-Saya

2012-01-27T19:36:00.000-08:00

Tuluy-tuloy ang kasiyahang handog ng “Happy Yipee Yehey” (HYY), lalo’t ngayong Sabado, de-kalibreng performances ang handog hindi lamang ng mga host, kung hindi maging ng mga guest.

Espesyal ang pagtatanghal ng HYY dahil mga Primetime Bida at Kapamilya Gold stars na sina Bugoy Cariño, Agot Isidro at Ariel Rivera ng “Eboy,” Empress at Nikki Gil ng “Mundo Man Ay Magunaw,” at JM de Guzman ng “Angelito” ang magpapasiklab.

May isang kapana-panabik na number din ang handog ng HYY host na si Matteo Guidicelli at si Xian Lim, para sa kanilang pelikulang “My Cactus Heart,” kung saan kasama nila si Maja Salvador. Si Xian din ang uupo at kikilatis kung babae nga ba o hindi ang mga kalahok sa “Who’s That Girl.”

Sina Randy Santiago, John Estrada at Rico J Puno ay may jamming din upang ipaabot ang taus-pusong pasasalamat sa mga sumuporta sa HYY sa loob ng halos isang taon. Magbibigay-inspirasyon din sa pamamagitan ng kanilang awitin ang Prince of Pop na si Erik Santos at bandang Callalily.

Sa pagpapatuloy naman ng “Feeling Genius,” ang defending champion na si Keanna Reeves naman ay makikipagtagisan kay Mahal. Manatili pa kaya ang titulo sa dating “Pinoy Big Brother” grand winner, o tuluyan na kaya itong agawin ng bulilit sa kanya?

Walang patid ang kasiyahan na handog ng pinaka-masayang kabarkada sa tanghali. Huwag palampasin ang “Happy Yipee Yehey!” mula Lunes hanggang Sabado, pagkatapos ng “Showtime” sa ABS-CBN.

Julia at Kathryn Magkakapatawaran na Ngayong Linggo sa 'Growing Up?'

2012-01-27T01:18:00.001-08:00

Dahil hindi na natuloy ang kasal ng mommy ni Ella (Kathryn Bernardo) at daddy ni Tammy (Julia Montes), alamin ngayong Linggo (Enero 29) kung may pag-asa nang magkaayos at mabuong muli ang “Growing Up” barkada. Maamin na kaya ni Britney (Kiray Celis) na nagsinungaling lang siya upang makaganti kay Tammy? Sa paglabas ng totoo, magkaayos na nga ba sa wakas ang samahan ng mag-best friends? Huwag palampasin ang mga pinakabagong kaganapan sa mga puso at buhay ng paboritong Kapamilya Sunday barkada na “Growing Up,” Linggo ng hapon, pagkatapos ng “ASAP 2012” sa ABS-CBN. Para sa karagdagang updates, mag-log on sa www.growingup.tv o sundan ang abscbndotcom sa Twitter.

'E-Boy,' Makikilala na sa Lunes sa Primetime Bida ng ABS-CBN

2012-01-27T00:14:00.001-08:00

Ngayong Lunes (Enero 30) na ang pagbubukas ng pinakabagong Primetime Bida teleserye ng ABS-CBN, ang "E-Boy,” na pagbibidahan ng MMFF 2011 Best Child Performer na si Bugoy Cariño.

Tuklasin sa “E-Boy” ang nakaaantig na kuwento ng isang batang robot na binigyan ng mga katangian ng isang tao na nang lumaon ay nagtulak sa kanyang hangaring maging isang tunay na bata. Ngunit sa kanyang paglalakbay at sa pamamagitan ng kanyang mga karanasan, malalaman niyang ang pagiging tao ay hindi lamang nasusukat sa pagkakaroon ng laman at dugo, kundi ito ay ‘buhay’ na binibigyang kahulugan ng pamilya, pagkakaibigan at tunay na pagmamahal.

Makakasama ni Bugoy sa “E-Boy” ang mga premyadong bituin na sina Ariel Rivera, Jomari Yllana, Agot Isidro, Valerie Concepcion, Jaime Fabregas, Chinggoy Alonzo, at Pen Medina. Tampok rin sa bagong teleserye sina Blythe Gorostiza, Arjo Atazde, Carme Sanchez, Akiko Solon, Bryan Santos, at ang mga child stars na sila Maliksi Morales at Deydey Amansec.

Mula sa mga naghatid ng mga hit teleseryeng "Lobo" at "Imortal," ang "E-Boy" ay sa ilalim ng direksyon nina FM Reyes at Nick Olanka.

Tuklasin sa “E-Boy” ang kuwentong magpapatunay na kahit hindi tao puwedeng magmahal nang totoo, ngayong Lunes (Enero 30), pagkatapos ng “TV Patrol” sa Primetime Bida ng ABS-CBN. Para sa karagdagang updates, mag-log on lamang sa www.abs-cbn.com o sundan ang @abscbndotcom sa Twitter

'Showtime,' Havey na Havey sa Pauso't Pakwela

2012-01-27T00:05:00.001-08:00

Talagang malayo na ang narating ng “Showtime” mula sa pagiging isang talent show. Napauso nito ang mga salita at mga pakulo na bahagi na ng araw-araw ng mga Pilipino, napagsama-sama ang mga gustong magpasikat at lumaban sa talent show, at pinasaya ang mga manonood.

Dahil sa programa, mas napalapit sa masa ang hosts na sina Anne Curtis, Vhong Navarro, Vice Ganda, ‘Kuya’ Kim Atienza, Billy Crawford, Karylle, Jugs Jugueta, at Teddy Corpuz at ang mga hinahangaang artista, negosyante, modelo at atleta na nagsilbing hurado sa napasikat na ‘sample’ segment, kung saan talagang bigay-todo sa pagpapakitang gilas mapa-artista man o ordinaryong tao para magbigay-aliw sa ‘madlang people’ sa studio at mga tahanan.

Patunay rin ng kasikatan ng talent-variety program ay ang pagpapauso nito ng mga salitang ‘madlang people’ at ‘unkabogable.’ Sa katunayan, mistulang pabrika ito ng mga hirit, gaya na lamang ng ‘may nagtext,’ ‘madlang people,’ ‘unkabogable,’ ‘party-party,’ ‘Baliwag University’ at pati na ang terms na ‘waley’ at ‘havey’ na ginagamit na karamihan sa pakikipag-usap.

Marami na ring naimbentong gimik ang “Showtime” na hindi lang ikinagalak ng mga manonood kung hindi ay tumatak pa sa kanila gaya ng mga pakulong ‘face dance,’ ‘nose-to-nose,’ ‘take your shirt off’ at ‘word of the day’ segment na sinabayan, ikinatuwa, at tinilian ng buong bayan.

Sa kabila ng tagumpay nito, ang tunay na inaabangan ng mga manonood araw-araw sa “Showtime” ay ang halakhakan, mga hirit, at pakikipagkulitan nina Anne, Vhong, Vice, Billy, Kuya Kim, Karylle, Jugs at Teddy sa studio audience at contestants. Bukod pa riyan, naipakita rin ni Anne sa programa ang pagiging jologs at kalog lalo na sa kwelang opening chant niya.

Sa nakalipas na apat na seasons, inilunsad nito ang karera ng dance groups na XB Gensan, ang kampeon ng Season 1, Laoag City Gymnastics Group ng Season 2, True Colors ng Season 3, at Astig Pinoy ng Season 4 na hindi lamang nag-uwi ng karangalan at gantimpala para sa kanilang mga barangay ngunit nagbunsod din ng pagkakaisa at damayan sa mga ito.

Hangga’t nariyan ang entablado ng “Showtime,” hindi mauubusan ng mga nakakaantig na kwento ng pangarap at pag-asa ng mga taong nagtitiyaga makamit lamang ang kanilang pangarap. Ika nga, ‘it’s your show, it’s your time,’ kaya ikaw ang bida rito. Para sa walang patid na saya, manood ng “Showtime” Lunes hanggang Biyernes tuwing umaga pagkatapos ng “Kris TV” at pagakatapos ng “Three Brothers” tuwing Sabado sa ABS-CBN.

Twitter Trending City Hunter Marathon Ngayong Linggo

2012-01-26T20:52:00.000-08:00

Muling saksihan ang pagsisimula ng maaksyon na misyon ni Johnny Lee (Lee Min Ho) at balikan kung ano ang nag-udyok sa kanyang maging isang assassin na puno ng poo’t paghihiganti sa espesyal na pagpapalabas ng unang linggo ng pinakamalaki at pinakaginastusang Koreanovela na “City Hunter: The Beginning, A Marathon Special” ngayong Linggo (Jan 29), 10:30 PM on Sunday’s Best. Sa unang bira pa lamang ng serye noong Lunes (Jan 23) ay agad ng gumawa ng ingay sa Internet ang pagbabalik telebisyon ng Asian superstar na si Lee Min Ho at mainit na pinag-usapan sa Twitter Philippines kung kaya't naging trending topic ito. Bago pa man umere sa ABS-CBN ang “City Hunter” ay mayroon ng malakas na suportang ibinibigay ang Pinoy fans dito kaya naman ganun na lang ang pananabik nila sa pagdating ng “City Hunter” sa bansa. Pakatutukan na ang pinakabagong Koreanovela na kinababaliwan ng sambayanan, ang “City Hunter,” gabi gabi pagkatapos ng “Pinoy Big Brother Unlinight” sa ABS-CBN.

'Happy Yipee Yehey' Magtatapos Na

2012-01-26T20:51:00.000-08:00

Ang “Happy Yipee Yehey” (HYY) ay magtatapos, kasabay ng grand finals ng "My Girl" na gaganapin sa AFP Theater sa Sabado, February 4, 2012

Lubos na nagpapasalamat ang ABS-CBN sa lahat ng hosts at production staff ng HYY para sa kanilang hard work at kontribusyon sa pagbibigay ng isang "happy, yipee, yehey" experience sa mga manonood sa loob ng isang taon.

Taos puso na pasalamat din ang aming ipinapaabot sa mga manonood dito sa Pilipinas at sa labas ng bansa sa pamamagitan ng The Filipino Channel (TFC) sa buong mundo para sa suportang ibinigay nila sa programa.

Ang HYY hosts ay bibigyan ng mga bagong proyektong na patuloy na magbibigay kasiyahan sa mga manonood.

--Bong Osorio, Head of ABS-CBN Corporate Communications

'Ikaw ay Pag-ibig,' May Iiwang Aral Hanggang sa Huling Gabi

2012-01-26T02:33:00.000-08:00

Samahan sina Nonoy (Zaijian Jaranilla), Angelica (Xyriel Manabat), Tinay (Mutya Orquia) at Edison (Louise Abuel) sa kanilang huling misyon ngayong Biyernes (Enero 27) sa top-rating Primetime Bida teleseryeng “Ikaw ay Pag-ibig.” Sa mga buhay na pinag-ugnay ng isang sanggol, ito rin kaya ang maging daan para muli silang mabuo? Ano ang mananaig sa katapusan--katarungan o kapatawaran? Huwag palampasin ang huling gabing punong-puno ng pag-ibig sa "Ikaw ay Pag-ibig," sa Primetime Bida ng ABS-CBN. Para sa karagdagang updates, mag-log on sa www.abs-cbn.com, sundan ang @IkawayPagibig sa Twitter, o i-‘like’ ang http://www.facebook.com/IkawayPagibig.

'Lumayo Ka Man sa Akin,' Wagi sa National TV Ratings

2012-01-25T23:27:00.000-08:00

Mainit ang naging pagtanggap ng mga manonood sa muling pagbubukas sa mga pahina ng pag-ibig hatid ng “Precious Hearts Romances presents Lumayo Ka Man sa Akin” na kinatatampukan nina Jason Abalos, Patrick Garcia, at Maja Salvador.

Panalo ang Lumayo sa TV ratings mula ito ay nag-umpisang umere. Pumalo ito sa national TV rating na 10.5% noong Lunes (Jan 23) kumpara sa 8.1% ng kalabang network. Pagsapit naman ng Martes (Jan 24) ay bahagya itong tumaas sa rating na 11.4% kontra 9.4% ng GMA.

Talaga namang napakapit agad ang mga manonood sa masalimuot na buhay pamilya ni Janine (Maja Salvador) at sa umiinit naman nitong buhay pag-ibig sa piling ng mapapangasawang si Matthew (Patrick Garcia) at matipuno’t makisig na bagong kakilala na si Jake (Jason Abalos).

Patuloy ngang kinikilala ng dalaga ang hindi niya nakagisnang ina na si Consuelo (Ina Raymundo) na hindi naman maiwasang maging magaan agad ang loob sa kanya. Sa kabila ng kanyang nais na malaman ng ina ang katotohanan, minabuti niya munang ilihim ang lahat lalo pa’t mayroong maayos at masayang pamilya ng naipundar si Consuelo.

Samantala, kung nalilito ang kanyang utak sa dapat gawin, lilituhin naman ni Jake ang kanyang puso. Lagi man naiirita sa isa’t isa tila ang mga katawan nila ay kusang naglalapit sa kanila. Ano ang patutunguhan ng atraksyong namumuo sa dalawa? Madarang kaya si Janine sa tukso at tuluyang magtaksil kay Matthew (Patrick Garcia)?

Pakatutukan ang teleseryeng nagpapalagablab sa inyong mga hapon, ang “Precious Hearts Romances presents Lumayo Ka Man Sa Akin,” pagkatapos ng “Pinoy Big Brother Unliday” sa lalo pang tumitingkad na Kapamilya Gold ng ABS-CBN. Sundan ang official twitter account ng programa sa http://www.twitter.com/officialPHR o i-like ang official Facebook page nito na http://www.facebook.com/lumayokaman.

Bagong Nick at Marvel Cartoons, Mapapanood na sa ABS-CBN

2012-01-25T22:40:00.000-08:00

Makikipagsanib pwersa ang global brands na Nickelodeon at Marvel sa pinaka-child friendly na TV network sa bansa base sa natamong Anak TV seals, ang ABS-CBN, para maghatid ng exciting adventures sa mga batang Pinoy tuwing umaga simula ngayong Sabado (Jan 28) at Linggo (Jan 29).

Mapapanood na ang bagong episodes ng inyong paboritong Nickelodeon shows na “Go Diego Go” sa ganap na 8:30 AM, na susundan ng “Penguins of Madagascar” pagpatak ng 8:50 AM at “The Adventures of Jimmy Neutron” pagsapit ng 9:10 AM tuwing Sabado.

Samahan ang walong taong gulang na si Diego sa kanyang pagtulong sa mga hayop sa “Go Diego Go” habang sasabak naman sa misyong protektahan ang kanilang tahanan sa Central Park Zoo sina Skipper, Kowalski, Rico, at Private na kilala bilang “Penguins of Madagascar.”

Samantala, genius mang naturingan ang labing-isang taong gulang na si Jimmy ay pumapalpak pa rin ang ilan sa kanyang imbensyon. Abangan ang nakakamangha at nakakatawa niyang pakikipagsapalaran sa “The Adventures of Jimmy Neutron.”

Pagdating ng Linggo, ang mga kilalang bida naman ng Marvel na sina Spider Man at The Hulk ang gigising sa inyo sa kanilang maaksyong paglalakbay mula sa pagiging ordinaryong tao hanggang sa pagiging superheroes.

Magbabago ang takbo ng buhay ni Peter Parker nang makagat siya ng isang kakaibang gagamba sa isang science fair. Mula sa pagiging simpleng high school student ay magkakaroon siya ng kakayahang tulad ng sa mga gagamba. Samahan siyang sagipin ang mundo sa mga kaaway bilang si “Spider Man” tuwing 8:30 AM.

Aksidente namang nasabugan ng isang gamma bomb si Banner na naging dahilan kung bakit siya naging isang higanteng halimaw. Kilalanin siya bilang “The Incredible Hulk” pagsapit naman ng 9:00 AM.

Ang Nickelodeon ang pinakapinapanood na TV network ng mga kabataan sa US. Ibinigay ng Nickelodeon sa ABS-CBN noong 2010 ang eksklusibong rights para iere ang kanilang mga palabas sa lahat ng platforms nito. Una ng naipalabas ng network ang mga Nick shows na “Spongebob Squarepants,” “Dora The Explorer,” “El Tigre,” at “Avatar” na talaga namang tinangkilik ng mga Kapamilya.

Isang malaking entertainment company naman sa US ang Marvel na siyang nagbigay buhay sa pinakatanyag na mga superhero sa buong mundo sa pamamagitan ng kanilang comic books. Kamakailan lang ay ipinagkatiwala rin nila sa ABS-CBN ang kanilang mga palabas. Nauna ng hinandog ng Kapamilya Network ang patok na patok na “The Avengers” at “X-Men.”

Bukod sa Nick at Marvel shows, mapapanood din ang back-to-back airing ng “Sailor Moon” at “Naruto Shippuden 4,” Lunes hanggang Biyernes, simula 8:30 AM.

Talaga namang mas maganda ang umaga kasama ang mga bagong cartoon offerings ng ABS-CBN.

Bernadette Sembrano, Nag-Uulat na sa 'Top Story'

2012-01-25T22:24:00.001-08:00

Sinimulan na ng award-winning na mamamahayag na si Bernadette Sembrano ang pag-uulat ng mga pinakamahahalagang balita sa loob at labas ng bansa sa “Top Story” sa ANC. Kasama niya ang beteranong broadcaster na si Tony Velasquez sa paghahatid ng mga pinakamaiinit at pinag-uusapang mga istorya. Sa unang araw ni Bernadette, kabilang sa mga mahahalagang istoryang iniulat ng programa ay ang mga kaganapan sa impeachment trial ni Chief Justice Renato Corona. Alamin ang mga pinakamalalaking istorya sa “Top Story,” Lunes hanggang Biyernes, 5 p.m. sa ANC (SkyCable ch. 27).

John at Bianca, Patutunayang 'Height Doesn't Matter' Pagdating sa Love

2012-01-25T22:06:00.001-08:00

Kiligin at matutong magmahal nang totoo ngayong Sabado (Enero 28) sa "Wansapanataym" episode na pagbibidahan nina John Prats at Bianca Manalo. Sa kuwentong pinamagatang "Mini Mimi," kilalanin ang childhood sweethearts na sina Mimi (Bianca) at Paul (John) na nagsumpaang magmamahalan anuman ang mangyari. Ngunit nang magdalaga na si Mimi na naging mas matangkad na sa kababata, bigla itong nagbago at lumayo. Ito kaya ang dahilan kung kaya't kinarma siya at pinaliit na parang duwende? Kasama nina John at Bianca sa 'Mini Mimi' episode sina Jojit Lorenzo, Perla Bautista, Abby Bautista, Hideo Muraoka, at Dexie Daulat. Ito ay isinulat ni Joel Mercado at idinirek ni Jerome Pobocan. Huwag palampasin ang 2011 Catholic Mass Media Awards’ Best Children and Youth Program, “Wansapanataym,” ngayong Sabado ng gabi pagkatapos ng “TV Patrol Weekend” sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

Wendy at Carlo, Gustong Palayasin ng Ex-Housemates

2012-01-25T21:44:00.000-08:00

Isa mula sa Team High Voltage members at eviction nominees na sina Carlo, Divine, Joya, at Wendy ang papauwiin ng taumbayan sa ikapitong eviction night ng “Pinoy Big Brother Unlimited” ngayong Sabado (Jan 28).

Ngunit para sa ilang ex-housemates na minsan nang nakasama ang nominees para sa linggong ito, nararapat na raw mapauwi sina Wendy at Carlo.

Para sa ex-housemate na si Roy, Naprey, at Ryan na nasaksihan ang kawalan ng determinasyon at pabagu-bago ng desisyon ni Wendy, ang karapat-dapat lamang daw na manatili sa Bahay ay ang mga disididong mamalagi.

Dagdag pa ni Roy, makakatulong kay Wendy ang pagkaka-evict para hindi na raw tuluyang masira ang imahe niya dahil sa pagtitinginan nila ng kapwa housemate na si Carlo.
“Tulong na rin na makaalis siya para hindi na maging masyadong kumplikado ang mga bagay, para mapigilan na pagkasira ng relasyon niya, ng pamilya niya, at ng mismong sarili niya,” sambit ni Roy.

Para naman sa ex-housemates na sina Luz at Erica, hindi raw magandang ehemplo para sa mga manonood, lalo na sa mga kabataan, ang ipinakita nina Carlo at Wendy.

Ani Luz, “Dapat hindi lang nila iniisip na malungkot sa loob, hindi katwiran ‘yun. Dapat managot ka sa lahat ng gagawin mo.”

Dagdag pa ng dating housemate na si Kim, nangibabaw ang kumpetisyon para kay Carlo at naging makasarili ito sa diumano’y pagsasabotahe sa task na sana’y naging daan ng natanggal na si Ryan para makapasok sa top 14.

Tamang panahon na nga ba para lisanin nina Carlo o Wendy ang kumpetisyon, o mas nararapat nang palayasin sina Joya at Divine? Sino ang kulang pa ang napapatunayan sa loob ng Bahay ni Kuya?

Para i-vote to save ang inyong paboritong housemates, i-text lang ang BB(space)NAME OF HOUSEMATE at i-send sa 2331 para sa Globe, Sun Cellular, at TM subscribers, at 231 para sa Smart at Talk N’ Text subscribers. Maaari ring bumoto online sa pinoybigbrother.com.

Huwag bibitiw at subaybayan ang mga pangyayari sa loob ng Bahay ni Kuya araw-araw sa “Pinoy Big Brother UnliDay” kasama si Bianca Gonzalez sa Kapamilya Gold pagkatapos ng “Angelito: Batang Ama” at gabi-gabi sa “Pinoy Big Brother UnliNight” kasama si Toni Gonzaga sa mas pinaaga nitong timeslot pagkatapos ng “Walang Hanggan” sa Primetime Bida. Patuloy pa ring tutukan ang “PBB Unlimited Updates” ni Robi Domingo tuwing “Heartstrings” at “Ikaw ay Pag-ibig” sa ABS-CBN.

Alamin ang mga pinakabagong kaganapan sa Bahay ni Kuya at sundan ang kanyang Secretary sa @OfficialPBB4 sa Twitter o i-like ang www.facebook.com/OfficialPinoyBigBrother.

Budoy, Patuloy ang Pag-Ariba sa Ratings

2012-01-25T08:55:00.001-08:00

Hook na hook talaga ang madlang people sa mga inspiring story ni Budoy. Talk of the town ito kahit saan—mapa-carinderia, opisina, MRT, LRT, terminal ng tricylcle o maging sa faculty rooms ng mga teacher.

Sey nga ng isang public school teacher na nakausap ko, nakakatulong ang teleseryeng “Budoy” sa paghikayat nila sa mga estudyante nila na mag-aral nang mabuti. Kuwento niya, “Dahil sa pagiging simple ni Budoy at galing sa hirap, nakaka-relate sa kanya ang students ko. Nai-inspire rin sila dahil ngayong mas matalino na si Budoy, hindi na siya maaapi ng kahit na sino.”

Pansin nga namin, kahit na may mga bagong teleserye ang ABS-CBN, hinding-hindi nagpapahuli sa ratings ang “Budoy.” In fact, sa latest national TV ratings data ng Kantar Media, humataw ito sa 29.3% national TV rating na tinalo nang wagas ang katapat na “Legacy” ng GMA na nakakuha lamang ng 16.8%.

Actually, mula pa man nang magsimula ang teleserye noong October last year, tutok na ang sambayanan sa bawat linyang ipapauso ng karakter ni Gerald Anderson at sa mga bagong rebelasyong pasasabugin ng mga sinusubaybayang karakter nito tulad nina Luisa (ZsaZsa Padilla), Elena (Janice de Belen), Anton (Tirso Cruz III), Grace (Mylene Dizon), BJ (Enrique Gil) at Jackie (Jessy Mendiola). Patunay dito ang pagiging top 6 sa “Top 30 programs in 2011” ng Kantar Media, kung saan kalinya nito ang iba pang Kapamilya teleseryeng nagsimula nang mas maaga keysa sa Budoy, kabilang ang “Mara Clara,” “100 Days to Heaven,” Mutya,” at “Minsan Lang Kita Iibigin.”

Patuloy na tutukan ang mga pagbabagong tiyak na hinding-hindi inaasahang mangyayari sa “Budoy” pagkatapos ng “Ikaw ay Pag-ibig” sa Primetime Bida ng ABS-CBN. Para sa karagdagang impormasyon, mag-log on sa www.budoy.tv, sundan ang @budoy_tv sa Twitter, at i-“like” ang www.facebook.com/budoy.tv.

Joey Marquez, Nag-Walk Out Bilang Hurado sa 'My Girl' ng HYY

2012-01-25T05:59:00.000-08:00

Ilang linggo na lang at grand finals na ng patok na “My Girl” pageant sa “Happy Yipee Yehey” (HYY). Kaya naman lalo pang tumitindi ang labanan ng mga magagandang dilag sa nasabing kumpetisyon na magbibigay ngP1 million at iba pang papremyo para sa mananalo . Patunay lang na masusing ini-screen ang mga kalahok, sa kasagsagan ng pre-finals ng “My Girl” ay nag-debate ng bahagya ang mga huradong sina Jonas Gaffud, na kilalang tagapayo ng mga beauty queen, Joey Marquez at 2005 Miss International Lara Quigaman. Pabirong nag-walkout pa itong si Joey dahil sa pagtutol sa opinyon ni Jonas patungkol sa make-up ng mga dalaga. Ngunit sa huli, nanaig pa rin ang pagkakaibigan ng mga hurado at nagkasundu-sundo sila. Ani ng mga hosts na sina Randy Santiago, John Estrada at Rico J Puno, mahirap talagang maging hurado lalo na kung lahat ng kalahok ay magaling at maganda, kaya’t normal lang na magkaroon ang mga hurado ng iba’t ibang pananaw. Para sa mga updates, i-follow ang HYY sa Twitter, http://twitter.com/#!/hyyofficial.

Riovana Now Carries Nike

2012-01-25T05:39:00.000-08:00

All running enthusiasts will definitely experience a different high now that Nike is finally available at Riovana, the Sole of Running. With its arrival, Nike widens Riovana's assortment of brands it carries as it joins Adidas, New Balance, Mizuno, Saucony and Asics on shelf.

With top-of-the-line shoes, apparel and accessories to match, Nike's inclusion in Riovana's portfolio allows this one-of-a-kind retail store slash runner’s haven slash recovery center to provide more options in helping runners achieve their own nirvana.

Check out the latest Nike releases at Riovana.

Visit Riovana at the Ground Floor of Active Fun Building 9th avenue corner 28th street at the Bonifacio Global City, near Honda BGC and at the 3rd Floor of Regis Center Building, Loyola Heights, Quezon City in front of Ateneo De Manila University.

For more details, please visit www.riovana.com. Like us on facebook: RiovanaPhilippines and follow us on twitter for the latest updates.

Lee Joon Hyuk is a Good Cop on 'City Hunter'

2012-01-24T22:42:00.000-08:00

Lee Joon Hyuk, born March 13, 1984, is a Korean actor. He weighs 70kg and stands 171cm tall. His hobbies include watching movies and playing games. He attended Hanshin University (Department of Advertising and Public Relations). He also went to Dankook University, Graduate School of Culture, Art and Design.

Lee Joon Hyuk has already appeared in 8 Koreanovelas including "The First Wives Club," "Secret Garden," and "I Am Legend."

Currently, Lee Joon Hyuk (sometimes spelled Lee Jun-Hyuk) portrays the role of Kim Young Joo in the new Koreanovela "City Hunter." An intelligent prosecutor, the character Kim Young Joo possesses a strong sense of justice, even against the corrupt politicians of South Korea. He is constant rival of the City Hunter (Lee Min Ho), working towards the same goals, but wanting to do so within the context of the law rather than outside it.

Pinoy UFC Fighter na si Mark Muñoz Na-Injure, Laban Niya Kay Sonnen Di Na Tuloy

2012-01-24T22:31:00.000-08:00

Isang malaking pagbabago ang haharapin ng paparating na Ultimate Fighting Championship (UFC) event na “UFC on Fox 2.” Dahil na-injure ang half Pinoy fighter na si Mark Muñoz, hindi na matutuloy pa ang pakikipagtuos niya kay Chael Sonnen. Hindi naman mabibitin si Sonnen, lalo’t ang Ingles na si Michael Bisping na ang kanyang makakaharap.

Ito ang inanunsiyo ng UFC president na si Dana White kamakailan. Kung sakaling natuloy ang labanang Muñoz – Sonnen, ang magwawagi sana’y haharap kay Anderson Silva sa malaking UFC event na gaganapin sa Sao Paolo, Brazil, habang si Bisping naman sana ay makakalaban si Damian Maia sa ikatlong yugto ng UFC on Fox series. Sa ngayon, walang kalabang itinalaga para kay Maai at maging ang susunod na laban ni Muñoz kapag siya’y magaling na.

Samantala, tuloy na tuloy pa rin ang bakbakan sa pagitan ng dating UFC light heavyweight champion na si Rashad Evans at ni Phil Davis sa “UFC on Fox 2.” Buong-pagmamalaking inihahandog ng Balls (SkyCable Channel 34), ang tahanan ng UFC sa Pilipinas, ang live airing ng nasabing labanan sa Enero 29, 11:30a.m.

Ang kaliweteng si Evans, 16-1-1, ay kasalukuyang matagumpay dahil sa tatlong-sunod niyang panalo, kabilang na ang technical knockout na ipinamalas niya laban kay Tito Ortiz sa ikalawang round pa lang ng kanilang bakbakan noong Agosto. Hindi rin ito ang unang beses na itinalaga si Evans na maging kalaban ni Davis. Matatandan na nakatakdang magharap ang dalawa sa UFC 133, ngunit napinsala ang tuhod ni Davis, kaya naman si Ortiz ang pumalit sa kanya.

Sina Sonnen at Bisping naman, kilala sa kanilang matatalas na pananalita. Kaya naman hindi nahirapan ang UFC na kumbinsihin ang dalawa na magtunggali. “I am going to knock the teeth out of this snot nosed Brit who calls himself royalty, who calls himself a Count,” ani Sonnen.

Ang Balls Channel ay mapapanood sa SkyCable Platinum, SKyCable Gold, SkyCable Silver at higit sa 200 quality cable operators. Para sa iba pang impormasyon mag-logon sa facebook.com/BallsChannel.

'MYX Charts,' Pinaka-Tinatangkilik na Libreng Music App sa Android Market

2012-01-24T21:18:00.001-08:00

Wala pang isang buwan matapos itong ilunsad ng MYX, ang numero-unong music channel sa Pilipinas, ang MYX Charts application ay agad na naging numero uno rin sa may pinakamaraming downloads sa mga libreng Music App na tampok sa Android Market. Natalo pa nito maski ang Android Music Player.

Sa pamamagitan ng MYX Charts app, lahat ay maaring mabigyan ng access sa lahat nang resulta ng botohan sa MYXph.com at maging sa mga countdown ng MYX tulad ng “MYX Hit Chart,” para sa lingguhang top 20 music videos; “Pinoy MYX Countdown,” para sa 20 patok na OPM music videos; at “MYX International Top 20 (MIT 20),” na koleksyon naman ng 20 foreign hits ng linggo.

Ang MYX Charts app ay maaring ma-enjoy sa Android-operated touch screen devices tulad ng Acer, Dell, HTC, LG, Motorola, Nexus, Samsung at Sony Ericsson.

I-download na ang MYX Charts app sa Android Market ng libre. Para sa iba pang impomasyon, mag-logon sa www.myxph.com

'Ikaw ay Pag-ibig' Mag-iiwan ng Mabuting Aral sa mga Manonood Hanggang Katapusan

2012-01-24T20:46:00.000-08:00

Patuloy na tutukan ang huling linggo ng top-rating Primetime Bida teleseryeng “Ikaw ay Pag-ibig,” tampok ang huling pagsubok na pagdaraanan ng mga karakter na apat na ‘child wonders’ ng ABS-CBN na sina Zaijian Jaranilla, Xyriel Manabat, Mutya Orquia at Louise Abuel. Sa mga buhay na pinag-ugnay ng isang sanggol, ito rin kaya ang maging daan para muli silang mabuo? Tapos na nga ba ang misyon ng mga bata kay 'Baby Rafa?' Ano ang mananaig sa katapusan--katarungan o kapatawaran? Tuklasin ang tunay na kahulugan ng pagbibigayan, pagmamahalan, at pamilya sa pagtatapos ng kuwentong punong-puno ng pag-ibig, "Ikaw ay Pag-ibig," gabi-gabi sa Primetime Bida ng ABS-CBN. Para sa karagdagang updates, mag-log on sa www.abs-cbn.com, sundan ang @IkawayPagibig sa Twitter, o i-‘like’ ang http://www.facebook.com/IkawayPagibig.

Abner Mercado Ipaglalaban Muli ang mga Presong may Malubhang Sakit

2012-01-24T20:45:00.000-08:00

Ikakampanyang muli ng broadcast journalist na si Abner Mercado ang pagpapalaya sa mga presong may malubhang karamdaman sa “Krusada” sa Huwebes (Jan 26) matapos pumanaw ang ilan sa kanila nang hindi nakakalaya.

Noong 2008 at 2011, inilahad ni Abner ang kuwento ng mga presong may malalang sakit at ang kanilang kahilingang mapalaya upang makasama ang kani-kanilang mahal sa buhay sa nalalabi nilang panahon.

Ani Abner, malapit sa kanya ang kuwento ng mga babeng bilanggo. “Silang mga bilanggo sa likod ng rehas na nasadlak sa banig ng karamdaman pero tanging kamatayan lang pala ang sa kanila’y makapapalaya," aniya.

Nakilala ni Abner si Esmarie “Cheng” Salazar noong June 2011. Nakakulong si Cheng sa Correctional Institution for Women sa Mandaluyong noon at iniinda ang stage four breast cancer. Nanawagan syang makalaya, ngunit hindi na ito napagbigyan at doon na lamang sa kulungan namatay.

Ganito rin ang istorya ni Querubin Libo-on, isang preso sa New Bilibid Prison na may kanser naman sa lalamunan. Namatay ito sa Bilibid nang hindi man lang nakapiling ang pamilya dahil hindi rin ito pinalaya.

May nabigyan nga ba ng executive clemency sa ilalim ng Pangulong Benigno Aquino III? Magkakaroon pa nga ba ng pagkakataon ang mga presong may malalang karamdaman na makasama ang kanilang mga mahal sa buhay sa mga nalalabi nilang araw?

Dahil ang tunay na paninindigan ay hindi puro salita lamang, makiinig at makiisa sa pagpapatuloy ng laban ni Abner para sa mga sakiting preso ngayong Huwebes (Jan 26) sa “Krusada” pagkatapos ng “Bandila” sa ABS-CBN o sa mas maagang pag-ere nito sa DZMM TeleRadyo (SkyCable Channel 26), 9:15 PM

Maria, Makikilala na ang Nawalay na Anak sa 'Maria La Del Barrio'

2012-01-23T19:40:00.000-08:00

Malalantad na ang tunay na kinaroroonan ng nawawalang anak nina Maria (Erich Gonzales) at Luis (Enchong Dee) sa top-rating Primetime Bida teleseryeng "Maria la del Barrio." Matapos malaman ni Sabrina (Jewel Mische) ang katotohanan tungkol sa itinuturing niyang anak, magawa kaya niyang ibalik ang bata sa karibal niyang si Maria? O makikipagtulungan siya kay Victoria (Angel Aquino) upang itago ito at tuluyang wasakin ang pag-asa na mabuo ang pamilya ni Maria? Patuloy na abangan gabi-gabi sa "Maria la del Barrio" sa Primetime Bida ng ABS-CBN. Para sa karagdagang updates, mag-log on sa www.abs-cbn.com o sundan ang abscbndotcom sa Twitter.

Katy Perry Kisses Ivan Dorschner

2012-01-22T11:33:00.001-08:00

[Image courtesy of Splash News]

Chinese New Year, Bibida sa 'Patrol ng Pilipino'

2012-01-22T11:22:00.001-08:00

Hindi maikakaila ang pagkahumaling ng mga Pinoy sa mga pampaswerte at pantaboy ng malas, partikular na ang sistemang Feng shui ng mga Tsino na tinatangkilik ng mga Pilipino lalo na sa pagsisimula ng taon. Ngunit ano nga ba ang pinagmulan ng mga tradisyong ito?

Ngayong Martes (Jan 24) sa “Patrol ng Pilipino,” samahan si Gretchen Malalad sa pagbati ng ‘Kiong Hee Huat Tsai’ sa ating mga kababayang Tsino na magdiriwang ng Chinese New Year bukas (Jan 23). Alamin ang kahulugan para sa kanila ng pagdiriwang nito, pati na ang mga tradisyunal na paraan mula sa preparasyon ng pagkain at salu-salo ng pamilya, mga paputok, ang dragon dance, at pagibisita sa templo.

Babalikan ni Gretchen ang kasaysayan at tutuklasin kung paano unti-unti nitong naimpluwensyahan ang kulturang Pilipino mula sa pagdating ng mga Tsinong mangangalakal sa bansa noong 982 AD hanggang sa pagtulak sa kanila ng mga Espanyol na mananakop sa Binondo.

Sa kabila naman ng pagdiriwang na ito, kasalukuyang umuusad sa Senado ang impeachment trial laban kay Chief Justice Renato Corona. Samahan si Ryan Chua sa kanyang pag-uulat sa mga pangyayari sa loob at labas ng Senado habang nagaganap ang makasaysayang paglilitis at tunghayan kung paano nga ba naghahanda ang mga kasama niyang mamamahayag sa pagbabalita nito.

Alamin ang kwento sa likod ng mga balita ngayong Martes (Jan 24) sa “Patrol ng Pilipino” pagkatapos ng “Bandila” sa ABS-CBN o sa mas maagang pag-ere nito sa DZMM TeleRadyo (SKyCable Channel 26), 9:15 PM.

The Making of 'My Cactus Heart'

2012-01-21T22:36:00.000-08:00

'City Hunter,' Aarangkada na sa Primetime Bida

2012-01-21T02:20:00.000-08:00

Sasalubungin ng ABS-CBN ang year of the dragon sa isang maaksyong pasabog na dala ng much awaited and biggest Korean drama, ang “City Hunter,” simula ngayong Lunes (Jan 23) sa Primetime Bida.

Pagbibidahan ito ng Asian superstar na si Lee Min Ho na nagbabalik Philippine TV matapos ang kanyang matagumpay na seryeng “Boys Over Flowers” at “Perfect Match” sa ABS-CBN.

Katambal niya rito si Park Min Young na napapabalitang real-life girlfriend ng Korean heartthrob. Na-develop diumano ang dalawa habang ginagawa ang naturang soap.

Gagampanan ni Min Ho ang papel ng guwapo at matalinong si Johnny Lee (Min Ho) na nagtatrabaho sa Presidential residence na kung tawagin ay Blue House. Sa likod ng kanyang nakahuhumaling na itsura at personalidad ay nakakubli ang isang anak na nais ipaghiganti ang ama laban sa limang politiko na dahilan ng pagkamatay nito.

Bagamat isang mahusay na assasin ay hindi magiging madali ang lahat kay Johnny dahil kinakailangan niyang sundin ang tatlong batas sa kanyang misyon— bawal magtiwala kahit kanino, kailangan niyang itago ang tunay niyang pagkatao, at bawal magmahal. Hahamunin ang lahat ng ito ng nakilala niya kay Kim Na Na (Min Young), isang body guard sa Blue House. Sa pagkahulog ng kanyang loob sa dalaga, ano ang pipiliin ni Johnny, pag-ibig o tungkulin?

Huwag palalampasin ang pagsisimula ng “City Hunter” ngayong Lunes (Jan 23), pagkatapos ng “Pinoy Big Brother Unlinight,” sa nangungunang Primetime Bida ng ABS-CBN.

Banggaang Lakers, Pacers Mapapanood Live sa Studio 23

2012-01-21T00:47:00.002-08:00

Masasaksihan nang live sa Studio 23 ang salpukan ng Los Angeles Lakers at Indiana Pacers sa Lunes (Jan 23), 10:30 a.m.

Kabilang sa mga koponang nagpapakita ng maningning na performance ang Lakers at Pacers ngayong season, bagay na pinatutunayan ng dami ng panalo ng dalawang koponan.

Matapos indahin ng Lakers ang pagkakaroon ng injury ng superstar nilang si Kobe Bryant sa mga naunang laro, nanumbalik ang lakas ng koponan nitong mga nakaraang laban at nakapagtala pa nga ng 40-plus puntos sa apat na magkakasunod na laro si Bryant.

Nagpapakita naman ng galing ang Pacers ngayong season matapos ang ilang taon ding pananahimik. Sa pagpasok ng shooting guard na si George Hill at ng power forward na si David West sa kopononang pinangungunahan ng forward na si Danny Granger, sinasabing ang Pacers ang isa sa mga may pinakamalakas ng lineup sa Eastern Conference ngayon.

Panoorin nang live ang sagupaan ng Los Angeles Lakers at Indiana Pacers ngayong Lunes (Jan 23), 10:30 a.m. sa Studio 23. Mapapanood naman ang primetime telecast ng laro sa parehong araw, 9:30 p.m.

Angelito at Rosalie, Nagtagpo Na

2012-01-21T00:47:00.000-08:00

Matapos ang matagal na paghihintay at paghahanapan, nagkita na nga sa wakas ang dating magkasintahang sina Angelito (JM De Guzman) at Rosalie (Charee Pineda) sa mas gumaganda at tinututukang serye sa hapon, ang “Angelito: Batang Ama.” Sa tulong ng private investigator na kinuha ni Andrew (Tom Rodriguez), natunton na ni Rosalie ang kanyang mag-ama. Isang madamdaming pagkikita nga ang pagsasaluhan ng pamilya sa mismong eskwelahan ni Jun-Jun (Joshen Bernardo). Sa kanilang muling pagkikita, muli ring malilito ang mga nag-aalab na puso nila. Bagamat may nararamdaman pa rin sa isa’t isa, may mga taong naghihintay at umaasa na sa pagmamahal nila— si Andrew kay Rosalie at si Jenny (Kaye Abad) kay Angelito. Tuluyan na kayang mabuo muli ang pamilya nina Angelito, Rosalie, at Jun-jun? Walang bibitiw sa pinag-uusapang serye tuwing hapon, ang “Angelito: Batang Ama,” 3:30 PM pagkatapos ng “Heartstrings” sa Kapamilya Gold ng ABS-CBN. Sundan ang Twitter sa @Batang_Ama, Facebook (www.facebook.com/AngelitoBatangAma), at YouTube (www.youtube.com/AngelitoBatangAma). I-tweet na ang inyong mga opinion, saloobin, at suhestiyon gamit ang hashtag na #AngelitoBatangAma.

'ASAP 2012' Ipagdiriwang ang Chinese New Year Ngayong Linggo

2012-01-20T08:10:00.000-08:00

Dalawang engrandeng selebrasyon ng Chinese New Year ang handog ngayong Linggo (Enero 22) ng “ASAP 2012.” May libreng party na magaganap sa Quirino Grandstand sa ganap na 12:15 ng tanghali na mapapanood sa ABS-CBN at isang New Year countdown na magsisimula sa ganap na alas-8 ng gabi.

Sabayan bumati ng 'Kung Hei Fat Choi' ang mga naglalakihang bituin ng "ASAP 2012" na pangungunahan nina Gary Valenciano, ZsaZsa Padilla, Piolo Pascual, Luis Manzano, Kim Chiu, Jericho Rosales, KC Concepcion, Cristine Reyes, Sam Milby, at Sarah Geronimo.

Tampok rin ngayong Linggo ang grand farewell ng malapit nang magtapos na Primetime Bida teleseryeng “Ikaw ay Pag-ibig” kasama ang Kapamilya child wonders na sina Zaijan Jaranilla, Xyriel Manabat, Mutya Orquia, at Louise Abuel; samantala, bibisita rin ang cast ng pinakabagong Kapamilya teleserye na “E-Boy” na pangungunahan ng bida nitong si Budoy Cariño, kasama ang mga premyadong bituin na sina Ariel Rivera, Agot Isidro, Jomari Yllana, at Valerie Concepcion.

Ipagdiwang ang Year of the Water Dragon kasama ang mga bituin ng dalawang bagong Kapamilya Gold teleserye: sina Maja Salvador, Patrick Garcia at Jason Abalos mula sa “Lumayo Ka Man Sa Akin;” at Empress, Ejay Falcon, at Nikki Gil ng “Mundo Man Ay Magunaw.” Kasama rin ang mga bida ng pinakabagong Star Cinema movie na “My Cactus Heart” na sina Maja, Matteo Guidecelli, at Xian Lim.

Abangan ang world-class concert performances nina Arnel Pineda; cast ng ‘Mamma Mia!’ at espesyal na concert performances nina Christian Bautista, Jed Madela, Erik Santos, Karylle, Yeng Constantino, Zia Quizon, Vincent Bueno, Boys R Boys, ASAP Pinoy Champs, at ASAP Sessionistas. Huwag ring palampasin maki-hataw kasama ang ASAP Supahdancers na sina Iya Villania, Gab Valenciano, Rayver Cruz, John Prats, Enchong Dee, at Enrique Gil. Dadalo rin sa Chinese New Year celebration ang "Growing Up" stars na sina Julia Montes, Kathryn Bernardo, at Diego Loyzaga.

Ang lahat ay inaanyayahang makkisaya sa libreng pagdiriwang at countdown sa bagong taon ngayong Linggo (Enero 22) sa Quirino Grandstand.

Makipagdiwang sa 2011 PMPC Star Awards Best Musical Variety Show and Golden Screen Awards 2011’s Outstanding Musical Program “ASAP 2012” ngayong Linggo, 12:15nn, sa ABS-CBN. Para sa updates, pictures at tsansang maka-hang out nang live ang stars ng ASAP Chill-Out, bumisita lamang sa http://asap.abs-cbn.com/sundan ang @ASAPOFFICIAL sa Twitter, o i-‘like’ ang http://facebook.com/asapofficial.

Nabigong Kiddie Cooks, Magbabalik sa Wild Card Round

2012-01-20T08:02:00.000-08:00

Muling sasabak sa kumpetisyon sa mga darating na linggo ang natanggal na kiddie cooks ng “Junior MasterChef Pinoy Edition” upang ipagpatuloy ang naudlot na pangarap na maging kauna-unahang Pinoy Junior MasterChef.

Simula bukas (Jan 21), muling masisilayan sina Athena, Bea, Bianca, Emman, Gino, Iain, Judel, Louise, Nadine, at Tricia sa kusina ng programa upang subukang masungkit ang kaisa-isang puwesto para muling lumaban sa bakbakan sa kusina.
Para sa una nilang wildcard round, kailangang mag-imbento ng ex-kiddie cooks ng putaheng gawa sa kiat-kiat, talong, dalagang bukid, dahon ng sili, kamote, lomi noodles, at blue chocolate.

Sa pagkakataong ito, magsisilbi ring hurado ang top 7 kiddie cooks na sina Acee, Caitlin, Jobim, Kyle, Mika, Miko, at Philip kasama sina Chef Ferns, Chef Lau, Chef Jayps, at host na si Judy Ann Santos-Agoncillo.

Samantala, nananatili pa ring patok sa parehong mga bata at matatanda ang “Junior MasterChef Pinoy Edition” dahil ayon sa data ng Kantar Media noong Enero 14, nanakuha ito ng 23.1% na average TV rating at tinaob ang katapat na “Manny Many Prizes” ng GMA-7, na nagkamit lamang ng 10.1%.

Huwag palampasin ang “Junior MasterChef Pinoy Edition” ngayong Sabado (Jan 21) pagkatapos ng “Wansapanataym” at ngayong Linggo (Jan 22) pagkatapos ng “Goin’ Bulilit” sa ABS-CBN. Maging updated sa programa, i-like ang http://www.facebook.com/jrmasterchef sa Facebook, sundan ang @jrmasterchef_ph sa Twitter, o bisitahin ang www.masterchefph.tv. I-tweet din ang inyong mga opinyon, saloobin, at suhestiyon gamit ang hashtag na #JuniorMasterChefPinoyEdition.

Tribute Show ng METRO Society Para Kay Pitoy Moreno, Ipapalabas sa Lifestyle Network

2012-01-20T07:59:00.000-08:00

Sa Metro tribute show na ginanap kamakailan, pinatunayan ni Pitoy Moreno na siya pa rin ang nanatiling pinuno ng Pinoy fashion, lalo’t ipinakita niya ang higit sa 100 magagarbong kasuotan sa kanyang koleksyon. Kaya buong pagmamalaking inihahandog ng Lifestyle Network (SkyCable Channel 52), ang pinagpipitagang lifestyle channel sa bansa, ang tribute show para kay Pitoy na pinamagatang “Jose Pitoy Moreno: A Tribute Gala” sa Enero 23, 12p.m., Enero 25, 11p.m. at Enero 28, 10a.m. Tampok sa nasabing pagdiriwang ang pagtatanghal nina Rico Blanco, Rem Zamora, at Gary Valenciano, kasama ang Manila Symphony Orchestra na tumugtog ng mga Pnoy at etnikong musika. Si KC Concepcion ang host ng pagtatanghal habang rumampa naman sina Marina Benipayo, Phoemela Baranda, 2010 Ms. Universe 4th runner-up Venus Raj, 2011 Ms. Universe 3rd runner-up Shamcey Supsup, Sam Milby, Piolo Pascual, Megan Young, Lauren Young, Denise Laurel at Karylle. Para sa mga updates, mag-logon to http://www.facebook.com/LifestyleNetwork

Keanna Reeves vs Ethel Booba sa Feeling Genius ng HYY

2012-01-19T23:54:00.000-08:00

Wala nang makakapigil pa sa sayang handog ng “Happy Yipee Yehey” (HYY) lalo’t ngayong Sabado, magpapatuloy ang puno ng pagmamahal mula sa show na birthday celebration ni Toni Gonzaga. Muli ring aarangkada ang tagisan ng galing sa “Feeling Genius.”

Noong Biyernes (Enero 20 sa HYY), isang cake ang handog para kay Toni ng kanyang mga co-host sa programa. Ngunit, hindi niya pa hinipan ang kandilang nakatusok sa cake dahil sabi ng kanyang mga kasama ay umpisa pa lang ng kanyang makulay at masayang birthday celebration.

Sa isang panayam kamakailan, sinabi ni Toni na wala na siyang mahihiling pa sa kanyang kaarawan. Aniya, humiling na kasi siya noong bagong taon pa lang kaya hindi na niya kailangan mag-birthday wish. At kung meron pa man iyon ang dunong at katatagan ng loob.

"Kasi, napakasalimuot ng industriyang ito. So, you need wisdom para alam mo kung ano ang gagawin mo at kung saan ka pupunta in the future,” ani Toni.

Samantala, noong nakaraang Sabado naman, nanaig ang galing ni Keanna Reeves laban kay Angelica sa “Feeling Genius.” Ngayong Sabado, muling sasabak si Keanna sa matinding battle of the brains kung saan makakaharap naman niya ang kasing-sexy na si Ethel Booba. Sino kaya sa kanilang dalawa ang tatanghaling Feeling Genius?

Walang patid ang kasiyahan na handog ng pinaka-masayang kabarkada sa tanghali. Huwag palampasin ang “Happy Yipee Yehey!” mula Lunes hanggang Sabado, pagkatapos ng “Showtime” sa ABS-CBN.

Pinoy Pride Team Philippines, May Work Out sa SM Cebu

2012-01-19T21:28:00.001-08:00

Magsasagawa muli ng isang public work out ang Team Philippines ng “Pinoy Pride XI: Philippines vs. The World” sa SM City Cebu sa Biyernes (Jan 20), 5 p.m.

Pangungunahan ng team captain na si Milan “El Metodico” Melindo ang pag-eensayo, at dadaluhan naman ng mga ALA fighter na sina Lorenzo Villanueva, Joseph Von Minoza, OPBF champion Merlito “Tiger” Sabillo at ang itinuturing na isa mga mga magagaling na fighter ngayon na si Mhar Jhun Makahilig.

Ang Pinoy Pride XI: Philippines vs. The World ay ang unang boxing mega-event na ihahatid ng ALA Promotions at ABS-CBN Sports ngayong taon. Makikipagsalpukan sa mga Pinoy fighter ang mga boksingero mula sa limang magkakaibang lahi, kabilang na ang Mexico, Japan, Thailand, Indonesia at Korea.

Isa sa mga pinakaaabangang tunggalian ay ang main event kung saan makakalaban ng WBO Intercontinental Flyweight Champion na si Milan “El Metodico” Melindo ang world title challenger na si Juan Esquer ng Mexico. Sa kasalukuyan, isa si Melindo sa mga napipisil ng Top Rank Promotions ni Bob Arum at maaaring ang pagkakapanalo nito kay Esquer ang magbibigay-daan para makalaban ito sa isang world title bout.

Pasisilipin ng Team Philippines ang mga manonood sa SM City sa mga isinasagawa nilang paghahanda nila para sa paparating na laban. Magbibigay din ang ALA Promotions ng mga libreng tiket sa pamamagitan ng mga laro at trivia.

Mabibili ang mga ticket sa Pinoy Pride head office ng ALA Promotions, ALA Gym sa BTC, Bsaya Ispisyal Boutiqus sa SM City Cebu at Ayala Center Cebu, USA Sports Ayala, Mooon Café sa IT Park Lahug, SM City Cebu food court, Pacific Mall Mandaue, Gaisano Tabunok, Gaisano Metro Colon at ILA PUTI sa IT Park Lahug.

Ang Pinoy Pride XI ay sinusuportahan ng SM City Cebu, Pacific Mall Mandaue, Waterfront Cebu City Hotel and Casino, KIA Motors Cebu, Mooon Café, Harold’s Hotel, PAGCOR, Gaisano Tabunok, Gaisano Metro Colon at EGI Resort.

Bago magpunta sa SM City Cebu, magbibigay muna ng isang courtesy call kay Cebu City Mayor Mike Rama sa kanyang opisina sa ganap na 3:00 p.m.

Julia, Kontrabida na sa Buhay ni Kathryn sa 'Growing Up?'

2012-01-19T21:27:00.000-08:00

Lalo nang lumalim ang hidwaan ng mga karakter nina Kathryn Bernardo at Julia Montes sa “Growing Up” matapos kapwa silang magbitaw ng mga paratang laban sa isa’t-isa. Ngayong darating na Linggo (Enero 22), panahon na nga kaya para magkalimutan ang dating mag-best friends na sina Tammy (Julia) at Ella (Kathryn) lalo na at ikakasal na ang kanilang mga magulang?

Alamin ang mga desisyong babago sa buhay ng "Growing Up" barkada ngayong Linggo ng hapon, pagkatapos ng “ASAP Rocks” sa ABS-CBN.

Para sa karagdagang updates, mag-log on sa www.growingup.tv o sundan ang abscbndotcom sa Twitter.

'Dadalhin' (The Daniel-Katerina Love Theme) by Bryan Termulo

2012-01-19T21:24:00.000-08:00

Celebrity Running Coach Rio dela Cruz, Tampok Ngayong Sabado sa 'The Bottomline with Boy Abunda'

2012-01-19T21:12:00.001-08:00

Pag-asa at inspirasyon ang ibabahagi ngayong Sabado (Enero 21) ng “The Bottomline with Boy Abunda” tampok ang champion runner, coach at marathon organizer na si Rio dela Cruz.

Alamin ang simpleng pinagmulan ng celebrity running coach at kung paano niya binago ang takbo ng buhay niya at ng kanyang pamilya ng likas niyang husay sa pagtakbo. Anong mga pagsubok ang nilagpasan niya upang marating ang tagumpay na tinatamasa niya sa ngayon? Anong mga hindi niya malilimutang karanasan kasama ang mga 'estudyante' niyang sikat gaya nina Fernando Zobel de Ayala, Marcia Gokongwei, Piolo Pascual, at Karen Davila? May mga pagkakataon bang nai-insecure siya kahit ngayong sikat na siya?

Kasama ang ‘Asia’s King of Talk’ na si Boy Abunda, tuklasin ang rags-to-riches story at sikreto sa tagumpay ng career at business ni Coach Rio ngayong Sabado ng gabi, 11:30pm, sa Asian TV Awards’ Best Talk Show for 2011 na “The Bottomline with Boy Abunda,” pagkatapos ng “Banana Split” sa ABS-CBN. Para sa karagdagang updates, mag-log on lamang sa www.abs-cbn.como sundan and abscbndotcom sa Twitter.

Ted, Bubusisiin ang Disaster Plan ng Bansa

2012-01-19T06:27:00.001-08:00

Sa panahon ng kalamidad, ano pa ang maaaring gawin ng isang taong hindi naman naabisuhan para makaligtas?

Ngayong Sabado sa “Failon Ngayon,” babalikan ni Ted ang mga sakunang tumama sa bansa at aalamin kung may nagawa sana ang gobyerno upang maiwasan ang mga pinsalang idinulot ng mga ito.

Ayon sa Mines and Geosciences Bureau (MGB) ng Department of Environment and Natural Resources, ang Pilipinas ang isa sa mga bansang pinakamadalas hagupitin ng mga kalamidad. Dahil dito, gumawa ang MGB ng isang geo-hazard map upang maabisuhan ang publiko ukol sa mga lugar na masyadong mapanganib tirhan.

Gayunpaman, marami pa rin ang namatay at milyon-milyong halaga ng ari-arian ang nawasak sa mga nagdaang taon. Marami sa mga pagkamatay at pagkasirang ito ang nangyari nito lamang 2011 nang humagupit ang mga bagyong Bebeng, Falcon, Pedring, Quiel at Sendong. Ayon sa ilan, naiwasan sana ang mga pangyayaring ito kung may matinong disaster plan ang gobyerno.

Sa pag-iimbestiga ni Ted, nalaman nito mula sa MGB na nanganganib na magkaroon ng landslide sa Sito Wawa sa San Rafael, Montalban, Rizal. Ngunit ayon sa residenteng si Nanay Neneng, sa 25 taong paninirahan niya rito, ni minsan ay hindi siya nasabihan ukol sa posibilidad na ito.

Sa taun-taong pagsalanta ng kalamidad, sapat nga ba ang ginagawa ng gobyerno para makaiwas ang mamamayan sa anumang panganib? Sa oras ng kalamidad, ano nga ba ang dapat nating gawin para sa ating kaligtasan?

Alamin ang mga kasagutan sa paghahalungkat ni Ted sa mga mahahalagang impormasyon ukol sa mga kalamidad sa “Failon Ngayon,” Sabado (Jan 21), 4:30 p.m. sa ABS-CBN.

'E-Boy,' Malapit Nang Makilala sa Primetime Bida ng ABS-CBN

2012-01-19T06:04:00.000-08:00

Malapit nang magbukas ang pinakabagong Primetime Bida teleserye ng ABS-CBN, ang "E-Boy,” na pagbibidahan ng MMFF 2011 Best Child Performer na si Bugoy Cariño.

Tuklasin sa “E-Boy” ang nakaaantig na kuwento ng isang batang robot na binigyan ng mga katangian ng isang tao na nang lumaon ay nagtulak sa kanyang hangaring maging isang tunay na bata. Ngunit sa kanyang paglalakbay at sa pamamagitan ng kanyang mga karanasan, malalaman niyang ang pagiging tao ay hindi lamang nasusukat sa pagkakaroon ng laman at dugo, kundi ito ay ‘buhay’ na binibigyang kahulugan ng pamilya, pagkakaibigan at tunay na pagmamahal.

Makakasama ni Bugoy sa “E-Boy” ang mga premyadong bituin na sina Ariel Rivera, Jomari Yllana, Agot Isidro, Valerie Concepcion, Jaime Fabregas, Chinggoy Alonzo, at Pen Medina. Tampok rin sa bagong teleserye sina Blythe Gorostiza, Arjo Atazde, Carme Sanchez, Akiko Solon, Bryan Santos, at ang mga child stars na sila Maliksi Morales at Deydey Amansec.

Mula sa mga naghatid ng mga hit teleseryeng "Lobo" at "Imortal," ang "E-Boy" ay sa ilalim ng direksyon nina FM Reyes at Nick Olanka.

Tuklasin sa “E-Boy” ang kuwentong magpapatunay na kahit hindi tao puwedeng magmahal nang totoo, sa Enero 30 (Lunes), pagkatapos ng “TV Patrol” sa Primetime Bida ng ABS-CBN. Para sa karagdagang updates, mag-log on lamang sa www.abs-cbn.com o sundan ang @abscbndotcom sa Twitter

Piolo, Gaganap na Hired Killer sa 'Maalaala Mo Kaya' Ngayong Sabado

2012-01-19T00:40:00.001-08:00

Puno ng aksyon ang special birthday episode ni Piolo Pascual sa “Maalaala Mo Kaya” ngayong Sabado (Enero 21) kung saan gagampanan niya ang karakter ni Randy, isang mabuting anak at kapatid na napilitang maging isang hired killer, matustusan lamang ang pangangailangan ng kaniyang pamilya, lalo na ng kanyang kapatid na may sakit. Kasama ni Piolo sa nasabing MMK episode sina Shaina Magdayao, Lester Llansang, Daria Ramirez, Julio Diaz, Lloyd Zaragoza, Jommy Teotico, Josh Ivan Morales, at Llowell Conales. Ito ay sa ilalim ng pagsasaliksik ni Akeem Jordan del Rosario, panulat ni Arden Condez, at direksyon ni Nuel Naval. Huwag palampasin ang natatanging pagganap ni Piolo ngayong Sabado ng gabi sa longest-running drama anthology ng Asya, ang “Maalaala Mo Kaya” (MMK), pagkatapos ng “Junior Master Chef Pinoy Edition.” Para sa iba pang updates, mag log on sawww.mmk.abs-cbn.com, sundan ang @MMKOfficial sa Twitter, at i-“like” ang www.faceboook.com/MMKOfficial.

DZMM, Nangunguna sa Pag-uulat ng Corona Impeachment Trial

2012-01-19T00:32:00.000-08:00

Tuluy-tuloy at walang patid na coverage ang hatid ng DZMM Radyo Patrol 630 at DZMM TeleRadyo sa umuusad na impeachment trial kay Chief Justice Renato Corona sa “Chief Justice Renato Corona: Ang Paglilitis, The DZMM Special Coverage.”

Simula noong Lunes (Jan 16), nakatutok ang buong puwersa ng DZMM sa mga mahahalagang pangyayari ng kaso, na mapapakinggan din sa live audio streaming nito sa dzmm.com.ph.

Mula sa DZMM Studio, ihahatid ng mga batikang anchor gaya nila Julius Babao, Karen Davila, Vic De Leon-Lima, Gerry Baja, at Anthony Taberna ang mga pinakamainit na balita habang nagaganap ang impeachment trial, samantalang iuulat naman nina Radyo Patrol Ruby Tayag, Jon Ibanez at Alex Calda mula mismo sa Senado ang mga pinakamahahalagang pangyayari sa makasaysayang paglilitis, mula Lunes hanggang Huwebes.

Tutukan ang “Chief Justice Renato Corona: Ang Paglilitis, The DZMM Special Coverage” sa DZMM Radyo Patrol 630, sa DZMM TeleRadyo (SkyCable channel 26) at sa libreng audio streaming at regular na updates sa www.dzmm.com.ph sa @DZMMTeleRadyo sa Twitter.

'Mundo Man ay Magunaw,' Magsisimula na sa January 30

2012-01-18T22:45:00.000-08:00

Malapit nang mapanood ang pinakabagong de-kalibreng teleserye na kukumpleto sa Kapamilya Gold ABS-CBN.

Maituturing na isang ‘casting coup’ ang nasabing teleserye dahil sa bago at kapanapanabik na bagong kombinasyon ng mga artista. Ang “Mundo Man ay Magunaw” ay pagsasamahan ng ilan sa mga pinakamahuhusay na batang aktor at premyadong artista ng bansa kabilang sina Empress, Nikki Gil, Ejay Falcon, Sylvia Sanchez, Allan Paule, Pinky Amador, Jason Gainza, Dianne Medina, Alex Castro, Tessie Tomas, at Eula Valdes.

Ayon kay Eula, marami ang makak-relate sa kuwento ng kanilang bagong show, lalo na ang mga ina. Aniya, “Ang karakter ko dito ay isang mapagmahal na ina na handang gawin ang lahat para makasama ang mga anak niya.”

Masaya naman si Empress sa panibagong pagkakataong bumida sa panghapong teleserye ng ABS-CBN. Aniya, tiyak na tututukan ng TV viewers ang mga karakter ng kanilang kuwento. "Excited akong mapanood nila ito kasi ngayon lang ako gagawa ng mas mature na role. Mabuting anak ako dito pero palaban. Kakaiba rin dito si dito si Ms. Eula dahil parang ngayon lang siya hindi kontrabida,” ani ni Empress.

Bago naman sa acting career ni Nikki ang kanyang gagampanan bilang bida-kontrabida sa karakter niyang puno ng ambisyon at naghahanap ng pagtanggap. "Ako po dito si Jennifer La Peña. Isa po akong matapang na babae na gustong mapatunayan sa lola ko na ako ang karapat-dapat na tagapagmana niya,” sabi ni Nikki.

Sundan sa "Mundo Man ay Magunaw" ang kuwento ni Olivia (Valdes) at ng kanyang mga anak na sina Sheryl (Empress) at Jennifer (Nikki) at kung paano sila pinag-ugnay ng tadhana matapos ang 20 taon na pagkakawalay. Magawa kaya ng isang ina na buuin ang pamilya niyang winasak ng kasinungalingan o tuluyan na siyang susuko sa sunod-sunod na dagok ng buhay na kahaharapin niya?

Sa direksyon nina Jeffrey Jeturian at Rechie Del Carmen, Magsisimula na ang pag-ikot ng mundo nina Olivia, Sheryl at Jennifer sa Enero 30 (Lunes) ang pagbubukas ng teleseryeng para sa lahat ng ina at para sa kanilang mga anak, “Mundo Man ay Magunaw,” araw-araw sa Kapamilya Gold ng ABS-CBN. Para sa karagdagang impormasyon, mag-log on sa www.abs-cbn.com, sundan ang @abscbndotcom sa Twitter, o i-‘like’ ang facebook fanpage ng show na http://www.facebook.com/mundomanaymagunaw.

'Sailor Moon' at 'Naruto' Magsasanib Puwersa sa Bagong Team Animazing

2012-01-18T21:31:00.000-08:00

Bibida na ang pinakamalupit mong mga kasangga tuwing umaga sa bagong Team Animazing ng ABS-CBN.

Salubungin ang pagdating ng pinakamagandang tagapagtanggol ng pag-ibig at katarungan na si “Sailor Moon” simula Lunes (Jan 23) sa ganap na alas-otso ng umaga. Isa nga si Sailor Moon sa mga karakter na minahal ng sambayanan at isa sa pinakamalaki at pinakasikat na cartoons na ipinalabas noong 90s.

Isang simpleng estudyante lamang si Usagi Tsukino nang makilala niya ang nagsasalitang pusang si Luna at nalaman niya ang kanyang katauhan bilang Sailor Moon, ang tagapagligtas ng sangkatauhan. Sa tulong ng mga kaibigang sina Sailor Mercury, Sailor Venus, Sailor Mars, at Sailor Jupiter, kinakailangan niyang mahanap ang prinsesa ng buwan at labanan ang kasamaang dala ng Dark Kingdom.

Samantala, muling nagbabalik ang paboritong ninja ng bayan na si Naruto sa panibago na namang adventures sa inaabangang “Naruto Shippuden 4” na matutunghayan pagkatapos ng laban ni “Sailor Moon” sa ganap naman na 8:30 AM.

Desidido na nga si Pein na mas maging malakas kaya naman tutugisin niya si Naruto para makuha ang nine-tailed fox na nasa loob ng katawan nito. Lingid naman sa kaalaman ni Naruto na may nagbabadya na palang panganib dahil abala siya sa pagsasanay ng kanyang bagong technique sa pakikipaglaban. Paano haharapin ni Naruto ang panibagong hamon?

Gumising sa maaksyong umaga at panoorin ang back-to-back adventures hatid ng “Sailor Moon” at “Naruto Shippuden 4, “ Lunes hanggang Biyernes simula Jan 23, alas otso ng umaga sa bagong Team Animazing ng ABS-CBN.

E-boy Trailer

2012-01-18T02:18:00.000-08:00

Sam Milby Sings 'Kaba' on Kris TV

2012-01-18T02:15:00.001-08:00

'Walang Hanggan,' Nanguna sa TV Ratings

2012-01-18T02:10:00.000-08:00

Pinakatinutukan ng buong sambayanan ang pagbubukas ng kuwento ng pinakabagong Primetime Bida teleserye ng ABS-CBN na “Walang Hanggan” na nanguna sa national TV ratings noong Lunes (Enero 16) taglay ang 32.1%, ayon sa Kantar Media.

Wagi sa ratings ang teleseryeng pinagbibidahan nina Susan Roces, Helen Gamboa, Richard Gomez, Dawn Zulueta, Julia Montes at Coco Martin kumpara sa 16.8% national TV rating ng kasabayan nitong bagong programa ng GMA na “Legacy.”

Bukod sa TV ratings, patok rin ang “Walang Hanggan” sa microblogging site na Twitter. Naging top trending topic sa Twitter ang programa, samantalanag pinag-usapan ‘worldwide’ sina Dawn at Susan.

Sa pagpapatuloy ng kuwento, tuklasin ang kahahantungan ng pag-iibigang mula sa tatlong magkakaibang henerasyon: ang ‘love triangle’ nina Virginia (Susan), Margaret (Helen), at John (Eddie Gutierrez); nawasak na relasyon nina Marco (Richard) at Emily (Dawn); at ang umuusbong na pag-iibigan nina Daniel (Coco) at Katerina (Julia).

Bubuo sa ‘powerhouse cast’ ang mga mahuhusay na artistang sina Rita Avila, Melissa Ricks, Joem Bascon, at Paulo Avelino; kasama pa si Joel Torre sa isang natatanging pagganap. Ito ay sa ilalim ng direksyon nina Jerry Lopez Sineneng at Trina Dayrit.

Patuloy na tutukan ang “Walang Hanggan,” gabi-gabi, pagkatapos ng “Budoy,” sa ABS-CBN Primetime Bida. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.

Papatok na Porma sa 2012, Isisiwalat sa 'Us Girls'

2012-01-18T01:43:00.000-08:00

Alamin ang uso ngayong 2012 kasama sina Iya Villania, Angel Aquino, at Denise Laurel bukas (Jan 19) sa “Us Girls” sa paghahain nila ng mga papatok na fashion trends ngayong taon.

Itatampok ng 2011 PMPC Star Awards Best Lifestyle Program ang mga uusong hairstyle at make-up, pati na rin ang mga pinakaepektibong paraan ng pag-eehersisyo. Para naman tulungan ka sa tuluy-tuloy na pagpapaganda ng itsura at katawan, dadalhin ka rin sa iba’t ibang gym at beauty salon na nag-aalok ng unlimited na training at hair and make-up services na tiyak na pasok sa budget mo.

Swerte naman ang hatid ni Iya sa kanyang pagsugod sa Binondo upang maghanap ng mga pantaboy ng malas sa Taon ng Water Dragon.

Huwag palampasin ang natatanging lifestyle magazine show authority, “Us Girls,” bukas (Jan 19) 9:30 PM sa Studio 23 o panoorin ito anumang oras sa www.studio23.tv.

Zanjoe, Balik 'Banana Split'

2012-01-18T01:41:00.000-08:00

Muling makikita linggu-linggo ang hunk-actor na si Zanjoe Marudo sa weekend comedy show ng Dos na “Banana Split.” Naganap nga ang kanyang comeback noong Sabado (Jan 14) nang binuksan niya ang programa kasama sina Angelica Panganiban at Jayson Gainza sa patok na ‘Hot Issue’ segment. Lumahok din si Zanjoe sa mga skits sa naturang episode. Makipagkulitan kay Zanjoe tuwing Sabado sa “Banana Split Extra Scoop,” pagkatapos ng “Pinoy Big Brother Unlimited” sa ABS-CBN.

Krusada ni Karen: Trabaho Para sa Mga Mgay Kapansanan

2012-01-17T21:42:00.000-08:00

Ipaglalaban ni Karen Davila ang ating mga kababayang may kapansanan o ‘persons with disabilities’ (PWDs) bukas (Jan 19) sa “Krusada” sa pamamagitan ng pagsulong sa bansa ng Ability Olympics na magbibigay sa kanila ng lakas ng loob at pagkakataong makapaghanap ng disenteng trabaho.

Ang Abi-Lympics ay isang paligsahang nilalahukan ng PWDs mula sa iba’t ibang panig ng mundo upang maglabanan sa iba’t ibang gawain na hinahamon ang kanilang kakayahan, gaya na lamamng ng desktop publishing, pagbuburda, at waste re-use. Para kay Karen, isang magandang tulay ito para sila’y maging parte ng lipunan at magkaroon ng positibong disposisyon.

“Higit pa sa salapi ang ibinibigay ng Abi-Lympics sa mga kapatid nating may kapansanan Ipinapakita nito na sila ay walang kakulangan at may talento sa ibang bagay. Kaya rin nilang lumaban; ang mahalaga lamang ay bigyan natin sila ng oportunidad,” giit niya.

Kakapanayamin din ni Karen sina Virgie Rabino at Bryan Manalo, dalawang Pinoy PWDs na lumahok sa Abi-Lympics sa South Korea noong nakaraang taon upang alamin ang kanilang mga naging paghahanda at karanasan sa paglisahan, at ang naging mabuting epekto nito sa kanilang buhay.

Dahil ang tunay na paninindigan ay hindi puro salita lamang, making at makiisa sa laban ni Karen. Manood ng “Krusada” bukas (Jan 19) pagkatapos ng “Bandila” sa ABS-CBN o sa mas maagang pag-ere nito sa DZMM TeleRadyo (SkyCable Channel 26), 9:15 PM.

Maja, Paliliyabin ang Hapon sa Pagbabalik ng Precious Hearts Romances

2012-01-17T04:38:00.000-08:00

Muling magbubukas ang mga pahina ng pag-ibig hatid ng Precious Hearts Romances (PHR) sa pagsisimula ng isa na namang mainit na kuwento ng pagmamahalan na pagbibidahan ng isa sa pinakamahusay na aktres ng kanyang henerasyon na si Maja Salvador, ngayong Lunes (Jan 23) sa “Precious Hearts Romances presents Lumayo Ka Man Sa Akin.”

Kasama ang premyadong dramatic actor na si Jason Abalos, pangungunahan na naman ni Maja ang isang PHR series na tiyak aabangan ng lahat tulad ng “PHR presents Impostor”, ang kaisa-isang Asian telenovela na nakakuha ng nominasyon sa prestihiyosong International Emmy Awards nitong 2011.

Mamarkahan din ng naturang teleserye ang pagbabalik Kapamilya nina Patrick Garcia at Ina Raymundo. Huling napanood si Patrick sa ABS-CBN sa teleseryeng “
“Kampanerang Kuba” at “Darating Ang Umaga” limang taon na ang nakakaraan, habang si Ina naman ay ngayon lang nagbabalik showbiz matapos magdesisyong huminto saglit para pagtuunan ang pamilya.

Kabilang din sa cast sina Ariel Rivera, Ina Feleo, Kathleen Hermosa, Toby Alejar, Mico Palanca, Bettina Carlos, at John Arcilla.

Sundan sa “PHR presents Lumayo Ka Man Sa Akin” ang buhay ni Janine del Castillo, isang dalagang nanganganib na ulitin ang kasalanang nagawa ng ina sa kanyang pagpili sa dalawang magkaibang landas ng pag-ibig.

Masasabing na kay Janine na ang lahat— maganda, matalino, mula sa mayamang pamilya, at may guwapo at kasingyamang ding mapapangasawa na si Matthew De Vega (Patrick Garcia). Ngunit ikinukubli sa karanyaang ito ang kakulangan sa kanyang pagkatao dala ng hindi nakagisnang ina.

Mababago ang lahat ng aminin sa kanya ng amang maysakit ang katotohanang siya ay bunga ng kataksilan ng kanyang ina. Nang makilala ni Maurice (Ariel Rivera) ang tunay na ina na si Consuelo (Ina Raymundo), lingid sa kaalaman niya na may asawa na ito kaya naman sa huli, naiwan sa kanyang pangangalaga si Janine habang si Consuelo ay bumalik sa tunay na pamilya.

Dahil sa rebelasyong ito, pupuntahan ni Janine ang ina para masagot lahat ng kanyang katanungan tungkol sa kanyang tunay na pagkatao. Sa kanyang daan patungo sa katotohanan, makikilala at matutukso siya sa makisig at matipunong si Jake Falcon (Jason Abalos). Pagsasaluhan nila ang maiinit na mga tagpong posibleng bumago sa kanyang pag-ibig kay Matthew.

Maari nga bang ulitin ng anak ang kasalanan ng ina ? Sino ba ang dapat piliin ni Janine? Ang pag-ibig ni Matthew na tama para sa kanya o si Jake na isinisigaw ng kanyang damdamin?

Huwag palalampasin ang ”Precious Hearts Romances presents Lumayo Ka Man Sa Akin” simula ngayong Lunes (Jan 23) pagkatapos ng “Pinoy Big Brother Unliday” sa Kapamilya Gold ng ABS-CBN.

Toni Gonzaga's Intriguing Comment About Piolo Pascual on 'The Buzz'

2012-01-16T21:21:00.000-08:00

Erap, Sasariwain ang Sarili Niyang Impeachment sa 'Patrol ng Pilipino'

2012-01-16T21:09:00.000-08:00

Opisyal nang nagbukas ang pagdinig sa kasong impeachment laban kay Chief Justice Renato Corona – ang ikalawang pagkakataon sa kasaysayan ng bansa na umabot sa Senado para dinigin ang isang kasong pagpapatalsik sa isang pampublikong opisyal.

Mamayang gabi (Jan 17) sa “Patrol ng Pilipino,” kakapanayamin ni Zen Hernandez ang dating pangulo at aalamin ang kanyang mga saloobin noong dati’y siya ang nasasakdal. Ayon kay Estrada, naniniwala siya na magkakaroon ng mas patas na paglilitis si Corona kumpara noong panahon niya.

Alamin kung paano dinala ng pamilya Estrada ang bawat paratang na ibinato sa kanya at kung aling punto ng paglilitis ang lubos siyang naapektuhan.

Ilalahad din ni Zen ang mga naganap sa unang araw ng impeachment trial ni Corona. Bukod sa pagpapaliwanang ng proseso ng impeachment trial at kung anu-ano ang mga akusasyong ipinupukol kay Corona, uusisain din kung gaano kalakas ang prosekusyon at depensa na maghaharap sa pagdinig ng kaso.

Samantala, bibisitahin naman ni Dominic Almelor ang ilan sa mga lugar sa Pampanga at Zambales, dalawa sa mga probinsya sa Pilipinas na nasa listahan ng Mines and Geosciences Bureau ng Department of Environment and Natural Resources na madalas nakakaranas ng pagbaha at pagguho ng lupa. Papakinggan ni Dominic ang sentimyento ng mga pamilyang natangay na ng pagbaha ang tahanan. Alamin kung paano nga ba maililigtas ang mga rehiyong ito gayong ang Pilipinas ay madalaas daanan ng kalamidad.

Alamin ang kwento sa likod ng mga balita mamaya (Jan 17) sa “Patrol ng Pilipino” pagkatapos ng “Bandila" sa ABS-CBN, o sa mas maagang pag-ere nito sa DZMM TeleRadyo (SkyCable channel 26), 9:15 PM.

ANC, Inilunsad na ang Impeachment Coverage na 'Chief Justice on Trial'

2012-01-16T18:13:00.001-08:00

Nagtrend ang hashtag na #CJonTrial sa Twitter Philippines sa pagbubukas ng impeachment trial ni Chief Justice Renato Corona ngayon Lunes (Jan 16). Patunay ito na mas maraming Pilipino ang nakatutok sa impeachment coverage ng ANC na “Chief Justice on Trial”. Sa coverage ng impeachment, inihahahatid ng mamamahayag na sina Karen Davila at Tony Velasquez ang mga mahahalagang balita. Nakakapanayam din nila ang isang grupo ng mga legal expert ukol sa kaso. Walang tigil na pag-uulat naman mula sa Senado ang ihahatid ng beteranong political reporter na si Lynda Jumilla at impeachment expert na si Atty. Adel Tamano, Tutukan ang “Chief Justice on Trial, the ANC Coverage” sa ANC (SkyCable ch. 27). Bukod sa live na simulcast sa Studio 23 at TFC at live streaming sa abs-cbnNEWS.com, naghahatid din ang ANC ng pinakasariwang update sa pamamagitan ng Twitter account na @ANCALERTS (#CJonTrial) at ANC 24/7 sa Facebook.

Top 14 ng 'Pinoy Big Brother Unlimited' Buo Na

2012-01-16T04:25:00.001-08:00

Kinumpleto nina Divine, Eting, Joya, at Deniesse ang Top 14 housemates ng “Pinoy Big Brother Unlimited” matapos nilang mapagtagumpayan ang matitinding pagsubok ni Big Brother noong nakaraang linggo.

Napalayas naman sa Bahay ni Kuya ang anim na evictees na sina Jerico, Naprey, Roy, Ryan, Steph, at Unad noong Sabado (Jan 14). Natanggalan ng pagkakataong makapasok sa Top 14 sina Jerico at Steph, habang nabigo naman sa kani-kanilang tasks sina Ryan, Naprey, at Unad. Samantala, hindi na ipinagpatuloy ni Roy ang kanyang laban at umatras na sa kahit anong hamon ni Big Brother.

Maaga nang napangalanan sina Biggel, Carlo, Slater, Tin at Wendy ng Team High Voltage at sina Paco, Seiichi, Jessica, Kevin, at Pamu ng Team Wayuk bilang parte ng Top 14 dahil sa pagkakakuha nila ng pinakamatataas na porsiyento ng mga boto mula sa taumbayan.

Sa bisa ng “PBB Aftershock,” isinara ni Big Brother ang kanyang industrial house at tuluyan na ngang maninirahang magkasama ang magkalabang grupo sa mansyon. Maliban kay Deniesse, isa pang miyembro ng Team High Voltage ang lilipat sa Team Wayuk. Paano kaya nito maapektuhan ang mga susunod na Kontra Battle ng dalawang grupo?

Samantala, nahumaling ang Pinoy netizens sa episode kagabi (Jan 15) kung saan ipinalabas ang unang bonding activity ng Top 14 housemates. Nag-trend sa Twitter sa buong mundo ang terms na “Tin and Kevin,” “Wendy and Carlo” at “Slater and Divine” dahil sa paghahalikan ng kanya-kanyang magpares sa isang inuman at dare game.

Huwag bibitiw at subaybayan ang mga pangyayari sa loob ng Bahay ni Kuya araw-araw sa “Pinoy Big Brother UnliDay” kasama si Bianca Gonzalez sa Kapamilya Gold pagkatapos ng “Angelito: Batang Ama” at gabi-gabi sa “Pinoy Big Brother UnliNight” kasama si Toni Gonzaga pagkatapos ng “Nasaan Ka Elisa?” sa Primetime Bida. Patuloy pa ring tutukan ang “PBB Unlimited Updates” ni Robi Domingo tuwing “Heartstrings” at “Ikaw ay Pag-ibig” sa ABS-CBN.

Alamin ang mga pinakabagong kaganapan sa Bahay ni Kuya at sundan ang PBB Secretary sa @OfficialPBB4 sa Twitter o i-like ang www.facebook.com/OfficialPinoyBigBrother.

Bamboo, Bagong Kapamilya ng 'ASAP 2012'

2012-01-16T04:24:00.000-08:00

Ang sikat na rock icon na si Bamboo Mañalac ang pinakabagong Kapamilya ng top-rating musical variety show ng ABS-CBN na “ASAP 2012.”

Sa isang engrandeng all-star welcome na inihanda ng "ASAP 2012," nakasama ni Bamboo sa concert stage ang ASAP mainstays na sina Gary Valenciano, Sarah Geronimo, at Yeng Constantino.

Kasabay ng bagong taon at ng kanyang bagong album, positibo si Bamboo sa panibago niyang hakbang sa kanyang career. Aniya, “Marami pa akong gusto matutunan bilang isang artist. Sa pagsali ko sa ASAP, inaasahan kong marami akong makikitang magandang pagbabago hindi lang sa aking musika, kundi maging sa sarili ko.”

Huwag palampasin ang astig na concert performances ni Bamboo sa 2011 PMPC Star Awards Best Musical Variety Show at Golden Screen Awards 2011’s Outstanding Musical Program na “ASAP 2012,” 12:15nn, sa ABS-CBN. Para sa updates, pictures at tsansang maka-hang out nang live ang stars ng ASAP Chill-Out, bumisita lamang sa http://asap.abs-cbn.com/sundan ang@ASAPOFFICIAL sa Twitter, o i-‘like’ ang http://facebook.com/asapofficial.

Inang May Pitong Anak, Wagi ng Jeepney sa 'HYY'

2012-01-15T23:33:00.000-08:00

Isang buhay na naman ang nabago sa “Happy Yipee Yehey,” lalo’t noong Sabado, opisyal nang ibinigay na kay Elma Nolla, 49, may pitong anak, ang napanalunan niyang isang bagong jeep sa “Susi ng Kapalaran.” Kasama niyang kumuha ng bagong pangkabuhayang nakamit ang dalawa sa pinakamamahal na mga anak at ang kanyang mister. Sa premyong napanalunan hangad ni Elma na matustusan ang pangangailangan ng kanyang pamilya. Para sa mga updates, i-follow ang HYY sa Twitter, http://twitter.com/#!/hyyofficial.

Sarah Geronimo - 'Bakit Pa Ba?' Music Video

2012-01-15T23:10:00.001-08:00

ANC, Ilulunsad ang Impeachment Coverage na 'Chief Justice on Trial'

2012-01-15T05:43:00.000-08:00

Noong taong 2000, nanguna ang ANC sa paghahatid ng walang humpay na coverage ng impeachment trial ng dating Pangulong Joseph Ejercito Estrada at nakilala bilang natatanging news channel na nag-ulat ng paglilitis mula simula hanggang sa pagtatapos nito.

Sa impeachment trial naman ni Chief Justice Renato Corona ngayong taon, muli na namang maglulunsad ang ANC ng live at walang tigil na pag-uulat ukol sa mahahalagang pangyayari sa paglilitis sa “Chief Justice on Trial, the ANC Coverage,” na magsisimula sa Lunes (Jan 16), 1 p.m.

Maghahatid ng maiinit na ulat mula mismo sa Senado ang beteranong political reporter at news anchor na si Lynda Jumilla at ang impeachment expert at Harvard alumnus na si Atty. Adel Tamano. Magbibigay naman ng mahahalagang balita mula sa ANC studio ang mga mamamahayag na sina Karen Davila at Tony Velasquez kasama ang isang grupo ng mga legal expert.

Bago magsimula ang live na coverage ng paglilitis, mapapanood muna sa ganap na 1 p.m. ang ilang primer. Kabilang dito ang pagpapaliwanag ng proseso ng impeachment at pagsisiyasat sa mahahalagang personalidad kabilang na ang Punong Mahistrado, mga abugado nito, mga taga-usig at ang Korte Suprema.

Itatampok din ang iba pang elemento sa kaso katulad ng posibleng hatol ng mga senator-judge at ang bangayan ni Corona at ng Pangulong Noynoy Aquino.

Bukod sa live na pagpapalabas ng paglilitis sa Studio 23 at live streaming sa abs-cbnNEWS.com, palalawigin ng ANC ang coverage nito sa pamamagitan ng social media. Ihahatid nito ang mga pinakasariwang update sa Twitter account na @ANCALERTS (#CJonTrial) at ANC 24/7 sa Facebook.

Maghahain din ng malalimang pagsusuri sa kaso ang ilang programa ng ANC. Hihimayin ni Adel sa “Tamano Perspective” ang mga highlight ng kaso tuwing Huwebes, 7 p.m, samantalang idodokumento naman ni Lynda ang pag-usad ng kaso sa “ANC Presents: Chief Justice on Trial” tuwing Martes, 7 p.m.

Samantala, mapapanood na ang award-winning na mamamahayag na si Bernadette Sembrano sa “Top Story”. Sasamahan nito ang beteranong anchor na si Tony Velasquez sa pagbibigay ng pinakamalalaki at pinakamahahalagang balita sa bansa, Lunes hanggang Biyernes, 5 p.m.

Tutukan ang “Chief Justice on Trial, the ANC Coverage” simula Lunes (Jan 16), 1 p.m. sa ANC (SkyCable ch. 27).

Alitan nina Maria at Sabrina Lalong Lumalalim sa 'Maria la del Barrio'

2012-01-15T05:41:00.000-08:00

May mga masasaktan at may mga iiwan sa bagong lingo ng “Maria la del Barrio.” Matapos ang matinding sagutan sa pagitan ni Maria (Erich Gonzales) at Sabrina (Jewel Mische), desidido na ang asawa ni Luis (Enchong Dee) na pabagsakin si Maria kahit madamay pa ang kanilang kumpanya. Ano pa nga kaya ang kayang gawin ni Sabrina lalo na sa sandaling malaman niyang hindi siya kailanman minahal ni Luis? Samantala, sa unti-unting paglinaw ng ala-ala ni Maria sa gabi ng kanyang panganganak, lumabas na kaya ang katotohanang ang nawawala niyang anak ay ang batang matagal nang kinakalinga ng mga Dela Vega? Abangan ang lalo pang tumitinding mga tagpo sa “Maria la del Barrio,” gabi-gabi, pagkatapos ng “Reputasyon” sa ABS-CBN. Para sa karagdagang updates, mag log on sa www.abs-cbn.com o sundan ang abscbndotcom sa Twitter.

John, Magbabago ang Buhay Dahil kay Zaijan

2012-01-15T05:40:00.000-08:00

Patuloy ang paglalakbay at ‘paghihimala’ ng mga bata sa top-rating Primetime Bida teleseryeng “Ikaw ay Pag-ibig” na pinagbibidahan nina Zaijan Jaranilla, Xyriel Manabat, Louise Abuel, at Mutya Orquia. Sa pagpasok ng karakter ni Max (John Lapus) sa kuwento, alamin kung paano mababago ni Nonoy (Zaijan) ang kanyang buhay sa paniniwalang may itinatago itong kabutihan sa kanyang puso. Mailigtas kaya ni Max si ‘baby Rafa’ sa kamay ng sindikatong nagbebenta ng mga bata? Tuklasin ang hiwagang dala ng mga bata sa kuwento ng "Ikaw ayPag-ibig," gabi-gabi, pagkatapos ng “TV Patrol” sa ABS-CBN. Para sa karagdagang updates, mag-log on sa www.abs-cbn.com, sundan ang @IkawayPagibig sa Twitter, o i-‘like’ ang http://www.facebook.com/IkawayPagibig.

Riovana Launches Saucony Running Shoes

2012-01-14T21:44:00.000-08:00

Get inspired to run by the newest running shoes to hit the Philippine Market: Saucony(www.saucony.com). Now available at Riovana, the Sole of Running, Saucony is one of the best known brands when it comes to high performance footwear. Founded in 1898 in Kutztown, Pennsylvania, Saucony lives up to its commitment of inspiring runners, by continuously developing innovative shoe designs to compliment each and every need of all runners out there. Saucony is the powerhouse behind groundbreaking technologies like the Flexion Plate, ProGrid, Arch-Lock and ViziPro, all of which have contributed much in helping runners find their own strength, which is incidentally the current campaign of the brand.

Among the models exclusively distributed by Riovana are: the ProGrid Kinvara2, the popular choice for both men and women when it comes to minimalist trainers built for everyday use. Super light, flexible and breathable, it redefines the next generation trainers. On the other hand, the Grid Type A5, is a lightweight racing pair that offers improved traction so that you won't miss a step. Perfect for men and women who just got into the running habit. Lastly, the Power Grid Hurricane, a must-have for men who want to gain top speed, reminiscent of the product's namesake. This model offers a super cushioned footing that allows one to race mile after mile at top speed with the greatest of ease.

Hurry! Don't miss this chance to try out the shoe brand that lives and breathes the spirit of running for a most heightened experience: Saucony.
Check out Saucony at the Riovana Branches at the Lower Ground Floor, Active Fun Building, 9th avenue corner 28th street at the Bonifacio Global City, near Honda BGC and at the 3rd Floor of Regis Center Building, Loyola Heights, Quezon City in front of Ateneo De Manila University.

For more details, visit www.riovana.com. Like us on Facebook: RiovanaPhilippines and follow us on twitter: RiovanaPH for the latest updates.

Sinulog Festival Ipagdiriwang sa ASAP 2012

2012-01-14T06:44:00.000-08:00

Maki-piyesta at ipagdiwang ang ‘Sinulog Festival’ ngayong Linggo (Enero 15) sa “ASAP 2012” kasama ang pinakamalalaking pangalan sa showbiz sa pangunguna ng ASAP Kapamilya mainstays na sina Gary Valenciano, ZsaZsa Padilla, Luis Manzano, Cristine Reyes, Sam Milby, Jericho Rosales, at Sarah Geronimo.

Sisimulan ang pagdiriwang sa ‘ultimate’ birthday surprise para kina Ultimate Heartthrob Piolo Pascual at Ultimate Multi-media Star Toni Gonzaga.

Pakikinangin naman ang ASAP concert stage ng mga powerhouse cast ng pinakabagong handog ng Star Cinema na “My Cactus Heart,” at apat na Kapamilya teleserye kabilang ang malapit nang magtapos ng “My Binondo Girl” at ang mga bagong seryeng “Walang Hanggan,” “Lumayo Ka Man Sa Akin” at ‘Luv U.”

Magpapasalamat sa ‘Jandy’ at ‘Janyx’ fans sina Kim Chiu, Xian Lim, Matteo Guidicelli, at Jolo Revilla at mag-aanyaya na tutukan ang ‘dragon finale’ ng “My Binondo Girl.”

Samantala, naglalakihang bituin ang mag-iimbita para sa nalalapit na pagbubukas ng kuwento ng “Walang Hanggan.” Darating sa “ASAP 2012” sina Coco Martin, Julia Montes, Richard Gomez, Dawn Zulueta, Melissa Ricks, Paulo Avelino, Joem Bascon, Rita Avila, plus Philippine showbiz royalties Eddie Guttierez, Helen Gamboa, at Susan Roces!

Siksik sa world-class concert performances din ang “ASAP 2012” mula kina Vina Morales, Christian Bautista, Angeline Quinto, Jed Madela, Erik Santos, Yeng Constantino, Jovit Baldivino, Marcelito Pomoy, Vincent Bueno, Nikki Gil, Zia Quizon at sa ASAP Sessionistas. Tutukan rin ang back-to-back album launche nina Aiza at OPM legend Basil Valdez. Isa pang espesyal na sorpresa ang hatid ng new generation Pinoy rock band na Parokya ni Edgar.

Gayundin, todo-hataw rin ang ipapasiklab ng ASAP Supahdancers na sina Rayver Cruz, Gab Valenciano, Sam Concepcion, Enchong Dee, Enrique Gil, Iya Villania, Empress, Maja Salvador, at Jessy Mendiola.

Abangan rin ngayong Linggo ang pinakabagong ASAP Kapamilya dahil ipakikilala na siya!

Makipagdiwang sa 2011 PMPC Star Awards Best Musical Variety Show and Golden Screen Awards 2011’s Outstanding Musical Program “ASAP 2012” ngayong Linggo, 12:15nn, sa ABS-CBN. Para sa updates, pictures at tsansang maka-hang out nang live ang stars ng ASAP Chill-Out, bumisita lamang sa http://asap.abs-cbn.com/ sundan ang @ASAPOFFICIAL sa Twitter, o i-‘like’ ang http://facebook.com/asapofficial.

Richard Gomez, Makiki-Jamming sa 'Happy Yipee Yehey'

2012-01-13T03:30:00.000-08:00

Kung maraming magandang babae ang parating itinatampok sa “Happy Yipee Yehey,” siyempre naman kailangang maging masaya rin ang mga babae. Ngayong Sabado (Enero 14) maliban sa naggagwapuhang sina Randy Santiago, John Estrada at Rico J Puno, makikisaya din sa HYY barkada ang isa sa mga pinaka-gwapo sa industriya si Richard Gomez.

Kasama ang RJR, pakikiligin ni Goma ang mga kababaihan sa kanilang mga awitin. Ito’y bilang paghahanda na rin sa napipintong paglulunsad ng teleserye ni Goma na “Walang Hanggan,” na siyang sinasabing pinakamalaki ngayong taon.

Ang nagbabalik Kapamilya rin na si Patrick Garcia ay sasabak sa isang malaking hamon, ang maging hurado sa “Who’s That Girl,” kung saan kailangan niyang mahulaan kung sino sa mga pusturang-pusturang kalahok ang tunay ba babae.

Ang iba pang host naman na sina Pokwang, Bianca Manalo at Toni Gonzaga ay makiisa sa masaya’t makulay na pagdiriwang ng Sinulog festival sa pamamagitan ng kanilang bonggang-bonggang opening number.

Nakatakda ding ibigay ng HYY ang isang bagong jeep para kay Elma Nolla, 49, may pitong anak, na masuwertrng nagwagi sa “Susi Ng Kapalaran.” Sa premyong napanalunan hangad ni Elma na matustusan ang pangangailangan ng kanyang pamilya.

Samantala, isang exciting din na palaro ang handog ng HYY. Matapos ang “Batang Genius,” aarangkada naman ang “Feeling Genius” kung saan tampok ang mga sexy comedienne na sina Keanna Reeves at Angelica Jones.

Walang patid ang kasiyahan na handog ng pinaka-masayang kabarkada sa tanghali. Huwag palampasin ang “Happy Yipee Yehey!” mula Lunes hanggang Sabado, pagkatapos ng “Showtime” sa ABS-CBN.

Salpukan ng Thunder at Knicks, Ipapalabas ng ABS-CBN

2012-01-13T01:02:00.001-08:00

Itataya ng Oklahoma City Thunder ang maganda nilang standing sa laban ng koponan kontra New York Knicks sa Linggo (Jan 15), 10:15 a.m. na mapapanood via satellite sa ABS-CBN at sa primetime, 9:30 p.m. sa Studio 23.

Ilang taon matapos lumipat mula sa Seattle at bitiwan ang pangalang “SuperSonics,” isa ang Oklahoma City sa mga teams na nangunguna ngayong season sa dami ng panalo.

Pinangungunahan ng shooter na si Kevin Durant at ng point guard na si Russell Westbrook ang Thunder. Minsan nang tinawag na “Cinderella story” ang kwento ng koponan matapos patunayan ang husay sa kabila ng hindi magandang inaugural season nito noong 2008. Ang Thunder ang unang team na nakapagtala ng tatlong panalo sa tatlong magkakasunod na gabi ngayong season.

Hindi naman magpapatalo ang Knicks pagdating sa sunud-sunod na panalo. Nagkamit ng three-game winning streak ang New York nang talunin nito ang Charlotte Bobcats noong January 9.

Matagal ding nahimbing ang New York Knicks bago pumasok ang star player na si Carmelo Anthony noong 2011. Sa pagdating naman nitong Disyembre ng defensive player na si Tyson Chandler matapos tulungang makuha ng dating team na Dallas Mavericks ang titulo noong nakaraang taon, sinasabing magiging maganda ang season na ito para sa Knicks.

Huwag palalampasin ang sagupaan ng Thunder at Knicks sa Linggo, 10:15 a.m. sa ABS-CBN. Mapapanood naman ang primetime telecast ng laro sa parehong araw, 9:30 p.m. sa Studio 23.

Bago ang primetime replay sa Studio 23, itatampok sa Real NBA sa ganap na 9;00 p.m. ang pinakamalalaking behind-the-scenes na pangyayari sa liga, sa loob man o sa labas ng court.

Sinigang at Tawanan, Ihahain ng mga Komedyante sa 'Junior MasterChef Pinoy Edition'

2012-01-13T00:58:00.000-08:00

Sa patnubay ng walong nalalabing kiddie cooks, maghahanda ng iba’t ibang lutong sinigang ang mga komedyanteng sina Jason Gainza, Tado, Rubi-Rubi, at Kakai Bautista ngayong Sabado (Jan 14) sa “Junior MasterChef Pinoy Edition.”

Masusukat ang galing nina Acee, Caitlin, Emman, Jobim, Kyle, Mika, Miko, at Philip sa paggabay sa mga mas nakatatandang komikero na magpapasarapan ng sinigang gamit ang sampalok, kamias, bayabas, at hilaw na mangga.

Matapos ang umaatikabong kulitan at tawanan sa kusina, haharap naman ang kiddie cooks sa isang matinding elimination round sa Linggo (Jan 15) kung saan isa na naman sa kanila ang mapapatalsik sa kumpetisyon. Kaninong baon at siopao kaya ang magsasalba sa kanila mula sa eliminasyon?

Huwag palampasin ang “Junior MasterChef Pinoy Edition” ngayong Sabado (Jan 14) pagkatapos ng “Wansapanataym” at ngayong Linggo (Jan 15) pagkatapos ng “Goin’ Bulilit” sa ABS-CBN. Maging updated sa programa, i-like ang http://www.facebook.com/jrmasterchef sa Facebook, sundan ang @jrmasterchef_ph sa Twitter, o bisitahin ang www.masterchefph.tv. I-tweet din ang inyong mga opinyon, saloobin, at suhestiyon gamit ang hashtag na #JuniorMasterChefPinoyEdition.

Rayver at Rodjun, Gaganap Bilang 'Bringas Brothers' sa 'MMK' Ngayong Sabado

2012-01-12T00:27:00.000-08:00

Tampok sa “Maalaala Mo Kaya” ngayong Sabado (Enero 14) ang nakaaantig na kuwentong buhay ng magkapatid na Jeff at Kurt Bringas o mas kilala bilang 'Bringas Brothers' na na nagwagi bilang 3rd place sa number one talent reality search sa bansa na "Pilipinas Got Talent Season 3." Bibigyang buhay ang kuwento nila ng magkapatid na Rayver at Rodjun Cruz. Tuklasin sa episode kung papaanong tinupad ni Jeff (Rodjun) sa pamamagitan ng musika ang pangako sa nakababatang kapatid na si Kurt (Rayver) na mabawi ang kanyang tiwala sa sarili matapos maputulan ng binti dahil sa kanser sa buto. Kasama nina Rayver at Rodjun sa episode sina Valerie Concepcion, Nash Aguas, Ismael Clavero, Allan Paule, Melissa Mendez, Linn Oeymo, Laisa Comia, Angel Sy, Jobelle Salvador, at Raul Montessa. Ito ay sa ilalim ng pagsasaliksik ni Mae Rose Balanay, panulat ni Benjamin Benson Logronio, at direksyon ni Mae Czarina Cruz. Huwag palampasin ang patuloy na pagdiriwang ng ika-20 anibersaryo ng longest-running drama anthology ng Asya, ang “Maalaala Mo Kaya” (MMK), tuwing Sabado ng gabi, pagkatapos ng “Junior Master Chef Pinoy Edition.” Para sa iba pang updates, mag log on sa www.mmk.abs-cbn.com, sundan ang @MMKOfficial sa Twitter, at i-“like” ang www.faceboook.com/MMKOfficial.

Saluhin ang 'Hulog ng Langit' Ngayong Sabado sa 'Wansapanataym'

2012-01-11T23:43:00.000-08:00

Tunay na kahulugan ng kasiyahan ang matututunan sa ‘Hulog ng Langit’ episode ng “Wansapanataym” ngayong Sabado (Enero 14), tampok ang kuwento ni Paulo (Jason Abalos) na matagal nang nasanay na malungkot at nag-iisa. Tutukan kung paano nagawa ng isang anghel (Denise Laurel) na biglang bigyang kulay ang buhay ng isang taong mistulang tinalikuran na ang mundo. Makakasama rin nina Jason at Denise si Buboy Garovillo. Ang ‘Hulog ng Langit’ ay sa ilalim ng direksyon ni Avel Sunpongco at panulat ni Noreen Capili. Huwag palampasin ang “Wansapanataym” ngayong Sabado ng gabi pagkatapos ng “TV Patrol Weekend” sa ABS-CBN.

Bandila: First Day Shooting of 'Bourne Legacy'

2012-01-11T22:01:00.001-08:00

Bourne Legacy First Day Shooting by starmometerdotcom

'My Cactus Heart' - Official Movie Poster and Trailer

2012-01-11T02:49:00.000-08:00

Charie, Ipapakilala ang mga 'Di Kilalang Lugar sa 'Pinas

2012-01-11T02:45:00.000-08:00

Hindi lang Boracay at Chocolate Hills ang maaaring ipagmalaki ng Pilipinas. Para patunayan iyan, magbabalik-telebisyon ang batikang mamamahayag na si Charie Villa ngayong Huwebes (Jan 12) sa “Krusada” upang ipakilala ang mga hindi pa natutuklasan at kilalang lugar sa Pilipinas sa pamamagitan ng Internet travel portal na ‘Choose Philippines.’

Lilibutin ni Charie, na siya ring news head ng ABS-CBN Regional Network Group (RNG), ang Laoag, Pagudpod, Burgos, Bangui, at Adams sa Ilocos upang alamin kung bakit hindi pa rin umaarangkada ang turismo sa mga ito. Maraming lugar sa bansa ang hindi pa matawag na ‘tourist spots’ dahil walang mga taong dumadagsa rito.

Ayon sa datos, sampung Pilipino ang nagkakaroon ng hanapbuhay sa bawat dayuhan na lilibot sa Pilipinas. Ani Charie, magandang plataporma ang ‘Choose Philippines’ upang tulungan ang locals dito sa kanilang kabuhayan.

“Ang talagang papel ng turismo, ang magbukas ng maraming oportunidad at pasiglahin ang kabuhayan sa bansa. Kaya lang, mayroon pa ring mga magagandang problema na kailangang harapin. Magagandang problema, dahil pwede pa silang lutasin kung ipagbibigay alam lang sa mga tao at sa pamahalaan,” sambit niya.

Inilunsad ng ABS-CBN RNG ang ‘Choose Philippines’ website (choosephils.com) noong Abril ng nakaraang taon upang bigyan ang mga Pinoy at banyaga ng tama at up-to-date na impormasyon tungkol sa mga lugar, pagkain, produkto at kultura ng Pilipinas.

Tuklasin ang yaman at ganda ng Pilipinas. Dahil ang tunay na paninindigan ay hindi puro salita lamang, makinig at makiisa sa kampanya ni Charie ngayong Huwebes (Jan 12) sa “Krusada” pagkatapos ng “Bandila” sa ABS-CBN o sa mas maagang pag-ere nito sa DZMM TeleRadyo (SkyCable Channel 26), 9:15 PM.

Tom Rodriguez, Sasabak Bilang Andrew sa 'Angelito: Batang Ama'

2012-01-11T00:53:00.000-08:00

Muling mapapanood tuwing hapon ang ”Pinoy Big Brother Double Up” alumnus na si Tom Rodriguez bilang ang matipuno at guwapong piloto na si Andrew (Tom Rodriguez) sa mas tumitinding kuwento ng ”Angelito: Batang Ama.” Isang kilabot ng mga kababaihan, si Andrew ay mabibighani sa ganda at busilak na kalooban ni Rosalie (Charee Pineda). Pero tila lahat ng kanyang mga pagpapa-cute at pag-porma ay hindi umuubra sa dalaga kaya naman mas lalong magpupursige ang binata para makuha ang loob niya. Mapasagot kaya ni Andrew si Rosalie? Mahanap na kaya ni Angelito (JM De Guzman) ang kanyang pinakamamahal bago ito makuha ng iba?

Walang bibitiw sa pinag-uusapang serye tuwing hapon, ang “Angelito: Batang Ama,” 3:30 PM pagkatapos ng “Heartstrings” sa Kapamilya Gold ng ABS-CBN. Sundan ang Twitter sa @Batang_Ama, Facebook (www.facebook.com/AngelitoBatangAma), at YouTube (www.youtube.com/AngelitoBatangAma). I-tweet na ang inyong mga opinion, saloobin, at suhestiyon gamit ang hashtag na #AngelitoBatangAma.